திமுக ஒன்றும் சங்கர மடமல்ல அழகிரி அதிரடி

"எனக்கு பின், ஸ்டாலின் தான், அடுத்த தலைவராக வருவார்' என்பதை, தி.மு.க., தலைவர் கருணாநிதி, நேற்று முன்தினம் நடந்த ஒரு நிகழ்ச்சியில் மறைமுகமாக சுட்டிக் காட்டினார். இதற்கு, பதிலடி கொடுக்கும் வகையில், மத்திய அமைச்சர் அழகிரி, "தி.மு.க., ஒன்றும்சங்கரமடம் அல்ல' என, கருணாநிதி பாணியில், நேற்று ஆவேசமாக பேட்டி அளித்தார்

சூசகமாகதெரிவித்தார் : வேலூர் மாவட்டத்தைச் சேர்ந்த பா.ம.க.,வினர், தி.மு.க., தலைவர் கருணாநிதி முன்னிலையில், ‌நேற்று முன்தினம், கட்சியில் இணைந்தனர். இந்நிகழ்ச்சியில் பேசிய கருணாநிதி, "என் வாழ்நாள் முழுவதும் தமிழ்சமுதாய மேன்மைக்காக, நான் பாடுபடுவேன்; எனக்கு பிறகு, ஸ்டாலின் பாடுபடுவார்'என்றார்.தனது ‌பேச்சின் மூலமாக, தனக்கு பின், தி.மு.க., தலைவராக, ஸ்டாலின் பொறுப்பேற்பார் என, அவர் சூசகமாகதெரிவித்தார்.

இந்த அறிவிப்புக்கு,ஸ்டாலின் ஆதரவாளர்கள்தலைவர் பதவி கிடைக்காது என்ற வருத்தமும் ஏற்பட்டது.கருணாநிதியின் இந்த அறிவிப்பு, மத்திய அமைச்சர் அழகிரி, ஆதரவாளர்கள்மத்தியில் கடும் எதிர்ப்பைஏற்படுத்தியுள்ளது. இம்மாதம், 30ம் தேதி, அழகிரியின் பிறந்த தின விழாவை, அவரதுஆதரவாளர்கள் தடபுடலாக கொண்டாடுவதற்கு ஏற்பாடுகள் செய்து வருகின்றனர். இந்த உற்சாகத்தை குலைக்கும் வகையில், கருணாநிதியின்அறிவிப்பு அமைந்து விட்டதாக அவர்கள் குமுறுகின்றனர்.

இந்நிலையில், மதுரையில் இருந்து நேற்று காலை,விமானம் மூலம்,மத்திய அமைச்சர் அழகிரி, சென்னைவந்தார்.

அவரிடம்கருணாநிதியின்அறிவிப்பு குறித்து, நிருபர்கள் கருத்து கேட்டனர்.இதற்கு பதில் அளித்த அழகிரி, ""தி.மு.க., ஒன்றும் சங்கர மடம் அல்ல. இதை ஏற்கனவே, கருணாநிதியும் கூறியிருக்கிறார்; ஸ்டாலினும் கூறியிருக்கிறார்; அதை தான் நானும் கூறுகிறேன். கடந்த வாரம், "ஆனந்த விகடன்'இதழுக்கு, ஸ்டாலின் அளித்த பேட்டியில் இந்த கருத்தை அவர் தெரிவித்துள்ளார்,'' என,ஆவேசமாககூறிவிட்டுபுறப்பட்டார்.தி.மு.க.,வில் அடுத்த தலைவர் பதவிக்கு, ஸ்டாலின், அழகிரி இடையே மோதல்ஏற்பட்டபோது, "தி.மு.க., ஒன்றும்சங்கர மடம் அல்ல. கட்சி பதவிக்கு யார் வர வேண்டும் என்பதை பொதுக் குழு, செயற்குழு தான் முடிவு செய்யும்' என, கருணாநிதி ஏற்கனவே ஆவேசமாக கருத்து தெரிவித்தார். இதை ஆ‌மோதிப்பது ‌போல், "உட்கட்சி ‌தேர்தலில், தலைவர் பதவிக்கு ‌போட்டியிடத் தயார்' என, கடந்த சில மாதங்களுக்கு முன், அழகிரி தெரிவித்தார்.இந்நிலையில், "எனக்கு பின் ஸ்டாலின்' என, கருணாநிதி பேசியதற்கு, எதிர்ப்பு தெரிவிக்கும் வகையில், அவரது பாணியில், அழகிரி பதிலடி கொடுத்து பரபரப்பை ஏற்படுத்தியுள்ளார்

