பன்றிக்காய்ச்சலை விரட்டும் துளசி

தாமு · தாமு Fri Oct 16, 2009 5:41 am

பன்றிக்காய்ச்சல் பீதி இன்னும் உலக மக்கள் மத்தியில் இருந்து அகன்றபாடில்லை. இந்தியாவிலும் இந்த நோயின் பாதிப்பு தற்போது அதிகரித்துள்ளது. அந்த நோய்க்கு உயிர்ப் பலியானவர்களின் எண்ணிக்கையும் அதிகரித்துள்ளது.

இதனால், அந்த நோய் யாருக்கு, எப்போது, எப்படி வருமோ என்கிற பீதி மக்கள் மத்தியில் இருக்கத்தான் செய்கிறது. இந்த பீதி ஒருபுறம் இருக்க நம்மூர் துளசிக்கு இந்த பன்றிக்காய்ச்சலை விரட்டியடிக்கும் `பவர்' இருக்கிறது என்பது குஜராத் ஆயுர்வேத பல்கலைக்கழக ஆய்வகத்தில் நடந்த ஆய்வில் உறுதி செய்யப்பட்டுள்ளது.

பன்றிக் காய்ச்சலுக்கு காரணமான ஸ்வைன் ப்ளு வைரஸ் (எச்1என்1) மட்டுமின்றி, எந்தவொரு வைரஸ் பாதிப்பையும் கட்டுப்படுத்தும் - தடுக்கும் ஆற்றல் இந்த துளசிக்கு இருப்பதும் அப்போது தெரிய வந்துள்ளது.

பன்றிக்காய்ச்சலால் பாதிக்கப்பட்டவர்கள் துளசியை எந்த வகையிலாவது மருந்தாக எடுத்து உட்கொள்ளும்போது, அது விரைவாக செயல்பட்டு அந்த நோயின் தாக்கத்தை கட்டுப்படுத்துகிறது. அத்துடன், உடலுக்குத் தேவையான நோய் எதிர்ப்பு சக்தியையும் ஊக்குவிக்கிறது.

இதுபற்றி ஆய்வை மேற்கொண்டவர்கள் கூறும்போது, `பன்றிக்காய்ச்சல் பாதிப்பு உள்ளவர்கள் துளசியை ஜுஸ் ஆகவோ அல்லது பேஸ்ட் போன்றோ எடுத்துக்கொண்டால், அந்த பாதிப்பில் இருந்து விடுபட்டு மீண்டும் பழைய நிலைக்கே திரும்பிவிடலாம். இதற்கு, ஒரு நாளைக்கு இரண்டு முறை இவ்வாறு துளசியை உட்கொண்டு வரவேண்டும். பன்றிக்காய்ச்சல் அறிகுறிகளான காய்ச்சல், இருமல், தொண்டைவலி, உடல் வலி, தலைவலி, மூக்கில் இருந்து நீர்வடிதல், அளவுக்கு அதிகமான களைப்பு போன்ற பாதிப்புகள் உள்ளவர்களும் துளசியை மருந்தாக எடுத்து பயன்பெறலாம்' என்று தெரிவித்தனர்.

பன்றிக்காய்ச்சலை விரட்டும் துளசி

பன்றிக்காய்ச்சலை விரட்டும் துளசி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக