காதல் உடுக்கையடிக்க உடுக்கையில்லை..MOKKAI::

காதல் சுகமானது, சுமையானது, வெங்காயமானது, வெண்ணையாய் வழுக்குவது என்று எதேதோ சொல்வார்கள். காதலித்தால் ஒளிவட்டம் தெரியும் என்றார்கள், ஆற்காட்டார் எல்லோரையும் காதலிக்கச் சொல்கிறார்.

ஆழக்கடலில் மூழ்கி முத்தெடுக்கலாம் என்பார்கள், நீச்சல் தெரியாதவன் முத்தெடுக்க கிளம்பிவிட்டான். முத்தெடுக்கச் சென்ற முத்துவை சிப்பிக்குள் அடக்கம் செய்துவிட்டார்கள்.

காதல் தேர்வு போன்றது தோற்றாலும் மீண்டும் மீண்டுமெழுதலாம் என்பார்கள், 15 ஆண்டுகளாய் சர்வேசன் தேர்வெழுதிக் கொண்டிருக்கிறார், கல்லூரியிலும், பேருந்து நிலையத்திலும்.

காதலித்துப் பார், உன்னை உலகமே கவணிக்கும் என்பார்கள். கடலை போட்டுகொண்டே சாலையைக் கடந்தவனை கடலைஎண்ணை வண்டி ஏற்றிவிட்டது உலகமே உச்சு கொட்டியது, மறுமுனையில் இச்சு சத்தம் கேட்டுகொண்டிருந்தது.

காதலித்துப் பார், நேரம் போவதே தெரியாதென்பார்கள் செல்போனுக்கு டாப் அப் செய்யும் போது தெரிந்தது.

காதலித்துப் பார், காக்கை கூட அழகாய் தெரியும் என்பார்கள். காக்கைகள் சண்டைக்கு வந்து மண்டையில் கொண்டை போட்டுவிட்டது.

அன்பே என்பார்கள், அரக்கிகளைப் பார்த்து அரக்கன்கள். அழகே என்பார்கள், அழகப்பனைப் பார்த்து அழகுமுத்துக்கள்.

உன் மார்புக்கு மத்தியில் செத்துவிடுவேன் என்பார்கள், ஜாக்கெட் வாங்கித் தர ராக்கெட் வட்டிக்கு கடண் வாங்கியவர்கள்.

ஆதலினால் உலக காதலர்களே காதலியுங்கள் உலகம் உன்னைப் பார்த்து எச்சில் உமிழும் வரை காதலியுங்கள், பெண் போலிஸ், உங்கள் டவுசரைக் கிழிக்கும் வரை காதலியுங்கள், வங்கி அன்பர்கள் போண் செய்யும் வரை காதலியுங்கள், ஏனென்றால், காதல் சுகமானது, சுமையானது, வெங்காயமானது, வெண்ணையாய் வழுக்குவது. காதலித்தால் உங்களைச் சுற்றி ஒளிவட்டம் தெரியும்.ஆழக்கடலில் மூழ்கி முத்தெடுக்கலாம். காதலித்தால் உன்னை உலகமே கவணிக்கும். ஆதலினால் காதலியுங்கள், ஏனென்றால் உலகம் உடுக்கையானது நீங்கள் உடுக்கையடிக்கலாம்.

ஓடப் படாது விஜய்...இங்கே விஜய் இன்று அழகான குழந்தையா அழகா சமத்தா இருக்கு..இன்றுதான் விஜய் பார்க்கும் போது சந்தோசம் ஆக இருக்கு ..