ஸ்டாலின் - கனிமொழி ‌பலப்பரீட்‌சை : இன்று ஸ்டாலின் தலைமையில், நடக்கும் லோக்சபா திருவள்ளூர் மாவட்ட தி.மு.க., கோஷ்டி பூசலில் சிக்கித் தவிக்கிறது. கட்சி மேலிட ஆதரவில் பலர் அரசியல் செய்து வருவதே, கோஷ்டி பூசலுக்கு முக்கிய காரணமாக அமைந்துள்ளது. இந்நிலையில், லோக்சபா தேர்தல் தொடர்பாக, திருவள்ளூர் மாவட்ட நிர்வாகிகளின் ஆலோசனை கூட்டம் இன்றுநடைபெறவுள்ளது. செங்குன்றம் அடுத்த அலமாதியில், 40 ஏக்கர் நிலத்தில், இதற்கான மேடை மற்றும் பிரமாண்ட பந்தல் அமைக்கப்பட்டுள்ளது. இதற்கான ஏற்பாட்டை, மாவட்ட பொறுப்பாளர் சுதர்சனம் செய்துள்ளார். இந்த ஆலோசனைக் கூட்டத்திற்கு வரும்படி, கட்சியினருக்கு அழைப்பு விடுக்கப்பட்டுள்ளது. கனிமொழியின் 45வது பிறந்த நாளை ஒட்டி, "ஆதரவற்றோர் அன்பு நாள்' என்ற விழா, திருவொற்றியூரில் நடக்கிறது.

இவ்விழாவில், கனிமொழி பங்கேற்று, ஏழைகளுக்கு நலத்திட்ட உதவிகளை வழங்கவுள்ளார். விழாவிற்கான ஏற்பாடுகளை, முன்னாள் அமைச்சர் சாமி செய்துள்ளார். இந்த விழாவில், பங்கேற்க வரும்படி, கனிமொழி ஆதரவாளர்கள் தரப்பில், நிர்வாகிகள் மற்றும் தொண்டர்களுக்கு அழைப்பு விடுக்கப்பட்டுள்ளது. ஒரே நாளில் இரண்டு விழாவிற்கு ஏற்பாடு செய்யப்பட்டுள்ளதால், எதில் பங்கேற்பது என்ற குழப்பம், கட்சியினருக்கு ஏற்பட்டுள்ளது.

நன்றி:- தினமலர்

"தி.மு.க., ஒன்றும்சங்கர மடம் அல்ல. கட்சி பதவிக்கு யார் வர வேண்டும் என்பதை பொதுக் குழு, செயற்குழு தான் முடிவு செய்யும்' என, கருணாநிதி ஏற்கனவே ஆவேசமாக கருத்து தெரிவித்தார்.

பெருசு மண்டையை போட்டால் இன்னும் பல நகைச்சுவை நாடகங்கள் அரங்கேறும் அது மட்டும் நிச்சயம்.

போற போக்குல எங்க ஊரு சுல்தான் போல அப்பனை போட்டு தள்ளிட்டு பிள்ளைகள் தலைமைக்கு வர போறாங்க

balakarthik wrote:போற போக்குல எங்க ஊரு சுல்தான் போல அப்பனை போட்டு தள்ளிட்டு பிள்ளைகள் தலைமைக்கு வர போறாங்க

யார் கண்டது நடந்தாலும் நடக்கும்

ராஜா wrote:

"தி.மு.க., ஒன்றும்சங்கர மடம் அல்ல. கட்சி பதவிக்கு யார் வர வேண்டும் என்பதை பொதுக் குழு, செயற்குழு தான் முடிவு செய்யும்' என, கருணாநிதி ஏற்கனவே ஆவேசமாக கருத்து தெரிவித்தார்.

பெருசு மண்டையை போட்டால் இன்னும் பல நகைச்சுவை நாடகங்கள் அரங்கேறும் அது மட்டும் நிச்சயம்.