புத்தாண்டு நல்வாழ்த்துக்கள் -2013

**Powenraj** · **Powenraj** Mon Dec 31, 2012 9:27 am

First topic message reminder :

சென்ற வருடம் நன்றே கழிந்தது. நிகழ்வுகள் நினைவுகள் மனதிலே.
:-
ஒவ்வொரு வருடம் பிறக்கும் பொழுதும் அனுபவத்தால் புத்துணர்ச்சி பெறுகிறோம்.புதிய உலகத்தை காணத் தயாராகிறோம்.
வழக்கம் போல் இந்த வருடமும் புத்தாண்டு உறுதி மொழி.
:-
மனதில் உறுதி,தெளிவு,பொறுமை வேண்டும்.
தேடல் என்பது மனித இயல்பு. அம்முயற்சி தொடரட்டும்.
கனவுகளும் கற்பனைகளும் உள்ள போதும், பெறுவதைக்கொண்டு மனநிறைவுஅடைவது இறைமை.
நாம் அனைவரும் வரும் நிகழ்வுகளை எதிர் கொள்ள தயாராகுவோம்!
:-
இனிய புத்தாண்டு நல்வாழ்த்துக்கள்.
:-
:-
:-
வாழ்க்கையென்ற நந்தவனத்தில்
வாச மிகு மலர்கள் மலரட்டும்!
வாழ்க்கை என்ற வானவில்லின்
வண்ணங்கள் அழகாய்ப்பதியட்டும்!!
வாழ்க்கை முழுதும் அன்பும் மனிதமும்
வான்மழையாய் எங்கும் பொழியட்டும்!!
அன்பான தோழமைகள் அனைவருக்கும்
உளம் நிறைந்த இனிய புத்தாண்டு வாழ்த்துக்கள்!!
:-
:-
:-
நிலாவும் நாள்காட்டியும்
கிழிக்கப்பட்டு கொண்டேயிருந்தாலும்
மறுபடியும்
முளைக்கும்!
:-
சூரியனுக்கும் பூமிக்கும்
வயதாகிவிட்டதை அறிய
வக்கீல் தேவையில்லை..
:-
இலையுதிர்காலம் உண்டென்றால்
வசந்தகாலத்தின்
வருகையும் வரும்..
அந்த நம்பிக்கையில்தான்
இன்னும் சாகாமலிருக்கிறது
மனித வாழ்க்கையும் மனித நேயமும்..
:-
அந்த வரிசையில் நானும்
ஈகரையில் அனைவரும்...
எல்லோருக்கும் இனிய புத்தாண்டு நல்வாழ்த்துக்கள்!

**அருண்** · **அருண்** Tue Jan 01, 2013 2:11 am

நன்றி பூவன்! உங்களுக்கும் இந்த வருடம் சிறப்பாக அமையட்டும்..! அன்பு மலர்

**அகிலன்** · **அகிலன்** Tue Jan 01, 2013 2:40 am

அனைவருக்கும் இனிய புத்தாண்டு நல்வாழ்த்துக்கள்.

**Powenraj** · **Powenraj** Tue Jan 01, 2013 8:48 am

இல்லம் தோறும் இன்பம் பொங்க
இதயம் அதில் அமைதி தங்க
எங்கும் உயிரினம் மகிழ்வாய் வாழ
இனிய புத்தாண்டே மலர்ந்திடு இங்கே!...
எண்ணிய எண்ணம் கை கூட
ஏற்றத் தாழ்வு நீங்கிட என்றும்
மண்ணினில் நல் வளம் பெருக்கிடும் ஆண்டாய்
மலர்ந்திடு இனிய புத்தாண்டே !!...........
கண்ணியம் மேலும் உயர்ந்திடவும்
இனிய கனவுகள் யாவர்க்கும் மெய்ப்படவும்
புண்ணியம் செய்த பூமி இதுவென இங்கே
புகழ்ந்திட மலர்ந்திடு இனிய புத்தாண்டே...
கல்வியும் செல்வமும் வீரமும் ஓங்கிடக்
காரிருள் நீங்கியே மக்கள் வாழ்வினில் ஒளி பெற
இன்னருள் புரியும் இறைவனின் மனம் இளகிட
வரம் தரும் ஆண்டாய் மலர்ந்திடு இனிய புத்தாண்டே
தண்ணியும் நெருப்பும் காற்றும் மண்ணில்
தாண்டவம் ஆடிடும் நிலைதனை மாற்றி
விண்ணில் இருந்து நற் செய்திகள் பரப்பிட
மலர்ந்திடு இனிய புத்தாண்டே !!................

**ஹிஷாலீ** · **ஹிஷாலீ** Tue Jan 01, 2013 9:48 am

அனைவருக்கும் என் இனிய புத்தாண்டு நல் வாழ்த்துக்கள்

**முத்துராஜ்** · **முத்துராஜ்** Tue Jan 01, 2013 9:51 am

இனிய புத்தாண்டு பிறந்திடவே ,

இனிய செய்திகளை பகிர்ந்துகொள்ளவே ,

பகிர்வுகள் அனைவருக்கும் பயன்படவே ,

ஈகரையில் இணைந்து இருப்போம் .

SHIVAKUMAR · SHIVAKUMAR Tue Jan 01, 2013 10:57 am

அனைத்து ஈகரை நண்பர்களுக்கும் , அன்பர்களுக்கும் இனிய ஆங்கில புத்தாண்டு நல்வாழ்த்துக்கள் !!!!!! தீய எண்ணங்கள் , பழக்க வழக்கங்கள், துன்பங்கள் நீங்கி , அனைவருக்கும் அவரவர்கள் நினைக்கும் நல்லவை அனைத்தும் நல்லபடியாக நடக்க , வாத்துகிறோம் :suspect: ஜாலி