ஷாக் அடித்த பகுத்தறிவு சிந்தனை...

சில தினங்களுக்கு முன் பகுத்தறிவு ஏடு விடுதலை- ஒரு அருமையான கட்டுரை தந்திருந்தது."இந்தியப் பண்டிகைகளும்மின் பற்றாக்குறையும்" என்கிற தலைப்பில். நம் பண்டிகை கால மின் விரயத்தை எடுத்து கூறி ஷாக் அடிக்க செய்திருந்தது பகுத்தறிவு சிந்தனை. நாம் கூட பல வகையில் வீணடிக்கப்படும் மின்சாரத்தை பற்றி பல பதிவுகள் எழுதி இருந்தாலும் கடவுள்களின் பெயரால், பண்டிகைக்காலங்களில் வீணடிக்கப்படும் மின் சக்தியை பற்றி எழுதியதில்லை.
:-
வழிப்பாட்டுத்தலங்களுக்கு மின் அலங்காரமும், பண்டிகைகள், திருவிழாக்கள் நாளில் ஆடம்பர விளக்குகளுடன் விமரிசையாக கொண்டாடுவது எல்லா நாட்டிலும் வழக்கத்தில் இருந்தாலும் - இந்தியாவை போன்ற மின்பற்றாக்குறை பெருமளவு நிரம்பி உள்ள ஒரு தேசத்தில் - கடவுளின் பெயரால், மதத்தின் பெயரால் நாம் எவ்வளவு மின்சாரத்தை விரயம் செய்கிறோம் என்று யோசித்திருக்கிறோமா?
ஒரு பக்கம் தொழிற்சாலைகளுக்கு மின்விடுமுறை அளித்துவிட்டு- மறுபுறம் வழிபாட்டுத்தலங்களுக்கும், பகலிரவு கிரிக்கெட் போட்டிகளுக்கும் மின்சாரத்தை வாரி வாரி வழங்குகிறோம். நீதி அற்றநீதி இல்லையா? இது குறித்து பகுத்தறிவு ஏடு விடுதலை தம் பாணியில் எழுதி இருந்தது. பல விஷயங்களில் பாதிக்கு பாதி சிந்திக்கும் பகுத்தறிவு - இந்த விஷயத்தில் நூறுக்கு நூறு சிந்தித்து எழுதி இருந்தது மகிழ்ச்சியாக இருந்தது.
:-
ஆனால் மற்றொரு மின் விரையச் செய்தியை வாசித்த போது - மின் சிக்கனம், மின் விரையம் பற்றி இன்னும் ஆழமாக சிந்தித்து எழுதி இருக்க வேண்டுமோ பகுத்தறிவு ஏடு என்று தோன்றியது. காரணம் - மின் விரையம் பற்றி எழுதியவர்களால் ஏற்பாடுசெய்யப்பட்டிருந்த கூட்டத்தில் பாருங்கள் - மின் விளக்குகளால் அரசியல் தலைவர்கள் எப்படி ஜோடிக்கப்பட்டிருக்கிறார்கள் என்று. இது மின் விரையம் இல்லையா? செங்கல்பட்டில் திராவிடர் கழகம் ஏற்பாடு செய்திருந்த கூட்டம் தான் அது. இப்படி மின்விளக்குகள் பொருத்தியதை பெருமையாக படம் பிடித்து போட்டு கொண்டிருக்கிறார்கள்.
:-
ஆத்திகர்கள் எல்லாவற்றையும் விரையம்செய்ய பழகியவர்கள்."பூஜை, புனஸ்காரம்" என்று. அவர்கள் மின்சாரத்தையும் விரையம் செய்வதில் ஆச்சர்யமென்ன. ஆனால் அவர்களுக்கு நிகராக - மின்விரையத்தை பற்றி எழுதி கொண்டே மின் சக்தியை வீணடிப்பது பகுத்தறிவுக்கு அழகா? அரசியல் தலைவர்களை மின்விளக்குகளால் ஜோடித்து காட்டி கொண்டேஇருந்தால் தான் மக்கள் மனதில் நிற்பார்களா?எதெற்கெடுத்தாலும் மேலை நாட்டினரோடு - இந்திய அசிங்கங்களை ஒப்பிடும் பகுத்தறிவு, அரசியல்வாதிகளூக்கு ள்ளஇந்த விளம்பர வியாதியை அகற்ற சொல்லி வெளிநாட்டு அரசியல்வாதிகளை உதாரணம்காட்டலாமே,
தமிழகமெங்கும் இரண்டு பிரதான திராவிட கட்சிகளும் - நாள் தவறாமல் ஏதேனும் ஒரு இடத்தில் கூட்டம் போட்டு கொண்டு இருக்கலாம். பொதுக்கூட்டம் போடுவது தவறல்ல. கட்சி தலைவர்களின் பதாகைகளை மின் விளக்குகளால் அலங்கரித்து, தேவையற்ற மின்விரையத்திற்கு காரணமாக இருக்கிறார்களே- பெரும் தவறு. நகரின் ஒரு பகுதியை இருட்டில் தள்ளி விட்டு பொதுக்கூட்டத்திற்கு மட்டும் மின்சப்ளை செய்வதை ஆளுங்கட்சியாக வரும் அனைவரும் செய்கிறார்கள். இது குறித்து பகுத்தறிவு சிந்தித்திருக்குமா?
:-
பிரதான கட்சியாக பங்காளிக்கட்சி இருப்பதால் - குற்றச்செயல்களை போல இதையும் கண்டு கொள்ளாமல் விட்டு விட்டதா? இதில் இன்னொருநெருடலான விஷயம் - கட்சி பாகுபாடின்றி மின்சாரத்தை பொதுக்கூட்டங்களுக்கு திருடுவது. இது குறித்துமின்வாரியம் என்ன கூறுகிறது என்றால்,"பொதுவாக அரசியல் கட்சி கூட்டங்களில் நடப்பதை எங்களால் தடுக்க முடியாது. அதுவும், ஆளும் கட்சிக்கூட்டத்தில், எங்களால் ஒன்றும் செய்யமுடியாது. மின் திருட்டைத் தடுக்க, அமலாக்கப் பிரிவு தனியாக உள்ளது. அப்பிரிவு தான் நடவடிக்கை எடுக்க வேண்டும்,' என்கிறது.
எங்கே நடவடிக்கை எடுக்கமுடியும். கடவுள்களுக்கு அலங்காரம் செய்து மின்சாரத்தை வீணடிப்பவர்களுக்கும், தலைவர்களின் சிலைகளுக்கு, பதாகைகளுக்கு மின்விளக்கு மாலை போட்டு மின்விரையம் செய்பவர்களுக்கும் என்னவித்தியாசம் உள்ளது. மதங்களால் வீணடிக்கப்படும் மின்சக்தியை எடுத்து சொல்லி ஷாக் அடிக்க செய்த பகுத்தறிவு , அரசியல்கட்சிகள் மற்றும் அவர்கள் ஆட்களால் வீணாக்கப்படும் மின்சக்தியை பற்றி பேசாமல் ஷாக் அடிக்க செய்திருக்கிறது பகுத்தறிவு . வழக்கம் போல என்னே பகுத்தறிவு என்று வியக்க வைக்கிறார்கள்.
:-
நன்றி ஓசை முகநூல்