மழலை அழலை...!

by வசீகரப்ரியன் Sun Dec 30, 2012 3:21 am

நண்பரின் வீட்டில் தூங்கிய குழந்தையின் கன்னத்தில் ஒரு கொசு .ஆதங்கத்தில் என் மனசு .அப்போது பிறந்தது இந்த கவிதை .லேசான மனதுடன் லேசான கரு கொண்டு எழுதிய கவிதை .

தூங்கிய குழந்தை !
தாங்கிய தொட்டில் !
யுத்தம் ஒன்று நடத்தி
ரத்தமதை குடிக்க
அதரங்களை கடிக்க
திட்டமிட்டு வட்டமிட்டு
சத்தமிட்டு முத்தமிட
எத்தனித்த கொசு !
குழந்தையின் முகத்தில்
புன்முறுவல் !

தத்தளித்தது நம் மனசு !
உதவிக்கு எத்தனித்த
இறைவனின் மனசு
ரொம்பவும் இளசு !

அட ! அதிசயம் !
மின்சாரம் வந்துவிட்டது !
மின்விசிறியும் சுழன்றுவிட்டது !
மின்விசிறியின் மிதவேகத்தால்
கொசுவுக்கு போறாத காலம் !
தலை தெறிக்க ஓட்டம் !

இறைவனுக்கும் ஏனையோருக்கும்
வந்தது நிம்மதி !
குழந்தையின் முகத்தில்
இப்போதும் புன்முறுவல் !
எப்போதும் புன்முறுவல் !
மழலை அப்போதும்
எப்போதும் அழலை !