புத்தாண்டு வாழ்த்துக்கள்

by **மு.வித்யாசன்** Tue Jan 01, 2013 10:14 am

சிறகு விரிக்கும் இறகு இன்னும் கொஞ்சம் நீளட்டும்
நினைக்கும் தருணத்தில் நன்மைகள் மட்டும் நிகழட்டும்;

பறக்கும் யுகத்தில் பழமை மாறாது பண்புகள் வளரட்டும்
கொதிக்கும் சூரியன் கொடுமைகளை எரித்து உதிக்கட்டும்;

கசக்கும் கடந்த காலங்கள் கிழிந்த தேதியாகட்டும்
கடக்கும் ஒவ்வொரு நிமிடமும் கரும்பாய் இனிக்கட்டும்;

முடக்கும் செயல்கள் யாவும் மூழ்கி போகட்டும்
விடும் ஒவ்வொரு மூச்சுக் காற்றும் முயற்சியை சுமக்கட்டும்;

அடித்தள மக்கள் ஆணை பிறப்பிக்கும் அரசியல் பிறக்கட்டும்
பெண்களை காக்கும் கடும் சட்டங்கள் உருவாகட்டும்;

அனைத்தும் சமம் என்ற ஒருமை விதைக்கட்டும்
அனைவரின் மனத்திலும் அன்பே முதன்மையாய் முளைக்கட்டும்;

மலைக்கும் செயல்கள் யாவும் மலராய் பூக்கட்டும் - அனைவருக்கும்
மலரும் இந்த புத்தாண்டு (2013) நல்வழியாகட்டும்...!

- மு.ரமேஷ் புத்தாண்டு வாழ்த்துக்கள் Happy-New-Year-2013-01