உடம்பையும் உயிரையும் ஆடி அதிரவைத்த கேள்வி

by அபிரூபன் Wed Dec 26, 2012 6:18 pm

ஒரு குடும்பமே தற்கொலைக்குத் தயாராகிறது.

வாழ்வில்தான் தோற்றுப்போனோம்
தற்கொலையிலும்
தோற்றுவிடக் கூடாது என்று முடிவெடுக்கும் தந்தை சாவுக்கான வழிகளைத் தேர்ந்தெடுக்கிறார்.

தூக்கில் தொங்கலாம்; ஒரு வேளைகயிறு அறுந்து விட்டால்.?

விஷம் அருந்தலாம்; ஒருவேளை அது கலப்படமாயிருந்தால்.?

கிணற்றில் குதிக்கலாம்; ஒருவேளை நீர்மட்டம்குறைவாயிருந்தால்.?

தீயிட்டுக்கொள்ளலாம்; பாதியில் அணைந்து போனால்.?

தந்தை குழம்பிக்கொண்டிருக்கும் போது, கடைசிக் குழந்தை ஒரு கேள்வி கேட்கிறது!.

"அப்பா! சாவதற்கே இத்தனை வழிகள் இருக்கும் போது,
பிழைப்பதற்க்கு ஒருவழி இல்லையா?"

உடம்பையும் உயிரையும் ஆடி அதிரவைத்த கேள்வி அது.

முகபுத்தக நண்பர் ஒருவரின் profile இருந்து எடுக்கப்பட்டது நன்றி நண்பரே

by யினியவன் Wed Dec 26, 2012 6:24 pm

தோற்று உயிரை மாய்த்து வெற்றி பெற நினைக்கும்
ஒவ்வொருவரும் சிந்திக்க வேண்டும் - நல்ல பகிர்வு

by பாலாஜி Wed Dec 26, 2012 6:26 pm

நல்ல பதிவு சூப்பருங்க

by அபிரூபன் Wed Dec 26, 2012 6:54 pm

பாலாஜி wrote:நல்ல பதிவு

நன்றி பாலாஜி அண்ணா

by அசுரன் Wed Dec 26, 2012 6:58 pm

வாழ நினைத்தால் வாழலாம்
வழியா இல்லை பூமியில்... பாடல் நினைவுக்கு வருகிறது... அருமையான பதிவு அபிரூபன் சூப்பருங்க

by அபிரூபன் Wed Dec 26, 2012 7:39 pm

அசுரன் wrote:வாழ நினைத்தால் வாழலாம்
வழியா இல்லை பூமியில்... பாடல் நினைவுக்கு வருகிறது... அருமையான பதிவு அபிரூபன்

நன்றி அசுரன் அண்ணா

by **Ahanya** Wed Dec 26, 2012 7:41 pm

நல்ல பதிவு. நன்றி அண்ணா.

by தர்மா Wed Dec 26, 2012 7:44 pm

நல்ல பதிவு வாழ்க்கை வாழ்வதற்கே. வாழ்வதை நாம் தேர்ந்தெடுப்போம் முடிப்பது அவன் வேலை

by **அகிலன்** Wed Dec 26, 2012 7:54 pm

தற்கொலை செய்ய நினைப்பவர்களே ஒரு நிமிடம் நில்லுங்கள்,
நீங்கள் நினைப்பதுபோல் உங்களுக்கு வாழ்க்கை அமையவில்லை,
உங்கள் விதி நினைத்ததுபோல் வாழ்க்கை மாறிவிட்டது,
உங்களைவிட உங்கள் விதி வலியது,
நீங்கள் சாகவேண்டும் என்று விதி நினைத்தால் அது உங்களை சாகடிக்கும்,
உங்கள் சாவையும் விதியின் வழியிலேயே விட்டுவிடுங்கள்,
உங்களால் உங்கள் விதியை வெல்லமுடியும் என்று நீங்கள் நினைத்தால்,
அதை சாவின்மூலம் வெல்ல நினைக்காதீர்கள்,
வாழ்வதன் மூலம் வெல்ல முயலுங்கள்.

இன்னொருவிதமாக சொல்வதானால்,
உங்களைப்படைத்த இறைவன் உங்களுக்கு துன்பத்தைத் தந்தானேதவிர
உங்களை சாகடிக்கவில்லை,
இறைவன் விரும்பினால் உங்களை சாகடிக்கட்டும்,
நீங்கள் தற்கொலை செய்வதன் மூலம்
எல்லாம்வல்ல இறைவனை நீங்கள் வெல்ல முயலாதீர்கள்.
அது மிக மிக முட்டாள்தனமானது.