நவம்பர் மாதமும் நள்ளிரவு நேரமும்

by **அகல்** Tue Dec 25, 2012 11:40 am

பனித்துளிகள் சுற்றிவந்து
திரையிட்டது உனக்கு - இனி
பாசமுடன் முத்தமிட
தடையில்லை எனக்கு

அறைக்குள்ளே முழுநிலவாய்
அனுதினமும் இருந்தாய் - அந்த
பிறைநிலவும் ஜன்னல்வழி
எட்டிப்பார்ப்பதை யறிந்தாய்

முகப்பருவில் முத்தமிட்டு
மோட்சம் கண்டது விரல்கள் - உன்
அகம் கண்டு புறம் உண்டு
அன்பு கொண்டது விழிகள்

இமைரெண்டும் மூடிஎனை
இதழோடு இணைத்தாய் - நிதம்
பகலிரவு பாராது
பாசத்தாலே சிதைத்தாய் - உன்

உடைகளைய, இடைதெரிய
வெட்கம் கொண்டது விரல்கள் - இதை
அறிந்து உன்மேல் ஆசைகொண்டு
விழித்துக் கொண்டது சுவர்கள் - ஏவாள்

ஒரு பழத்தை ஊட்டிவிட்டு
மாற்றிவிட்டாள் உலகை - இங்கே
இரண்டு கையில் இருக்கையிலே
யார் சொல்வார் பதிலை ..!

http://kakkaisirakinile.blogspot.in/2012/12/blog-post_8781.html

நவம்பர் மாதமும் நள்ளிரவு நேரமும் 2677094050b90db8b571b