மனைவி ஊரில் இல்லாத இரவில்....

by **ரா.ரா3275** Wed Dec 26, 2012 12:05 pm

First topic message reminder :

நண்பர்களே...

என் மனைவி இப்போது அவரது சொந்த ஊருக்கு விடுமுறைக்காகப் போயிருக்கிறார்...
கொண்டவள் ஊரில் இல்லை என்றால் நம் கொண்டாட்டத்திற்கு அளவும் உண்டோ?...
சும்மா...ஒரே கூத்தும் கும்மாலமும்னு ஏகப்பட்ட திட்டம் கைவசம்...
அத்துணைத் திட்டங்களோடும் நேற்று இரவு முன்னோட்டம் பார்த்துவிட வேண்டும் என்ற முடிவோடு
காரியத்தில் இறங்கினேன்...

யாருக்கும் அக்கம்பக்கத்தில் தெரிந்துவிடக் கூடாதென்ற எச்சரிக்கையுடன் அனைத்து
ஜன்னல்களையும் அடைத்து விட்டேன்...
குறிப்பாக என் திட்டம் எங்கள் ஹவுஸ் ஓனருக்குத் தெரிந்தால் என் மனைவியிடம் போட்டுக் கொடுத்துவிடுவார் என்பதால்
மிகுந்த எச்சரிக்கையுடன் கவனமாக இருந்தேன்...

சாமி ரூம் ஸ்கிரீனையும் கதவையும் நன்றாக இழுத்துச் சாத்தினேன்...
நடு ஹாலில் படுக்கைப் போட்டேன்...மெத் மெத் என இருக்க வேண்டும் என்பதற்காக எல்லா போர்வை-பெட்சீட் என யாவற்றையும் விரித்துப் போட்டுவிட்டு...
அதன் மீது ஆறேழு தலையணையை வரிசையாக வைத்து முடிக்கும்போது...
சரியாக காலிங் பெல் அடிக்கும் சத்தம்...
மெதுவாகக் கதவைத் திறக்காமலே குரல் கொடுத்தால் ஹவுஸ் ஓனர் பையன்...
"அண்ணா...ஊர்ல இருந்து வந்துட்டீங்களா...லைட் எரிஞ்சு ஆப் ஆனதும் டவுட்...அதான் கேட்டேன்..."
என்றான்...
ஆமாம் என்று கூறிவிட்டு...
மின்விசிறியைப் போட்டுவிட்டுப் படுத்தேன் பாருங்கள்...அப்படி ஒரு தூக்கம்...

ஹிஹிஹி...இதாங்க என் ரொம்ப நாள் ஆசை...எங்க வீட்டுக்காரம்மா இருந்தா நம்ம பைத்தியக்காரத்தனத்த பார்த்து செமையா திட்டுவாங்க...அதான் அவங்க ஊருக்குப் போன ராத்திரியில இப்டி ஒரு திட்டம் போட்டது...

(யாரும் எதையாவது நெனைச்சிகிட்டு என்னையத் திட்டினா நான் பொறுப்பில்ல...)

by **T.N.Balasubramanian** Sun Jun 01, 2014 8:29 pm

18 மாதங்களுக்கு பிறகு , திரி மறுமுறை எரிவது, மனைவி மீண்டும் ஊர் போவதை குறிக்கிறதோ?
ரமணியன்

by **Aathira** Sun Jun 01, 2014 8:37 pm

அடப்பாவிங்களா... ஏதாவது ஏடா கூடமா இருக்குமோன்னு இதுக்குள்ளாற வராம இருந்தேன்.

என்னமோ வூட்டுக்கார அம்மா இருந்தா மட்டும்....

by **ரா.ரா3275** Sun Jun 01, 2014 10:43 pm

மாணிக்கம் நடேசன் wrote:நமக்கு அப்படி ஒரு வாய்ப்பு கிடைப்பதற்கு வாய்ப்பே இல்லீங்கோ, 24 மணி நேரமும் அட்ட மாதிரி ஒட்டிக்கிட்டே இருக்குது ஒன்னு. அது அதன் என் ஆத்துக்கார அம்மா. ஒரு நாளைக்கு காலையில இருந்து தூங்குர வரைக்கும் சாப்பிட்டுக்கிட்டே இருக்கனும்னு ஆசை. அப்படி சடக்கிறதுக்கு சான்சே இல்ல போல இருக்கு.

மேற்கோள் செய்த பதிவு: 1067102

அய்யா...நீங்க கொடுத்து வெச்சவர்...அதை நீங்களே ஒப்புக்கொண்டதற்கு பாராட்டு...

by **ரா.ரா3275** Sun Jun 01, 2014 10:48 pm

ராஜா wrote:
ரா.ரா3275 wrote:அடேங்கப்பா...ரெண்டாயிரம் பேருக்கு மேல பார்த்திருக்காங்கன்னா...பொண்டாட்டி ஊருக்குப்போனா அவ்ளோ கொண்டாட்டமா?...
மேற்கோள் செய்த பதிவு: 1067005 அடுத்தவர் விஷயத்தில் மூக்கை நுழைப்பது தமிழனுக்கு கைவந்த கலையாச்சே அதான் .....