2012– தொழில்நுட்ப உலகில் டாப் ப்ளாப்புகள்? – ஒரு ஸ்பெஷல் ரிப்போர்ட்!

புது வருடம் நாளை பிறக்கின்ற நிலையில் 2012 ஆம் ஆண்டுக்கு விடை கொடுக்க தயாராகி வருவீர்கள். அதேபோல 2012 ஆம் ஆண்டு வாங்கியசில டிஜிட்டல் சாதனங்களுக்கும் நீங்கள் விடை கொடுக்க முடிவு செய்திருப்பீர்கள்.
:-
இந்த 2012 ஆம் ஆண்டு எத்தனையோ பாடங்களை நமக்கு கற்றுத் தந்து போயிருக்கிறது. அந்த வகையில் சென்ற வருடம் கெட்ஜெட் உலகில் தோல்வியடைந்த சில நுட்பங்களைப் பற்றி இங்கு பார்ப்போம்.
:-
ஆப்பிள் மேப் :
கூகுள், நோக்கியாவைப்போல ஆப்பிள் நிறுவனமும் தனது ஐபோன் சாதனத்துக்காக தயாரித்திருந்த புதிய மேப்பான இதில் வெளியிட்ட சில நாட்களிலேயே ஏரியாக்கள் சரியாக காட்டப்படவில்லை, நேவிகேஷன் சரியாக இல்லை என அடுத்தடுத்த குறைபாடுகள் இருப்பதாகதகவல்கள் வெளியாகின. அந்த வகையில் அந்த குறைகளை சரி செய்ய விரும்பாமல் மீண்டும் இப்போது தனது ஐபோன்களின் கூகுள் மேப்பையே ஆப்பிள் நிறுவனம் தந்து கொண்டிருக்கிறது.
:-
ஆகாஷ் 2 டேப்லெட்:
மத்திய அரசின் நிதியுடன் இந்திய மாணவர்களுக்கு குறைந்தவிலையில் ஆன்ட்ராய்டு டேப்லெட்டை அறிமுகம் செய்தது. கூகுள் ப்ளே அப்ளிகேஷன் இல்லாமலேயே1.900/- என்ற விலையில் ரிலீஸ் செய்யப்பட்ட இந்த டேப்லெட் மிக மோசமான இயங்குதிறன் உள்ளிட்ட தொழில்நுட்ப ரீதியாக பல குறைபாடுகளை கொண்டிருந்ததால் விலை கொடுத்து வாங்கிய மாணவர்கள் பெரிய அளவில் புகார்கள் கூறினர்.
அதனால் மேம்படுத்தப்பட்ட புதிய ஆகாஷ் டேப்லெட் விரைவில் ரிலீஸாகும் என்று அமைச்சர் கபில்சிபில் தெரிவித்தார்.
:-
ப்ளாக்பெர்ரி: இயங்குதளம் 10
தனது புதிய மேம்படுத்தப்பட்ட இயங்குதளம் 10 ஐ இந்த ஆண்டே வெளியிட தீர்மானித்திருந்தது பிளாக்பெர்ரி நிறுவனம். ஆனால் அதற்கான தயாரிப்பு பணி முழுமையாக முடிவடையாததால் எந்த ஒரு புதிய மாடல் மொபைல்களையும் அந்த நிறுவனம் இந்த ஆண்டு வெளியிடவில்லை.
அதனால் ப்ளாக்பெர்ரி மொபைல்களின் விற்பனை கணிசமான அளவு குறைந்தது குறிப்பிடத்தக்கது. இருந்தாலும் இந்த புத்தாண்டில் தனது 10 இயங்குதளம் கொண்ட மொபைல்களை ப்ளாக்பெர்ரி வெளியிட இருக்கிறது. இதன்மூலம் அந்த விற்பனை அதிகரிக்கும் என்று எதிர்பார்க்கப் படுகிறது.
:-
கூகுள் நெக்ஸஸ்:
ஆப்பிள் நிறுவனத்தின் ஆப்பிள் டிவியைப் போல புதிய இன்டர்நெட் ஸ்ட்ரீமிங் சம்பந்தமானமல்டிமீடியா விஷயங்களைரசிகர்களுக்கு தருவதற்காக கூகுள் ஆரம்பித்த புதிய சர்வீஸ் இது. ஆனால் இதை தயாரிப்பவருடன் ஏற்பட்ட பிரச்சனைகள் காரணமாக தொடர்ந்து இந்த தொழில்நுட்பத்தின் வேலைகளை அப்படியே நிறுத்தி விட்டது.
:-
அல்ட்ரா புக்குகுகள்!:
ஆன்ட்ராய்டு டேப்லெட்டுகள், ஐபாட்டுகள் என அடுத்தடுத்து புதிய வரவுகளால் இந்த 2012 ஆண்டு இந்த வகை அல்ட்ராபுக்குகளின் விற்பனை கடும் சரிவைச் சந்தித்தது.
வழக்கமான லேப்டாப்புகளை விட மிக எடைகுறைவான, அதே சாதனத்தில் செய்யக்கூடிய எல்லா வேலைகளையும் இந்த அல்ட்ரா புக்குகளில் செய்ய முடியும் என்றாலும் அதிகரித்த டேப்லெட்டுகள் மற்றும்போப்லெட்டுகள், ஐபாட்டுகளின் வரவால் இந்த சாதனங்களின் விற்பனை குறைந்தது.
:-
என்.எஃப்.சி ( NFC – Near field Communications ):
ஒரு சாதனத்துக்கும் இன்னொரு சாதனத்துக்கும் இடையே தகவல்களை விரைவாகவும், பாதுகாப்பாகவும் மரிமாறிக்கொள்ள உதவும்இந்த புதிய தொழில்நுட்பம் இன்னும்முழுமையாக மக்களை சென்று சேரவில்லை. குறிப்பாக மொபைல் மூலம் பாதுகாப்பாக பணப்பரிவர்த்தனை செய்யஇந்த தொழில்நுட்பம் உதவும்.
ஆனால் இந்த முயற்சி தோல்வியடைந்ததால் ஆப்பிள் நிறுவனம் கூட தனது லேட்டஸ்ட் ரிலீஸான ஐபோன்5 இல் இந்த அம்சத்தை சேர்க்கவில்லை.
:-
நன்றி ரைட்நியூஸ்

தகவல்களுக்கு நன்றி நண்பரே

நல்ல சருக்கல்களின் தகவல் நன்றி

அடுத்த ஆண்டில் இவற்றின் மேம்பட்ட தொழில்நுட்ப கருவிகளுக்கு இவை தான் முதல் படி ...............