ஈழத்து ரத்தத்துல; கொண்டாடுவோம் தீபாவளி!

வித்யாசாகர் wrote:ஈழத்து ரத்தத்துல; கொண்டாடுவோம் தீபாவளி!

பிள்ளுக் கட்டுப் போல சேர்த்து
சுட்டு சாய்த்த -
ஜனங்க நாங்க;

சிங்கள அரசு திமிரை எதிர்த்து
மாறு தட்டின -
தமிழன் தாங்க!

உயிரை கொடுத்து-
உயிரை கொடுத்து-
ஈழங் காத்த - மனுஷ(ன்) தாங்க;

காலங்காலமா ஒரு இனம்
செத்து மடிந்தும் -
தட்டிக்கேட்காத இந்திய(ன்) நீங்க!

முள்ளு வெளி கம்பியெல்லாம்
எங்க பார்வை சொட்டின -
ஈரம் பாருங்க;

சிங்கள வெறி - பசிக்குக் குடிக்க
எப்படி ஈழ ரத்தம் -
இனிக்குதோங்க!

முப்பது வருஷம்
வெடி சப்தத்துல -
செத்துபொழச்சும் சாதிக்கலீங்க;

இப்படி அனாதையாகி
நிக்கிற வலிக்கு -
குண்டு வெடிச்சே சாகலாங்க!

இந்தியாவும் தமிழ்நாடும்
சேர்ந்து நின்னா -
இந்த முள்ளுக் கம்பி தைக்குமாங்க???

ஈழத் தமிழன் செத்து மடியறது
உங்களுக்கு எப்பவுமே வெறும்
செய்தி தாங்க!

கிழடுகட்டை செத்தா சாகுது
கேட்கவேனாம் -
விட்டுப் போங்க;

எங்க குழந்தையெல்லாம் மாண்டு போனா
நாளைக்கு ஈழமென்ன -
மீந்து போன வரலாறாங்க???

அதனால ஒண்ணுமில்ல
நீங்க கெளம்பி கடைக்கு போங்க,

தட்டு நிறைய பலகாரம் வெச்சி
புதுசு புதுசா பேண்ட்டு சட்டை போட்டு
மத்தாப்பும் வெடியுமா வெடிச்சி -
தீபாவளிய கொண்டாடுங்க;

ஏப்பம் வரும் நேரத்துல
ஈழம் பத்தின -
ஈமச் செய்தி வந்தா

ஏப்பம் வரும் நேரத்துல
ஈழம் பத்தின -
ஈமச் செய்தி வந்தா

சேனல் மாத்தி நமிதா டான்ஸ் பாருங்க;

இந்தியாவும் சீனாவும்
சேர்ந்தடிக்கிற கூத்துல -
சிங்கள அரசு இன்னும்
ஜொலிக்கும்;

நீங்க நின்னுப் பார்க்கிற
வேடிக்கையில -
ஈழக் கண்ணீர் சிதறி
உங்க தீபாவளியில சிரிக்கும்!
--------------------------------------------------------
வித்யாசாகர்

இந்த பதிவைத் துவங்கியவர் நன்றி கூறியுள்ளார் யாழவன்

வித்யாசாகர் wrote:மேன்மைகளின் ஒளி எல்லோர் வாழ்விலும் ஒளிரட்டும். வாழ்த்துக்கள் தோழர்களே!

இந்த பதிவைத் துவங்கியவர் நன்றி கூறியுள்ளார் வித்யாசாகர்