சென்னை மாணவர்களின் கண்டுபிடிப்பு: தேசிய அளவில் அங்கீகாரம்

கடல் எல்லை தாண்டி, மீன் பிடிப்பதால் ஏற்படும் பிரச்னையை தவிர்க்க, சென்னையைச் சேர்ந்த கல்லூரி மாணவர்களின் கண்டுபிடிப்புக்கு, தேசிய அளவில் விருது கிடைத்துள்ளது.
கடல் எல்லை தாண்டி மீன்பிடிப்பதால், இந்திய மீனவர்கள் அடிக்கடி தாக்கப்படுவதும், மீன் வலைகள் அறுத்தெறியப்பட்டு, சுட்டுக் கொல்லப்படுவதும், தொடர்கதையாகி வருகிறது. இதை தவிர்க்க, சென்னை செயின்ட் ஜோசப் பொறியியல் கல்லூரி மாணவர்கள் நவீன் நெல்சன் இருதயராஜ், பிரின்சி பெர்பச்சுவா ஆகியோர் இணைந்து,"கடல் எல்லையை சுட்டி காட்டும்' கருவியை கண்டுபிடித்துள்ளனர்.

இக்கருவி, மூன்று பாகங்களைக் கொண்டது. முதல் பாகத்தில் எல்.சி.டி., திரையும், இரண்டாம் பாகத்தில் ஜி.பி.எஸ்., ஆன்டனா மற்றும் ஜி.பி.எஸ்., கருவியும், மூன்றாம் பாகத்தில் எரிபொருள் தடுப்பு கருவியும் உள்ளது. ஜி.பி.எஸ்., ஆன்டனா, செயற்கைக்கோளில் இருந்து தகவல் பெற்று, ஜி.பி.எஸ்., டிவைசிற்கு அனுப்பும். அதிலுள்ள திரையின் மூலம், கடல் எல்லையில் பயணிக்கும் இடத்தை தெரிந்து கொள்ள முடியும். எல்.சி.டி., திரையில் மூன்று நிறங்கள் உள்ளன. இதில், மஞ்சள் நிறம் வந்தால் பாதுகாப்பான பகுதி. பச்சை நிறம் மீன்பிடிக்க தகுந்த பகுதி. சிவப்பு நிறம் வந்தால் ஆபத்தான பகுதி என்று அர்த்தம்.

சிவப்பு நிறம் வந்தால், அபாய ஒலி எழும். அபாய ஒலியை கேட்டதும், படகை மீன்பிடி பகுதி அல்லது பாதுகாப்பான பகுதிக்கு கொண்டு செல்ல வேண்டும். இல்லையென்றால், கடல் எல்லையை நெருங்குவதற்குள், இன்ஜினுக்கு செல்லக் கூடிய எரிபொருளை, கருவியின் மூன்றாம் பாகம் நிறுத்திவிடும். இதனால், குறிப்பிட்ட கடல் எல்லையை தாண்டவே முடியாது.
இக்கண்டுபிடிப்பு, "இண்டியன் நேஷனல் அகடமி ஆப் இன்ஜினியரிங்' என்ற அமைப்பின் சார்பில் நடந்த, அகில இந்திய அளவிலான பொறியியல் கல்லூரி மாணவர்களின் கண்டுபிடிப்புகளுக்கான போட்டியில்,"சிறந்த கண்டுபிடிப்பு' விருது பெற்றுள்ளது.

வரும் அக்டோபரில், ஐதராபாத்தில் இப்பரிசு வழங்கப்படுகிறது. இது குறித்து, விருது பெறும் மாணவர்கள், "பத்திரிகைகளில் வந்த எங்கள் கண்டுபிடிப்பை பார்த்து, ஆந்திர மாநில மீன்வளத்துறை எங்களை அழைத்துப் பேசியது. ஆனால், தமிழர் நலனுக்காக நாங்கள் கண்டுபிடித்ததை யாருமே கண்டுகொள்ளாமல் இருப்பது, மிகுந்த வேதனை அளிக்கிறது,' என்றனர்.

நன்றி:விழித்திரு தமிழா

எல்லை தாண்டாமலே இந்திய எல்லைக்குள் அல்லவா இலங்கை .... கள் வந்து அட்டூழியம் செய்கிறது. அருமையான கண்டுப்பிடிப்பு... மாணவர்களுக்கு பாராட்டுக்கள்

GPS வைத்துச் செய்யும் மிக எளிய கண்டுபிடிப்பு. ஆனால் தேவையான ஒன்று. மாணவர்களுக்கு வாழ்த்துக்கள்.

நல்ல கண்டுபிடிப்பு.
வாழ்த்துக்கள்.
மீனவர் வாழ்விற்கு ஒரு பாதுகாப்பு.
அரசாங்கம் இதை அங்கீகரிக்குமா?

ச. சந்திரசேகரன் wrote:நல்ல கண்டுபிடிப்பு.
வாழ்த்துக்கள்.
மீனவர் வாழ்விற்கு ஒரு பாதுகாப்பு.
அரசாங்கம் இதை அங்கீகரிக்குமா?

மாணவர்களுக்கு வாழ்த்துக்கள்.

ரோட்டரி க்ளப் / லயன்ஸ் கிளப் மூலம் மார்கெடிங் செய்தல் நலம்.
இது போன்ற ஊடகம் மூலம்தான் அரசாங்கத்தின் கவனத்தை ஈர்க்கமுடியும்.
மாணவர்களுக்கு வாழ்த்துக்கள்.
இருப்பினும் மத்ய அரசு ,கற்நாடக,கேரளா அரசுகள் தமிழருக்கு எதிராக செயல்படுகிறது.
சிங்கள அரசோ கேட்கவே வேண்டாம். தமிழருக்கு விடிவு காலம் உண்டா?


ரமணியன்

T.N.Balasubramanian wrote:ரோட்டரி க்ளப் / லயன்ஸ் கிளப் மூலம் மார்கெடிங் செய்தல் நலம்.
இது போன்ற ஊடகம் மூலம்தான் அரசாங்கத்தின் கவனத்தை ஈர்க்கமுடியும்.
மாணவர்களுக்கு வாழ்த்துக்கள்.
இருப்பினும் மத்ய அரசு ,கற்நாடக,கேரளா அரசுகள் தமிழருக்கு எதிராக செயல்படுகிறது.
சிங்கள அரசோ கேட்கவே வேண்டாம். தமிழருக்கு விடிவு காலம் உண்டா?


ரமணியன்

வந்தால் நன்றாகத் தான் இருக்கும் அய்யா.அதைப் பற்றி முக்கியமான நபர்களிடம் கேட்டால் வரும் ஆனா வராது னு டையலாக் சொல்றாங்களாம் .என்ன செய்ய

சிறந்த கண்டுபிடிப்பு மேலும் எனது பாராட்டுகள்

மிகவும் அவசியமான கண்டுபிடிப்பு. இந்த மாணவர்களைக் கண்டிப்பாக ஊக்கப்படுத்தி பாராட்டவேண்டும். தமிழக மீனவர்கள் பிரச்சனையைக் கிடப்பில் போட்டதுபோல் இந்தக் கண்டுபிடிப்பையும் கிடப்பில் போட்டுவிடக் கூடாது. மீனவர்களுக்கு ஏதேனும் பிரச்சனை என்றால் மத்தியில் ஆளுபவர்களின் நாற்காலிகளில் உடனடியாக மின்சாரம் பாயும்படி ஒரு கண்டுபிடிப்பு தேவைப்படுகிறது.