போஸ்ட்காட் சிறுகதை - கணக்கு

by றினா Sun Dec 23, 2012 9:50 pm

கொழும்பு செல்வதற்காக பஸ் நிலையம் வந்தேன்.

பஸ் நிலையம் நிரம்பி வழிந்தது. கால் வைக்க இடமில்லை. எத்தனையோ பஸ்கள் என்னைக் கடந்துவிட்டன.

அமர ஆசனம் இல்லை என்பதால் நான் ஏறவில்லை.

ஆனாலும் நான் 10.00 மணிக்கு இன்டர்வியூவில் நிற்க வேண்டும்.

அதோ ஒரு பஸ்... காலியாக தாவி ஏறி ஒரு ஆசனத்தில் அமர்ந்தேன்.

வறக்காபொல வந்துவிட்டது. ஒரு பெண் ஏறி என் அருகில் வந்து நின்றாள்.

இவ்வளவு போராடி, பல பஸ்களை கோட்டைவிட்டு கிடைத்த சீட்டை தாரைவார்க்க யாருக்குத்தான் மனம் வரும்?

ஆனால் அவள்...

போவோரும் வருவோரும் இடித்துச் சென்றார்கள்.

தவறுதலாகவோ வேண்டுமென்றோ சங்கடப்பட்டாள் அவள். அவள் அவஸ்தை படுவது தெரிந்தது.

பெரும் மனப் போராட்டம்.

எழுந்து கொண்டேன்.

'மிஸ் உட்காருங்க'

'தேங்ஸ்' - சொல்லவில்லை. புன்னைகைத்தாள்.

எனது ஹேண்ட் பேக் அவள் மடியில். அயர்ந்து தூங்கினாள் அவள். கூட்டம் என்னையும் தள்ளியது. தள்ளத் தள்ளத் தள்ளியே போனேன் நான்.

கற்பனை வேறு.

கன்னிப் பெண்ணுக்குத் தானம் பண்ணிய மகிழ்ச்சி.

கொழும்பு வந்துவிட்டது. கைகளை நீட்டினேன் எனது பேக்கை எடுக்க. அவள் அங்கு இல்லை. ஆசனம் காலி.

எனது பேக், அடையாள அட்டை, பணம், நேர்முகப்பரீட்சைக்கான ஆவணங்கள் எல்லாம் அபேஸ்.

கணக்குத் தப்பிவிட்டது.

-மீஆத் யூசுப்-

by பூவன் Sun Dec 23, 2012 10:10 pm

இருக்கை தானம் , தனத்தோடு காணோம் , நல்ல விழிப்புணர்வு கதை சூப்பருங்க

by அசுரன் Sun Dec 23, 2012 10:15 pm

ஆசனம் காலியாயிடுச்சா அழுகை

அதான் பேக் காலியா? அட்ரா சக்கை.. வயசான கிழவி வந்தா சீட் தரமாட்டீங்களே (தமாசு) ஆமா ஒரு சந்தேகம்? அவ கன்னிப்பொன்னுன்னு எப்படி முடிவு செஞ்சீங்க? அய்யோ, நான் இல்லை

by பூவன் Sun Dec 23, 2012 10:17 pm

அசுரன் wrote:ஆசனம் காலியாயிடுச்சா அதான் பேக் காலியா? அட்ரா சக்கை.. வயசான கிழவி வந்தா சீட் தரமாட்டீங்களே (தமாசு) ஆமா ஒரு சந்தேகம்? அவ கன்னிப்பொன்னுன்னு எப்படி முடிவு செஞ்சீங்க?

கண்ணியம் பாராமல் எழுந்து இடம் விடும் போதே தெரியவில்லை ...

by றினா Mon Dec 24, 2012 12:06 pm

அசுரன் wrote:ஆசனம் காலியாயிடுச்சா அதான் பேக் காலியா? அட்ரா சக்கை.. வயசான கிழவி வந்தா சீட் தரமாட்டீங்களே (தமாசு) ஆமா ஒரு சந்தேகம்? அவ கன்னிப்பொன்னுன்னு எப்படி முடிவு செஞ்சீங்க?

மேக்கப்பைப் பார்த்து முடிவு செய்திருப்பார் என்று நினைக்கிறேன்.