43 மணி நேரம் தொடர் யோகாசனம் செய்து சாதனை

அச்சலா · அச்சலா Thu Dec 27, 2012 7:48 pm

43 மணி நேரம் தொடர் யோகாசனம் செய்து சாதனை

உடுமலை:உடுமலையில், 43 மணி நேரம் தொடர்ந்து யோகாசனங்களை மேற்கொண்டு யோகாசன ஆசிரியர் குணசேகரன் சாதனை படைத்தார்.

திருப்பூர் மாவட்டம், உடுமலை அருகே முக்கோணம் பகுதியை சேர்ந்தவர் குணசேகரன், 41. இவர் முக்கோணம் பகுதியில், மரகதம் யோகாலயம் மையத்தை நடத்தி வருகிறார்.
இவர், "அதிக நேரம் தொடர்ந்து நிகழ்த்தப்படும் யோகாசனம்' எனும் சாதனை முயற்சியை கடந்த 25ம் தேதி உடுமலை ஐ.எம்.ஏ., ஹாலில் துவக்கினார். அன்று காலை 6:01 மணி முதல் நேற்று காலை 8:00 மணி வரை (அதாவது 43 மணி நேரம் இடைவிடாது) யோகாசனங்களை நடத்தி சாதனை புரிந்தார்.

இச்சாதனையை, எலைட் வேர்ல்டு ரெக்கார்ட்ஸ் (இங்கிலாந்து), ஏசியன் ரெக்கார்ட்ஸ் அகாடமி (சிங்கப்பூர்), இந்தியன் ரெக்கார்ட்ஸ் அகாடமி (மும்பை), தமிழன் புக் ஆப் ரெக்கார்ட்ஸ் ( சென்னை) மற்றும் யுனிக் வேர்ல்ட் ரெக்கார்ட்ஸ் ஆகிய உலக சாதனை நிறுவனத்தின் சார்பில், பிரதிநிதிகள் ஆய்வு செய்து, சான்றிதழ்களை வழங்கினர். யோகாசன ஆசிரியர் குணசேகரன் கூறியதாவது:

மிக அதிக நேரம் தொடர்ந்து நிகழ்த்தப்படும் யோகாசனம் (ஆண்-தனிநபர்) என்ற சாதனையை செய்துள்ளேன். இதற்கு முன்பு யுனைடெட் ஸ்டேட்ஸ் டோமினிக் மைக்கேல் என்ற மாணவன் 36 மணி நேரம் 4 நிமிடங்கள் செய்திருந்தார். இந்தியாவை சேர்ந்த ஒரு நபர் இச்சாதனையை செய்ய வேண்டும் என்ற எண்ணத்தால், இச்சாதனையை செய்தேன்.

ஒரு நாளைக்கு குறிப்பிட்ட நேரமாவது அனைவரும் யோகா செய்தால், உடல் நலம் ஆரோக்கியமாக இருக்கும் என்ற கருத்தை மக்களிடையே ஏற்படுத்துவதற்காகத்தான் இச்சாதனையை செய்தேன்.இவ்வாறு குணசேகரன் கூறினார்.

-நமது நிருபர்-தினமலர்

மஞ்சுபாஷிணி · மஞ்சுபாஷிணி Thu Dec 27, 2012 7:57 pm

மனமும் உடலும் ஒருசேர நலமாயிருக்க யோகமும் தியானமும் மிக்க அவசியம் என்பதை காட்டும் அருமையான பகிர்வுக்கு அன்புநன்றிகள்.

**இளமாறன்** · **இளமாறன்** Thu Dec 27, 2012 8:02 pm

அச்சலா wrote:

ஒரு நாளைக்கு குறிப்பிட்ட நேரமாவது அனைவரும் யோகா செய்தால், உடல் நலம் ஆரோக்கியமாக இருக்கும் என்ற கருத்தை மக்களிடையே ஏற்படுத்துவதற்காகத்தான் இச்சாதனையை செய்தேன்.இவ்வாறு குணசேகரன் கூறினார்.

-நமது நிருபர்-தினமலர்

முயற்சி செய்கிறேன் பகிர்வுக்கு நன்றி அன்பு மலர்

Sponsored content · Sponsored content

43 மணி நேரம் தொடர் யோகாசனம் செய்து சாதனை

43 மணி நேரம் தொடர் யோகாசனம் செய்து சாதனை

Re: 43 மணி நேரம் தொடர் யோகாசனம் செய்து சாதனை

Re: 43 மணி நேரம் தொடர் யோகாசனம் செய்து சாதனை

Re: 43 மணி நேரம் தொடர் யோகாசனம் செய்து சாதனை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக