23 ஆண்டு கால கிரிக்கெட் வாழ்க்கை மறக்க முடியாத பயணம்: சச்சின் மனம் திறந்த பேட்டி

சர்வதேச ஒருநாள் கிரிக்கெட் போட்டியில் இருந்து ஓய்வு பெற்ற நட்சத்திர கிரிக்கெட் வீரர் சச்சின் டெண்டுல்கர், முதல் முறையாக பத்திரிகையாளர்களை சந்தித்தார். அப்போது அவர்கூறியதாவது:-
:-
பாகிஸ்தானுக்கு எதிரான தொடரில் இந்திய கிரிக்கெட் அணி மீண்டும் எழுச்சி பெறும். நான் அணியில் இல்லாவிட்டாலும் என் இதயம் அவர்களுடன் தான்இருக்கிறது. இந்த நேரத்தில் நமது ஆதரவு மற்றும் வாழ்த்துக்கள் அணிக்கு தேவைப்படுகிறது. இதனால் அவர்கள் சிறப்பான ஆட்டத்தை வெளிப்படுத்த முடியும்.
:-
கடந்த 23 ஆண்டுகளாக ஒருநாள் போட்டிக்கான அணியில் பங்குபெற்றிருக்கிறேன். அது மறக்க முடியாத பயணம். நான் உயர்ந்தபோதும், தாழ்ந்தபோதும் எனக்கு ஆதரவு அளித்த ரசிகர்களுக்கு நன்றி தெரிவிக்க விரும்புகிறேன்.
:-
2013-ம் ஆண்டு தொடங்கியிருக்கும் இவ்வேளையில், அனைவரும் மகிழ்ச்சியுடனும், ஆரோக்கியத்துடனும் வாழ வாழ்த்துகிறேன்.
இவ்வாறு அவர் கூறினார்.
ஓய்வுக்குப் பிறகு விடுமுறையில் உத்தரகாண்ட் மாநிலம் முசோரியில் உள்ள ஓய்வு விடுதியில் சச்சின் தனது குடும்பத்தாருடன் விடுமுறைப் பொழுதை மகிழ்ச்சியாக கழித்தார்.
:-
இந்த இனிய அனுபவம் பற்றி அவரிடம் கேட்டபோது, கடந்த 23 ஆண்டுகளில், அதிகமான போட்டிகளில் பங்கேற்றதால்குடும்பத்தினருடன் நேரத்தை செலவிட ஒருசில வாய்ப்புகள் மட்டுமே கிடைத்தன. இங்கே நீண்ட தூரம் நடந்து சென்று இந்த நாடு எவ்வளவு அழகாக உள்ளது? இந்த இடம் எவ்வளவுசிறப்பு வாய்ந்ததாக இருக்கிறது என்பதை தெரிந்துகொண்டேன்.
:-
இங்கே தனிமையை நான் ரசித்து அனுபவித்தேன். இதற்காக ஊடகங்களுக்கு நான் நன்றி தெரிவித்துக்கொள்கிறேன். பேட்மிண்டன், டேபிள் டென்னிஸ், டென்னிஸ் பந்து கிரிக்கெட் விளையாடினேன். மேலும் தொலைக்காட்சியில் கிரிக்கெட் போட்டிகளையும்கண்டுகளித்தேன்’ என்றார்.
:-
மாலை மலர்

உண்மை தலைவா