ஓரளவு நலமடைந்து வருகிறேன். நன்றி

by **மாணிக்கம் நடேசன்** Fri Jan 04, 2013 9:40 am

என்னை மறக்காமல் நான் விரைவில் நலமடைய வேண்டிய எல்லா உள்ளங்களுக்கும் முதலில் உளமார்ந்த நன்றியை காணிக்கையாக சமர்ப்பித்து வணங்குகிறேன்.
கடந்த 26.12.2012 மாலை சுமார் 7.30 மூச்சுத் திணறல் ஏற்பட்டது, நல்ல வேளை மருத்துவமனை வீட்டிலிருந்து சுமார் ஒரு கி.மீ. தூரத்துக்குள் இருந்ததால் நண்பர் ஒருவர் ( இன்னும் தூரமாக இருந்திருந்தால் ஒரு வேளை நான் இறந்து ஒரு வாரத்திற்கு மேல்ஆகி இருக்கும்) காரில் சென்றால் கால தாமதமாகும் என்பதால் என்னை தனது மோட்டார் சைக்கிளில் குறுக்கு வழியாக ஏற்றிச் சென்று அவசர மருத்துவ பிரிவில் சேர்த்தார். உடனே எனக்கு ஒக்சிஜன் ஏற்றினார்கள், சுமார் நான்கு மணி நேரம் ஒரு மருத்துவர் இரண்டு நர்சுகளின் கண்காணிப்பில் இருந்தேன்.

பிறகு என்னை வார்டுக்கு மாற்றினார்கள், அங்கும் ஒக்சிஜன்தான் இப்படியே இரண்டு நாட்கள், ஒரு நாளைக்கு 3 முறை இ.சி.ஜி வேறு. ஒரு வேளைக்கு 8 மாத்திரைகள் என்று மூன்று வேளை மருந்து வேறு.

மேலும் மருத்துவமனையில் இருக்க விரும்பாமல், நானே கேட்டுக்கொண்டு ஒரு மாதத்திற்கான மருந்து மாத்திரைகளை வாங்கிக் கொண்டு தற்சமயம் வீட்டில் ஓய்வு எடுத்துக் கொண்டு இருக்கிறேன்.

ஈகரையில் உள்ள எல்லா உள்ளங்களின் அன்பான வேண்டுதல் தான் இன்று நான் உங்களோடு உறவாட உதவியுள்ளது.

மீண்டும் அனைவருக்கும் நன்றி என்னும் அழகு மலரை படைத்து, முழு சுகம் ஆனதும் மீண்டும் உங்களோடு உலா வருகிறேன்.
அதுவரை எல்லாரும் என்னை அன்போடு மன்னிக்கவும்.

by DERAR BABU Fri Jan 04, 2013 9:53 am

நன்றாக ஓய்வெடுங்கள் ஐயா. ஈகரை உங்களுக்காக காத்திருக்கும் ....... :வணக்கம்:

by **ராஜா** Fri Jan 04, 2013 9:57 am

மிகவும் மகிழ்ச்சியான செய்தி ஐயா, போதுமான ஒய்வு எடுத்துகொண்டு பூரண நலம் பெற்று வாருங்கள். (அப்புறம் ஒரு ரகசியம் உங்க அக்கா மலேசியா வந்துட்டாங்களாம் சிவா சொன்னார் )