காற்றழுத்த தாழ்வு நிலை தீவிரம்: 2 நாட்களுக்கு மழை எச்சரிக்கை- சென்னையில் பலத்த மழை

**Powenraj** · **Powenraj** Sat Dec 29, 2012 6:46 am

வங்க கடலில் இலங்கைக்கு அப்பால் உருவான குறைந்த காற்றழுத்த தாழ்வு நிலை காரணமாக தமிழ்நாட்டின் கடலோர மாவட்டங்களில் நேற்றும் இன்றும் மழை பெய்து வருகிறது. இந்த காற்றழுத்த தாழ்வு நிலை தற்போது வலுவடைந்து ஆந்திராவையொட்டி உள்ள வங்க கடல் பகுதியில் நிலை கொண்டுள்ளதாக வானிலை மையம் அறிவித்துள்ளது. இதனால் நேற்று இரவு முதல் ஓரளவு கனமழை பெய்து வருகிறது.
:-
தரைக்காற்றும் பலமாக வீசுகிறது. இந்த மழை 2 நாட்களுக்கு நீடிக்கும் என்று சென்னை வானிலை மையம்அறிவித்துள்ளது. கடலோர மாவட்டங்கள் மட்டுமின்றி திருச்சி, தஞ்சை, திருவாரூர், நாகப்பட்டினம் உள்ளிட்ட காவிரி டெல்டா மாவட்டங்களிலும் பலத்த மழை பெய்து வருவதால் விவசாயிகள் மகிழ்ச்சி அடைந்துள்ளனர்.
:-
சென்னையில் நேற்று இரவு முதல் மழை பெய்து வருகிறது. நகரின் ஒருசில இடங்களிலும், புறநகர் பகுதிகளிலும் காலையில் லேசாக மழை பெய்தது. பின்னர் வானம் இருண்டு கருமேகத்துடன் மழை கொட்டியது. நகரின் பல பகுதிகளில் 2 மணி நேரம் கன மழை பெய்தது. தாம்பரம் பகுதியிலும் அம்பத்தூர், மாதவரம், திருவொற்றியூர், போரூர், குன்றத்தூர், மாங்காடு, பூந்தமல்லி பகுதியிலும் அதிகாலையில் பலத்த மழை பெய்தது. பருவ மழை முடியும் நேரத்தில் புதிய காற்றழுத்த தாழ்வு நிலை காரணமாக தமிழகத்தின் பல இடங்களில் மழை பெய்து வருவதால் விவசாயிகள் மகிழ்ச்சி அடைந்துள்ளனர்.
:-
சென்னையில் கடந்த சில நாட்களாக கடும் குளிரும், பனியும் காணப்பட்டது. இதனால் பொதுமக்கள் காலையில் வெளியே வர தயங்கினார்கள். இந்த நிலையில் திடீரென மழை பெய்து வருவது சென்னை வாசிகளை மகிழ்ச்சியில் ஆழ்த்தியுள்ளது.
:-
மாலை மலர்

காற்றழுத்த தாழ்வு நிலை தீவிரம்: 2 நாட்களுக்கு மழை எச்சரிக்கை- சென்னையில் பலத்த மழை

காற்றழுத்த தாழ்வு நிலை தீவிரம்: 2 நாட்களுக்கு மழை எச்சரிக்கை- சென்னையில் பலத்த மழை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக