தெளிந்த மனம்

by **Ahanya** Wed Jan 09, 2013 9:01 am

புத்தர் தமது சீடர்களுடன் ஓர் ஊரிலிருந்து மற்றோர் ஊருக்கு சென்றார். வழியில் அவர் ஓர் ஏரியை கடந்தார். ஒரு சீடரிடம் "எனக்கு தாகமாக உள்ளது சிறிது நீர் கொண்டுவா"என்றார்.

ஏரியை அடைந்த சீடன் ஏரி கலங்கி இருப்பதை பார்த்தான். கலங்கிய நீரை எப்படி குருவுக்கு கொடுப்பது என எண்ணிய சீடன் திருப்பி சென்று புத்தரிடம் இது பற்றி கூறினான்.

புத்தரோ அதே ஏரியில் இருந்துதான் நீர் கொண்டுவருமாறு கூற சீடன் மறுபடியும்
ஏரிக்கு சென்றான். கலங்கிய நீர் தெளியும் வரை அங்கு காத்திருந்தான். சேறு அழுக்கு எல்லாம் கீழே படிந்து நீர் தெளிவாகியதன் பின் பாத்திரத்தில்
நீர் முகர்ந்து கொண்டு வந்து புத்தரிடம் கொடுத்தான்.

நீரையும் சீடனையும் பார்த்த புத்தர் " மகனே குழம்பியிருந்த நீரை நீயா தெளிவாக்கினாய்?
அது தானாகவே தெளிந்து விட்டதை பார்த்தாயா! உன் மனமும் அப்படித்தான். குழம்புகிறதா?விட்டு விடு நீ எந்த முயற்சியும் செய்யாதே. அது தானாகவே அடங்கிவிடும் அதுதான் அதன் இயல்பு " என்றார்.

புத்த பகவானின் இந்த உபதேசத்தை சரியாக உணர்ந்து வாழ்வின் எல்லா
நிகழ்வுகளையும் ஒரு சாட்சியாக பார்க்க தொடங்கினால் மனம் தெளிவு பெறும்.

அன்பு மலர்

நன்றி : நினைவு மலர் ( பொன்னுத்துரை)

by யினியவன் Wed Jan 09, 2013 9:19 am

தெளிந்த கலக்கல் பதிவு அகன்யா

எந்த ஏரியில் கதை கிடைத்ததுன்னும் சொல்லிடுங்க

by **Ahanya** Wed Jan 09, 2013 9:27 am

மனம் தெளிவாகிய பின் நன்றாக சிந்தியுங்கள்............

முன்னேற்றம் என்பது நமது கைகளில் தான் இருக்கிறது.

படி 1: என்னால் செய்ய முடியாது

படி 2: நான் செய்ய மாட்டேன்

படி 3: நான் செய்ய விரும்புகிறேன்

படி 4: நான் இதை எவ்வாறு செய்வேன்.

படி 5: நான் இதை செய்ய முயற்சிக்கிறேன்

படி 6: என்னால் செய்ய முடியும்

படி 7: நான் நிச்சயம் செய்வேன்

படி 8: ஆம் செய்து முடித்தேன்.

இன்று நீங்கள் எந்த படியை அடைந்துள்ளீர்கள்?

முயற்சியுங்கள் நண்பர்களே! சாதிக்க முடியாதது எதுவுமில்லை..........