புதுவருடம் பிறக்கிறது !

**நாகசுந்தரம்** · 27/12/2011

புதுவருடம் பிறக்கிறது பூக்கள் மனம் மலர்கிறது
விதவிதமாய் விஞ்ஞானம் வேகமாக வளர்கிறது
பதுக்கிவைக்க முடியுமோ பலாச்சுளை மணத்தினை
சுதந்திரமும் வந்தப்பா சத்தியத்தின் பலனாக

அல்லவைகள் மறையட்டும் ஆசுகவி வந்திடட்டும்
கொல்லுகின்ற குணமகன்று குளிர்ச்சியது நிறைந்திடட்டும்
நல்லவைகள் நானிலத்தில் நாற்புறமும் சூழ்ந்திடட்டும்
புல்லுருவிக் கூட்டங்கள் பாரைவிட்டுப் போகட்டும்

வேறுவேறு என்றதனால் வேதனைகள் பலவாச்சு
கூறுபோட்டு நாட்டைவிற்கும் கூட்டமது கலைஞ்சாச்சு
ஊறுதனை விளைவிக்கும் ஊக்கமது குறைஞ்சாச்சு
தூறுவாரி துர்நாற்றம் துடைத்ததனைப் போட்டாச்சு

பேச்சுச் சுதந்திரங்கள் பேஸ்புக்கில் வந்தாச்சு
கூசாமல் பேசுகின்ற கூட்டமது குறைஞ்சாச்சு
பேசாமல் போய்விடட்டும் பேதமது மறைஞ்சாச்சு
தூசாக விண்வெளிக்கு விண்கலங்கள் போயாச்சு

விழித்தெழுவாய் மானுடமே ! விண்ணுலகை ஆண்டிடலாம் !
விழித்தெழுவாய் பெண்ணுலகே ! விடுதலையைப் பெற்றிடலாம் !
விழித்தெழுவாய் சிறுவர்காள் ! தமிழ்மறையைப் பயின்றிடலாம் !
அழிந்துவிடும் அவலங்கள் உறுதிமனம் கொண்டிடலாம் !

மொழியாலே மதத்தாலே மோதவேண்டாம் வேற்றுமையில்
பழிபாவம் போய்விடட்டும் பாரில் இனம் இணைந்திடட்டும்
ஆழியிலே உள்ளநீரும் அருந்திடவே உகந்திடட்டும்
விழியினிலே ஒளிகொண்டு வீரமக்கள் பிறந்திடட்டும்

உறவுகளே வாருங்கள் ஒன்றாக இணைந்திடுவோம்
திறந்திடட்டும் மனக்கதவு தீர்மானம் செய்திடுவோம்
பிறந்திடட்டும் புதுவருடம் பேதமதை அகற்றிடுவோம்
நிரந்தரமாய் ஈகரையில் நாம்ஒன்றாய் இணைந்திடுவோம்

வலைதளங்கள் பலகோடி விரித்திட்டார் இணையத்தில்
சிலவேதான் சிந்தனையை சிரம்தனிலே ஏற்றுவது
கலகலப்பாய் கருத்துக்களை காட்டுகின்ற ஈகரைபோல்
உலகினிலே ஏதுமில்லை ஏற்றம்பெற வாழ்த்துகிறேன்

**கா.ந.கல்யாணசுந்தரம்** · 28/02/2009

வெகு சிறப்பான கவிதை. தங்களுக்கு இனிய புத்தாண்டு வாழ்த்துக்கள்.

பாலாஜி · பாலாஜி Mon Dec 31, 2012 4:14 pm

மிக நன்று ..

உங்களுக்கும் இனிய புத்தாண்டு வாழ்த்துக்கள் அன்பு மலர்

chinnavan · chinnavan Mon Dec 31, 2012 4:16 pm

கலகலப்பாய் கருத்துக்களை காட்டுகின்ற ஈகரைபோல்
உலகினிலே ஏதுமில்லை ஏற்றம்பெற வாழ்த்துகிறேன்
அருமை
------------------------------

நல்ல கவிதை சூப்பருங்க

:suspect:

**Powenraj** · **Powenraj** Mon Dec 31, 2012 4:20 pm

:suspect: :suspect:
அருமையான கவிதை..
உங்களுக்கும் என் இனிய புத்தாண்டு நல்வாழ்த்துக்கள்

அபிரூபன் · அபிரூபன் Mon Dec 31, 2012 4:26 pm

அருமையான கவிதை :suspect: suspect: suspect: suspect:

**ராஜா** · **ராஜா** Mon Dec 31, 2012 4:46 pm

அருமையான கவிதை நாகசுந்தரம் , உங்களுக்கும் உங்கள் குடும்பத்தார் அனைவருக்கும் இனிய புத்தாண்டு வாழ்த்துக்கள்

யினியவன் · யினியவன் Mon Dec 31, 2012 5:34 pm

சிறப்பான கவிதை சிறப்பானதாக்கட்டும் வரும் ஆண்டை - வாழ்த்துகள் நாகசுந்தரம்

Pakee · Pakee Mon Dec 31, 2012 5:41 pm

தங்களுக்கு இனிய புத்தாண்டு வாழ்த்துக்கள்.

**Ahanya** · **Ahanya** Mon Dec 31, 2012 6:55 pm

கவிதை அருமை சூப்பருங்க

இனிய புத்தாண்டு வாழ்த்துக்கள் ஐயா

Sponsored content · Sponsored content

புதுவருடம் பிறக்கிறது !

புதுவருடம் பிறக்கிறது !

Re: புதுவருடம் பிறக்கிறது !

Re: புதுவருடம் பிறக்கிறது !

Re: புதுவருடம் பிறக்கிறது !

Re: புதுவருடம் பிறக்கிறது !

Re: புதுவருடம் பிறக்கிறது !

Re: புதுவருடம் பிறக்கிறது !

Re: புதுவருடம் பிறக்கிறது !

Re: புதுவருடம் பிறக்கிறது !

Re: புதுவருடம் பிறக்கிறது !

Re: புதுவருடம் பிறக்கிறது !

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக