தலை கவசம் மிக அவசியம்

இந்த செய்தி அனைவருக்கும் புதிதல்ல

இன்று கலையில் அலுவலகம் வரும் பொது நடந்த நிகழ்வு

பல்லாவரம் பான்ஸ் தொழிற்சாலை அருகே உள்ள மேம்பாலத்திலிருந்து கீழே இறங்கி கொண்டிருந்த பொது ஒரு விபத்து நடந்தது, ஒரு உடலளவில் பாதிக்க பட்ட பெண்மணி நல்ல காயங்களுடன் இருந்தார், விசாரித்த போது அவரனிந்திருந்த கண்ணாடி கழண்டு கண்ணை மறைத்து விட்டதால் வாகனத்தை நிறுத்த முயற்சி செய்து நிலை தடுமாறி அருகிலுள்ள தடுப்பு சுவர் மீது மோதி கீழே விழுந்துள்ளார். நல்ல வேலையாக கனரக வாகனகள் அந்த நேரத்தில் எதுவும் வரவில்லை மேலும் அவர் பாலத்தினுல்லேயே விழுந்து விட்டார், தவறி வெளியே விழுந்திருந்தால் பிழைப்பது சந்தேகம்.

நானும் சில நண்பர்களும் சேர்ந்து அவரை சமாதானப்படுத்தி மருத்துவமனைக்கு அழைத்து சென்றோம், ஒரு நபர் நான் போகும் வழியில் தான் மருத்துவமனை உள்ளது என அவரது இரு சக்கர வாகனத்தில் அழைத்து சென்றார், நான் அவரது விபத்துக்குள்ளான வாகனத்தை எடுத்தபோது தான் தெரிந்தது வார்த்தடுப்பு(brake) அறுந்து போயிருந்தது. மேலும் அவர் தலை கவசமும் அணிய வில்லை

அவரது நெற்றியில் இட பக்கத்தில் தோல் சிறிதளவு இல்லை, மூக்கினருகில் அடி, தலை கவசமனிந்திருந்தால் இதை தவிர்த்திருக்கலாம். காலிலும் நல்ல அடி, மனதுயருடனே காலையில் அலுவலகம் வந்தேன்

தயவு செய்து இரு சக்கர வாகன ஓட்டிகள் தலை கவசத்தை கட்டாயம் அணியுங்கள்
காலையில் வாகனத்தை எடுக்கும் போது அனைத்தும் சரியாக உள்ளதா என கவனித்து விட்டு பயணத்தை துவக்குங்கள்

இனியாவது அவரும், விபத்தை கண்டவர்களும், இதை படிக்கும் நம்மவர்களும் பாதுகாப்புக்கு முன்னுரிமை கொடுப்போமாக - நல்ல பகிர்வு சின்னவன்.