சற்றேனும் ஓய்வெடு...

காயத்ரி வைத்தியநாதன் · 23/09/2012

நாலாறு மணியும்
நெஞ்ச சிம்மாசனத்தில் நிரந்தரமாய்
அமர்ந்தவனே..‎
சற்றேனும் ஓய்வெடு...!!
‎
பந்தியில் பாசம் பரிமாறி
காதல் நீரூற்றி
அமுதுபடைக்கிறேன்
பசி,தாகம் தணிக்க
சற்றேனும் ஓய்வெடு...!!!
‎
மடியெனும் மஞ்சத்தில்
உன் கேசக்குழந்தையோடு
ஐயிரண்டு விரல்களால்
ஆடிப்பாடி..
காதல் கீதமிசைத்து
முந்தியை விசிறியாக்கி
முத்தத்தில் குளிர்வித்து
உறங்கவைக்கிறேன்
சற்றேனும் ஓய்வெடு...!!
‎
ஒளிவீசும் கண்களால்
காதல்வலைவீசி
எனை ஆயுட்கைதியாக்கி
மௌனிக்கச்செய்ய
சற்றேனும் ஓய்வெடு...!!‎

பாரதிசொன்ன
நிமிர்ந்த நடையும்,
நேர்கொண்ட பார்வையும்
உனக்கும் அழகுதான்....!!
‎
ஞானிக்கழகு மௌனம்..
ஞானத்தையாள்பவனுக்கு
மௌனமும் அழகாகுமா..??
‎
நெஞ்சத்திலமர்ந்து
நினைவில் வருத்துபவனே..
அள்ளியணைத்து ஆரத்தழுவி
நிசத்தில் நாம்
அன்புக்கடலில் மூழ்கி
முத்தெடுக்க
சற்றேனும் ஓய்வெடு...!!‎

dhilipdsp · dhilipdsp Sat Jan 05, 2013 5:57 pm

நெஞ்சத்திலமர்ந்து
நினைவில் வருத்துபவனே..
அள்ளியணைத்து ஆரத்தழுவி
நிசத்தில் நாம்
அன்புக்கடலில் மூழ்கி
முத்தெடுக்க
சற்றேனும் ஓய்வெடு...!!‎
சூப்பருங்க

இந்த பதிவைத் துவங்கியவர் நன்றி கூறியுள்ளார் dhilipdsp

சற்றேனும் ஓய்வெடு...

சற்றேனும் ஓய்வெடு...

Re: சற்றேனும் ஓய்வெடு...

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக