தமிழ் – வள்ளலார் விளக்கம்!

by **சாமி** Wed Jan 02, 2013 11:30 pm

தமிழ் என்பது ஒரு சாதாரண வெறும் சொல் அல்ல. அது ஐந்தெழுத்து மந்திரச் சொல்.

தமிழ் என்ற சொல்லில் த்-அ-ம்-இ-ழ் என்ற ஐந்து எழுத்துக்கள் இருக்கின்றன.

இதனால்தான் ‘தமிழ்’ ஓர் ஐந்தெழுத்து மந்திரம் என்கிறோம். த்,ம்,ழ் என்ற மூன்று எழுத்துக்களும் மெய்யெழுத்துக்கள். அ,இ என்ற இரண்டு எழுத்துக்களும் உயிர் எழுத்துக்கள்.

‘ஓம்’ என்ற ஐந்தெழுத்து இரண்டு எழுத்துக்களைக் கொண்டவைபோலத் தோன்றினாலும் அது உண்மையில் ஐந்து எழுத்துக்களை உடையது. இதில் உள்ள ஐந்து எழுத்துக்கள் என்ன?

உ-அ-ம்-ஒளி-ஒலி என்ற ஐந்து எழுத்துக்களில் ஆனது ‘ஓம்’ எனும் ஐந்தெழுத்து மந்திரம். ஓர் எழுத்தின் வரி வடிவம் மாறக்கூடியது. ஆனால் அந்த எழுத்தின் ஒலி வடிவமோ காலத்தால் மாறாதது; அழியாதது; நிலைபெற்றது.

அ-உ-ம் என்ற எழுத்துக்களைப்போல ஒளியும் ஒலியும் எழுத்துக்களா? என்ற சந்தேகம் எழலாம். வரி வடிவத்தில் எழுதுவது மட்டும் எழுத்தல்ல; ஒலியாகவோ ஒளியாகவோ ஓங்கு எழுவதும் எழுத்துத்தான்.

நன்றி : “ஜோதி வழியில் வள்ளலார்” புத்தகம்
(தொடரும்)

by அச்சலா Wed Jan 02, 2013 11:49 pm

by **சாமி** Thu Jan 03, 2013 10:38 pm

இங்கு எழும் ஒளியும் ஒலியும் அழியாதவை. எல்லை காணாதவை. முடிவற்றவை.முடிவுற்ற இந்த ஒளியும் ஒலியும் ஓங்கி எழும் ஆற்றல் உள்ளதால் அவையும் எழுத்துக்களாய், அழியாத எழுத்துக்களாக ஆகின்றன.

இந்த ‘ஓம்’ என்ற ஐந்தெழுத்தில் அந்த இரண்டு எழுத்துக்களும் சேர்ந்து எண்ணப்படுகின்றன.
‘இ’ என்ற உயிர் எழுத்து ‘அ’ என்ற உயிர் எழுத்தை எப்போதும் விட்டுப் பிரியாமல் இருப்பது.
‘அ’ என்று வாயைத்திறந்து உச்சரிக்கும் போதுதான் ‘ஆ’ என்ற உயிர் எழுத்து எழுகிறது.
‘அ’ என்று வாயைத் திறந்த நிலையிலேயே ‘இ’ என்று பல்லைக்காட்டி உச்சரித்தால் ‘இ’ என்ற உயிர் எழுத்தும் எழுந்து ஒலிக்கும்.

எனவே ‘அ’ என்ற உயிர் எழுத்தும் ‘இ’ என்ற உயிர் எழுத்தும் ஒன்றைவிட்டு ஒன்று பிரியாதவை.
‘அ’ என்ற உயிர் எழுத்து கடவுளின் செயலைக் குறிக்கும்.
‘இ’ என்ற உயிர் எழுத்து உயிர்களின் செயலைக் குறிக்கும்.

உயிர்கள் எப்போதும் இறைவனுடன் இணைந்தே செயல்படுகின்றன. அதுபோல் ‘இ’ என்ற எழுத்தும் ‘அ' என்ற எழுத்துடன் எப்போதும் இணைந்தே செயல்படும்.

‘தமிழ்’ என்ற சொல்லில் உள்ள மூன்று எழுத்துக்களாகிய த், ம், ழ் என்பவை அ,இ முதலிய உயிர் எழுத்துக்களுக்கு உடலைப் போல இருக்கின்றன. ‘மெய்’ என்றால் உடல் என்று பொருள்.
‘உயிர் விளக்கம் பெறுவதற்கு கடவுள் ஆதாரமாக இருக்கிறார். அதைப் போன்று ‘உடல் விளக்கம்’ பெறுவதற்கு உயிர் ஆதாரமாக இருக்கின்றது.

மெய்யெழுத்துக்கள் விளக்கம் பெறுவதற்கு உயிர் எழுத்துக்கள் ஆதாரமாகின்றன. அதாவது மெய்யெழுத்துக்களை உயிர் எழுத்துக்களின் துணையின்றி உச்சரிக்க முடியவே முடியாது.
(தொடரும்)

by Sponsored content

தமிழ் – வள்ளலார் விளக்கம்!

தமிழ் – வள்ளலார் விளக்கம்!

Re: தமிழ் – வள்ளலார் விளக்கம்!

Re: தமிழ் – வள்ளலார் விளக்கம்!

Re: தமிழ் – வள்ளலார் விளக்கம்!