வளைகுடா நாடுகளில் உள்ளது போன்ற மது தொடர்பான சட்டங்கள் அவசியம்

இந்தியாவில் குறிப்பாக தமிழ்நாட்டில் குடிக்க வேண்டும் என்று ஆசைபட்டால் எந்த நேரத்திலும், எவ்விடத்திலும், எவ்வளவு வேண்டுமானாலும் குடிக்கலாம்.போதையில் சாலையில் படுத்து தூங்கலாம், வம்பிலுக்கலாம்.

சென்னையில் பல டாஸ்மாக் பார்கள் முன்னால், பின்னால், சந்து என பல இடத்தில் மது படில்களை ஒளித்துவைத்து டாஸ்மாக் திறப்பதற்கு முன்பும் l டாஸ்மாக் மூடிய பின்பும் அமோகமாக மது விற்பனை நடக்கிறது. கிராமங்களில் இன்னும் மோசம் அங்கு பார்களை திறந்து வைத்தே மது விற்கிறார்கள்.

இப்படி அளவுக்கு அதிகமாக குடிப்பதால் தான் பல கொலை கொள்ளை கற்பழிப்பு போன்ற சமூகவிரோத செயல்கள் அரங்கேறிய வண்ணம் உள்ளது.ஒவ்வொரு நாலும் செய்திதாள்களில் வரும் சமூகவிரோத செயல்கள் பற்றிய செய்திகளில் முக்கால்வாசி அதிக மதுவினால் ஏற்படும் பாதிப்பால் நடக்கிறது.

இதை அரசும் கண்டுகொள்வதாக இல்லை, இது போன்று மது விற்பதுக்கு எந்த ஒரு விதிமுறையும் பின்பற்றுவதாக தெரியவில்லை.

வளைகுடா நாடுகளில்(குறிப்பாக துபாய்,ஷார்ஜா, அபுதாபி,கத்தார் ) மது குடிக்க வேண்டும் என்றால் முதலில் அரசாங்கத்தின் Maritime & Mercantile International (MMI ) இருந்து குடிபதற்கான உரிமம் வாங்கவேண்டும். அதாவது

1) அந்த நபர் முஸ்லிமாக இருக்ககூடாது.
2) அவர் வேலை செய்யும் நிறுவனத்திடம் இருந்து அனுமதி பத்திரம் வேண்டும்.
3) தங்கி இருக்கும் வீட்டு உரிமையாளரின் அனுமதி வேண்டும்.

மேலும் அந்த விண்ணப்பத்தை துபாய் காவல்துறை பரிசிலித்து , ஒரு அரசாங்க மருத்துவர் உங்களை பரிசோதனை செய்து உங்கள் உடம்பு ஒரு நாளைக்கு எவ்வளவு மதுவை தாங்கும் சக்தி கொண்டது என வரையறுத்து, ஒரு மாதத்திற்கு உதாரணமாக 3 அல்லது 4 புல் கொடுக்கலாம் என ஒரு அடையாள அட்டையை கொடுப்பார்கள். அந்த அடியாள அட்டையை MMI ஷாப்பில் காண்பித்து அந்த குறிப்பிட்ட அளவு மதுவை மட்டும் தான் நம்மால் வாங்க முடியும்.

இவ்வாறு செய்வதால் அளவுக்கு அதிகமா குடித்துவிட்டு செய்யும் தவறுகள், குற்றங்கள் முற்றிலும் தவிர்க்கபடுகிறது. மேலும் குடித்துவிட்டு தவறு செய்தால் கடுமையான தண்டனைகள் உண்டு என்ற பயம் இருப்பதால் தவறுகள் நடக்க வாய்ப்பே இல்லை.

அதுபோல் ஒரு சட்டத்தை இங்கு கொண்டு வர முடியுமா? அவ்வாறு வந்தால் தமிழ்நாடு எவ்வாறு இருக்கும்.

கருத்துக்கள் வரவேற்கப்படுகிறது.

கொண்டு வந்தால் நல்லதுதான்.ஆனால் நமது அரசு மதுவில் வருமானம் கண்டுவிட்டதே.இனிமேல் மது விற்பனை குறைவதை நமது அரசியல் வியாதியர்களால் சகிக்கமுடியாதே.