அரசின் புறம்போக்கு நிலம்ஆக்கிரமிப்பு: நடிகர் வடிவேலு மனைவிக்கு நோட்டீஸ்

காஞ்சீபுரம் மாவட்டம் குன்றத்தூர் ஒன்றியம் மணி மங்கலம் ஊராட்சிக்கு உட்பட்ட புஷ்பகிரி பகுதியில் 200 ஏக்கருக்கு மேற்பட்ட அரசு புறம்போக்கு நிலம் உள்ளது.அந்த இடங்களை மணிமங்கலம் மற்றும் அதன் சுற்றுப் பகுதிகளை சேர்ந்தவர்கள் 30 ஆண்டுகளுக்கு முன் ஆக்கிரமிப்பு செய்து ஆந்திர விவசாயிகளுக்கு விற்று விட்டனர். அதில் ஆந்திர மாநில விவசாயிகள் விவசாயம் செய்து வந்தார்கள்.
:-
பிறகு அந்த இடங்களை நடிகர், நடிகைகள் உள்ளிட்டபலருக்கு ஆந்திர விவசாயிகள் விற்று விட்டார்கள். நடிகர் வடிவேலு மனைவி விசாலாட்சியும் அந்த இடத்தை வாங்கியுள்ளார். சுமார் 130 ஏக்கர் அரசு புறம் போக்கு நிலத்தில் நடிகர், நடிகைகளும் தனியாரும் வேலி போட்டு தனித்தனியாக பண்ணை வீடுகள் அமைத்துள்ளனர்.
:-
தேக்கு, தென்னந் தோப்புகளையும் உருவாக்கி உள்ளார்கள். புறம்போக்கு நிலத்தை ஆக்கிரமித்த 19 பேருக்கு அரசு வருவாய்த்துறை தற்போது நோட்டீஸ் அனுப்பியுள்ளது. நோட்டீஸ் அனுப்பப்பட்டவர்கள் பட்டியலில் வடிவேலு மனைவி விசாலாட்சியும் இருக்கிறார். அரசு புறம்போக்கு நிலத்தை வரும் 15-ந்தேதிக்குள் காலி செய்ய வேண்டும் என்றுநோட்டீசில் படப்பை வருவாய் துறை துணை ஆய்வாளர் சின்னத்துரை குறிப்பிட்டு உள்ளார்.
:-
புஷ்பகிரி பகுதியில் கடந்த 50 ஆண்டுகளாக 150 ஏக்கருக்கு மேற்பட்ட அரசு புறம்போக்கு நிலங்கள் ஆக்கிரமிப்பு செய்யப்பட்டு உள்ளதாகவும்வருவாய் துறையினர் இப்போது தான் நடவடிக்கை எடுக்கின்றனர் என்றும் பொது மக்கள் தெரிவித்தனர்.
:-
:-
:-
பெயர், முகவரி விவரங்களுடன் கற்பழிப்பவர்களின் படங்கள் இண்டர்நெட்டில் வெளியிடப்படும்: மத்திய அரசு முடிவு...
:-
:-
டெல்லியில் ஓடும் பஸ்சில் மாணவி கற்பழிக்கப்பட்ட சம்பவத்தை தொடர்ந்து பாலியல் பலாத்கார குற்றங்களை தடுக்க மத்திய அரசு தீவிர நடவடிக்கைகளை எடுக்க முடிவு செய்துள்ளது. கற்பழிப்பு குற்றவாளிகளுக்கு கடும் தண்டனை கொடுக்கும் வகையில் சட்டத்தை திருத்த ஆய்வு நடந்து வருகிறது
:-.
இந்த நிலையில் கற்பழிப்பு குற்றவாளிகள் பற்றி எல்லோரும் தெரிந்து கொள்வதற்காக அவர்களது போட்டோ மற்றும் முகவரியை வெளியிட மத்திய அரசு திட்டமிட்டுள்ளது. இது பற்றி மத்திய உள்துறை மந்திரி ஆர்.பி.என்.சிங் கூறியதாவது:-
:-
கற்பழிப்பு குற்றங்களில் ஈடுபடுபவர்கள் வெட்கி தலைகுனியும் வகையில் அவர்கள் பற்றி நாடெங்கும் விளம்பரம் செய்ய உள்ளோம். இதற்காக குற்றவாளிகளின் புகைப்படம், பெயர், மற்றும் முகவரி போன்ற விவரங்கள் இண்டர் நெட்டில் வெளியிடப்படும்.இந்த திட்டம் முதலில் டெல்லியில் அறிமுகம் செய்யப்படும். அதன் பிறகு மற்ற மாநிலங்களுக்கு விரிவுப்படுத்தபடும். எல்லா மாநிலங்கள், யூனியன்பிரதேசங்களில் கற்பழிப்புகுற்றவாளிகள் பெயர், போட்டோ தொகுக்கப்படும்.
:-
கற்பழிப்பு குற்றவாளிகள் அவமானப்பட்டு கூனி குறுகும் வகையில் இந்த நடவடிக்கை மேற்கொள்ளப்படும்.
இவ்வாறு மத்திய மந்திரி ஆர்.பி.என்.சிங் கூறினார்.
:-
மாலை மலர்