நகைச்சுவை கவிதை - +2 பையனும் பிதற்றும் அப்பனும்

by ச. சந்திரசேகரன் Fri Dec 28, 2012 11:45 pm

First topic message reminder :

நகைச்சுவை கவிதை - +2 பையனும் பிதற்றும் அப்பனும்

நாலு மணிக்கு எழுப்பச் சொல்வான்
நானும் பாடம் படிக்கணும்பான்
நாலு மணிக்கு எழுப்பிவிட்டா
நடு ஹால்ல தூங்கிவிழுவான்

அஞ்சு மணிக்கு எழுப்பச் சொல்வான்
அனைத்துப் பாடமும் படிக்கணும்பான்
அஞ்சு மணிக்கு எழுப்பிவிட்டா
அப்புறமா எழுப்பு என்பான்

ஆறு மணிக்கு எழுப்பச் சொல்வான்
அல்ஜீப்ரா போடணும் என்பான்
ஆறு மணிக்கு எழுப்பி விட்டா
அப்பக் கூட படிக்க மாட்டான்

மாலை நேரம் படிக்கச் சொல்லி
மரியாதையாய் சொன்னாக் கூட
மணிக்கணக்கா புத்தகத்தை
மாறிமாறி பாத்துக் கிடப்பான்

கணக்குப் பாடம் போடச் சொல்லி
கட்டளைகள் இட்டாலும்
கள்ளத் தனம் செய்திடுவான்
காந்திக் கணக்கு எழுதிடுவான்

இயற்பியல படிக்கச் சொல்லி
இறுதிவரை சொன்னாலும்
இஷ்டப்படி நடந்திடுவான்
இயலாதுன்னு அடம்பிடிப்பான்

வேதியியல் படிக்கச் சொல்லி
வேண்டுமட்டும் சொன்னாலும்
வேடிக்கைதான் பார்த்திடுவான்
வேஷம் போட்டு நடித்திடுவான்

உயிரியல படிக்கச் சொல்லி
உட்கார வைத்தாலும்
உண்மையில படிப்பதுபோல்
உருக்கமா நடிச்சிடுவான்

எப்படித்தான் படிக்க வைப்பேன்
எனக்கு ஒண்ணும் புரியலங்க
என்மகன என்ஜினியரா
எப்படி ஆக்குவேன் தெரியலங்க

பதில் :

படிப்போட மகத்துவத்த
பக்குவமா சொல்லிடனும்
படிக்கின்ற சூழலைத்தான்
உருவாக்கித் தந்திடனும்

தேவையான உதவிகள
தானா வந்து செஞ்சிடனும்
தேவைப்படும்போதெல்லாம்
தேநீர் கலந்து தந்திடனும்

அவனுக்கு குறிக்கோளை
அமைத்துத்தான் தந்திடனும்
அவனோட குறிக்கோள்தான்
அனைவர்க்கும் வந்திடனும்

கேபிள் டிவி இணைப்பைத்தான்
கட்பண்ணி வெச்சிடனும்
கம்பியூட்டர் இன்டர்நெட்ட
கட்டாயம் நிறுத்திடனும்

இதையெல்லாம் செஞ்சாலே
இன்ப மகன் படிச்சிடுவான்
இருநூறுக்கு இருநூறு
எல்லாத்திலும் வாங்கிடுவான்.

by **கரூர் கவியன்பன்** Sat Dec 29, 2012 7:06 pm

கவிதை

.

by ச. சந்திரசேகரன் Sun Dec 30, 2012 10:03 am

அச்சலா wrote:

by யினியவன் Sun Dec 30, 2012 12:28 pm

இதை நகைச்சுவை பகுதியில் பதிந்ததற்கு என் கண்டனங்கள்.

அன்றாடம் வீட்டில் நிகழ்வது யதார்த்த வரிகளாய் - அருமை சந்திரா.

by ச. சந்திரசேகரன் Sun Dec 30, 2012 3:40 pm

பாலாஜி wrote:நல்ல விசயத்தை அழகாக கவிதையாக சொல்லி உள்ளீர் . கவிதை மிக அருமை

நன்றிகள் பாலாஜி

by ச. சந்திரசேகரன் Mon Dec 31, 2012 8:37 pm

யினியவன் wrote:இதை நகைச்சுவை பகுதியில் பதிந்ததற்கு என் கண்டனங்கள்.

அன்றாடம் வீட்டில் நிகழ்வது யதார்த்த வரிகளாய் - அருமை சந்திரா.

இதை படிக்கும்போது நீங்கள் புன்முறுவல் பூத்திருந்தாலும் இது நகைச்சுவைக் கவிதைதானே இனியவரே.

by **Dr.S.Soundarapandian** Wed Feb 06, 2013 10:13 pm

நகைச்சுவைக் கவிதை நன்று ச. சந்திரசேகரன் அவர்களே ! நான் வேறொரு கவிதை சொல்கிறேன் கேட்கிறீர்களா ?

தொங்கத் தொங்கத் தொங்கட்டான் !
பார்த்துப் பார்த்து ஏங்கெட்டான்?

- முனைவர் சு.சௌந்தரபாண்டியன்
எம்.ஏ.(தமிழ்),எம்.ஏ(ஆங்கிலம்),பி.எட்.,டிப்.(வடமொழி),பி.எச்டி
சென்னை-33

by ச. சந்திரசேகரன் Thu Feb 07, 2013 6:16 am

Dr.S.Soundarapandian wrote:நகைச்சுவைக் கவிதை நன்று ச. சந்திரசேகரன் அவர்களே ! நான் வேறொரு கவிதை சொல்கிறேன் கேட்கிறீர்களா ?

தொங்கத் தொங்கத் தொங்கட்டான் !
பார்த்துப் பார்த்து ஏங்கெட்டான்?

- முனைவர் சு.சௌந்தரபாண்டியன்
எம்.ஏ.(தமிழ்),எம்.ஏ(ஆங்கிலம்),பி.எட்.,டிப்.(வடமொழி),பி.எச்டி
சென்னை-33
நன்றி ஐயா.

தொங்கத் தொங்கத் தொங்கட்டான் !
பார்த்துப் பார்த்து ஏங்கெட்டான்?

இதற்கு எனக்கு தெரிந்த அளவில் அர்த்தம் என்னவெனில்,

தொங்கட்டான் போட்டுக்கிட்டு வந்த பெண்ணை பார்த்து பையன் ஏன் கெட்டான்?
சரிதானே ஐயா?

by Priya Tharsni Thu Feb 07, 2013 11:08 am

by பாலாஜி Thu Feb 07, 2013 11:21 am

அருமை . படிப்பதற்கு ஏற்ற சுழ்நிலையை நாமே உருவாக்கித்தர வேண்டும் . சின்ன , சின்ன உதவிகள் செய்யவேண்டும் . என வழிகாட்டும் பதிவு .

நகைச்சுவையாக இருந்தாலும் , அனைத்தும் உண்மை சூப்பருங்க

by ச. சந்திரசேகரன் Fri Feb 08, 2013 8:28 pm

பாலாஜி wrote:அருமை . படிப்பதற்கு ஏற்ற சுழ்நிலையை நாமே உருவாக்கித்தர வேண்டும் . சின்ன , சின்ன உதவிகள் செய்யவேண்டும் . என வழிகாட்டும் பதிவு .

நகைச்சுவையாக இருந்தாலும் , அனைத்தும் உண்மை

நன்றி பாலாஜி அவர்களே.