நகைச்சுவை கவிதை - +2 பையனும் பிதற்றும் அப்பனும்

by ச. சந்திரசேகரன் Fri Dec 28, 2012 11:45 pm

First topic message reminder :

நகைச்சுவை கவிதை - +2 பையனும் பிதற்றும் அப்பனும்

நாலு மணிக்கு எழுப்பச் சொல்வான்
நானும் பாடம் படிக்கணும்பான்
நாலு மணிக்கு எழுப்பிவிட்டா
நடு ஹால்ல தூங்கிவிழுவான்

அஞ்சு மணிக்கு எழுப்பச் சொல்வான்
அனைத்துப் பாடமும் படிக்கணும்பான்
அஞ்சு மணிக்கு எழுப்பிவிட்டா
அப்புறமா எழுப்பு என்பான்

ஆறு மணிக்கு எழுப்பச் சொல்வான்
அல்ஜீப்ரா போடணும் என்பான்
ஆறு மணிக்கு எழுப்பி விட்டா
அப்பக் கூட படிக்க மாட்டான்

மாலை நேரம் படிக்கச் சொல்லி
மரியாதையாய் சொன்னாக் கூட
மணிக்கணக்கா புத்தகத்தை
மாறிமாறி பாத்துக் கிடப்பான்

கணக்குப் பாடம் போடச் சொல்லி
கட்டளைகள் இட்டாலும்
கள்ளத் தனம் செய்திடுவான்
காந்திக் கணக்கு எழுதிடுவான்

இயற்பியல படிக்கச் சொல்லி
இறுதிவரை சொன்னாலும்
இஷ்டப்படி நடந்திடுவான்
இயலாதுன்னு அடம்பிடிப்பான்

வேதியியல் படிக்கச் சொல்லி
வேண்டுமட்டும் சொன்னாலும்
வேடிக்கைதான் பார்த்திடுவான்
வேஷம் போட்டு நடித்திடுவான்

உயிரியல படிக்கச் சொல்லி
உட்கார வைத்தாலும்
உண்மையில படிப்பதுபோல்
உருக்கமா நடிச்சிடுவான்

எப்படித்தான் படிக்க வைப்பேன்
எனக்கு ஒண்ணும் புரியலங்க
என்மகன என்ஜினியரா
எப்படி ஆக்குவேன் தெரியலங்க

பதில் :

படிப்போட மகத்துவத்த
பக்குவமா சொல்லிடனும்
படிக்கின்ற சூழலைத்தான்
உருவாக்கித் தந்திடனும்

தேவையான உதவிகள
தானா வந்து செஞ்சிடனும்
தேவைப்படும்போதெல்லாம்
தேநீர் கலந்து தந்திடனும்

அவனுக்கு குறிக்கோளை
அமைத்துத்தான் தந்திடனும்
அவனோட குறிக்கோள்தான்
அனைவர்க்கும் வந்திடனும்

கேபிள் டிவி இணைப்பைத்தான்
கட்பண்ணி வெச்சிடனும்
கம்பியூட்டர் இன்டர்நெட்ட
கட்டாயம் நிறுத்திடனும்

இதையெல்லாம் செஞ்சாலே
இன்ப மகன் படிச்சிடுவான்
இருநூறுக்கு இருநூறு
எல்லாத்திலும் வாங்கிடுவான்.

by **Aathira** Fri Feb 08, 2013 8:43 pm

சிரிக்க கொஞ்சம்........... சிந்திக்க மிகுதி...
அருமை சந்திரசேகரன்

by **கோவிந்தராஜ்** Sat Feb 09, 2013 7:16 am

தந்தையின் உருக்கம்
மகனின் தருக்கம்
நம் சிரிப்பு

சூப்பருங்க

by ச. சந்திரசேகரன் Sun Feb 10, 2013 1:03 am

Aathira wrote:சிரிக்க கொஞ்சம்........... சிந்திக்க மிகுதி...
அருமை சந்திரசேகரன்
தொடர்ந்து மோதிரக்கையால் குட்டு வாங்கக் காத்திருக்கிறேன். நன்றி.
கோவிந்தராஜ் wrote:தந்தையின் உருக்கம்
மகனின் தருக்கம்
நம் சிரிப்பு

உங்கள் விமர்சனம் சிறப்பு.

by yarlpavanan Sun Feb 10, 2013 3:17 am

அப்பன், பிள்ளை சூழலை
எப்பன் அழகாய்ச் சொன்னீர்...

"தூக்கம் (நித்திரை) வந்தால் பாய் தேவையில்லை
பசி வந்தால் கறி தேவையில்லை" என்று
பெரியோர் சொல்லக் கேள்விப்பட்டேன்...

பிள்ளைக்குப் படிக்க வேணுமென்ற
எண்ணம் வந்துவிட்டால்
ஆத்தாளின்
முட்டைக் கோப்பியோ
அப்பனின்
விடிகாலை எழுப்புதல் உதவியோ
தேவையில்லையே!

ஆயினும்
பெற்றோர் ஒத்துழைப்பு
பிள்ளையின் படிப்புக்குப் பின்னூட்டமாம்!

by ச. சந்திரசேகரன் Sun Feb 10, 2013 4:47 pm

yarlpavanan wrote:அப்பன், பிள்ளை சூழலை
எப்பன் அழகாய்ச் சொன்னீர்...

"தூக்கம் (நித்திரை) வந்தால் பாய் தேவையில்லை
பசி வந்தால் கறி தேவையில்லை" என்று
பெரியோர் சொல்லக் கேள்விப்பட்டேன்...

பிள்ளைக்குப் படிக்க வேணுமென்ற
எண்ணம் வந்துவிட்டால்
ஆத்தாளின்
முட்டைக் கோப்பியோ
அப்பனின்
விடிகாலை எழுப்புதல் உதவியோ
தேவையில்லையே!

ஆயினும்
பெற்றோர் ஒத்துழைப்பு
பிள்ளையின் படிப்புக்குப் பின்னூட்டமாம்!
உண்மைதான்.
பெற்றோர் ஒத்துழைப்பு பிள்ளையின் படிப்புக்குப் பின்னூட்டம்!
உங்கள் பின்னூட்டம் எனக்கு ஊட்டம்.

நன்றிகள்.