ஹோம் ஒர்க் செய்யாததால் மாணவன் கன்னத்தில் 50 முறை 'பளார்' விட சொன்ன ஆசிரியை

by **Muthumohamed** Sun Dec 23, 2012 2:39 pm

பீஜிங்: ஹோம் ஒர்க் செய்யாமல் பள்ளிக்கு வந்த மாணவன் கன்னத்தில், 50 முறை பளார் என அறைய சொன்னார் ஆசிரியை. இதனால் சீனாவில் பெற்றோர் அதிர்ச்சி அடைந்துள்ளனர். சீனாவின் ஷான்ஜி மாகாணத்தில் உள்ள அன்காங் நகர தொடக்க பள்ளி ஆசிரியை லூ யாலி(22). சில நாட்களுக்கு முன்பு மாணவன் ஒருவன் ஹோம் ஒர்க் செய்யாமல் பள்ளிக்கு வந்தான். இதனால் ஆத்திரம் அடைந்த யாலி, வகுப்பில் இருந்த மற்ற மாணவர்கள் எல்லோரையும் அழைத்தார். ஹோம் ஒர்க் செய்யாமல் வந்த மாணவன் கன்னத்தில் ஒரு அறை கொடுங்கள் என்று கூறினார். பயந்து போன மாணவர்கள், ஆசிரியை சொன்னபடி வரிசையாக வந்து மாணவன் கன்னத்தில் அறைந்தனர். இதனால் காயம் அடைந்த மாணவனை உடனடியாக மருத்துவமனையில் சேர்த்தனர். அவனுடைய காது பாதிக்கப்பட்டுள்ளதாகவும், மனநிலை பாதிக்கப்பட் டுள்ளதாகவும் மருத்துவமனை வட்டாரங்கள் தெரிவித்தன. இந்த சம்பவம் சீனாவில் பெரும் அதிர்ச்சியை ஏற்படுத்தி உள்ளது. இதுகுறித்து புகாரின் அடிப்படையில் போலீசார் விசாரணை நடத்தி வருகின்றனர். மேலும், பள்ளி தலைமை ஆசிரியை மற்றும் ஆசிரியை யாலி ஆகியோர் பணி நீக்கம் செய்யப்பட்டுள்ளனர். என் பேரன் ஹோம் ஒர்க் செய்யவில்லை என்ற குற்றத்துக்காக ஆசிரியை அடித்திருந்தால் கூட ஏற்றுக் கொண்டிருப்பேன். ஆனால், வகுப்பில் இருந்த 50 மாணவர்களையும் அடிக்க சொன்னதை ஏற்க முடியவில்லை. இதனால் மனமுடைந்த என் பேரன் தற்கொலை செய்து கொள்ள நினைப்பதாக டைரியில் எழுதி வைத்திருக்கிறான். அவனுக்கு மனநிலை பாதிக்கப்பட்டுள்ளது என்று மாணவனின் பாட்டி கண்ணீர் மல்க கூறியுள்ளார்.

தினகரன்

by balakarthik Sun Dec 23, 2012 2:57 pm

ஆசிரியையை ஹோமுக்கு அனுப்பினது சரி தலைமை ஆசிரியரை எதுக்குப்பா ஹோமுக்கு அனுபிசாங்க

by **அருண்** Sun Dec 23, 2012 3:21 pm

அவர்களுக்கு ஈவு இரக்கமே கிடையாதா..! அதிர்ச்சி

by balakarthik Sun Dec 23, 2012 4:37 pm

அருண் wrote:அவர்களுக்கு ஈவு இரக்கமே கிடையாதா..!

அவுங்களுக்கு இறக்கம் இருந்தா இடுப்புக்கு கிழே அடிக்க சொல்லிருப்பாங்களோ

by **கரூர் கவியன்பன்** Sun Dec 23, 2012 8:25 pm

by **Ahanya** Sun Dec 23, 2012 8:29 pm

ஏன் இப்படியெல்லாம் செய்கிறார்கள்?

by சதாசிவம் Mon Dec 24, 2012 9:55 am

ஆசிய நாடுகளில் ஆசிரியர் அல்லது குரு என்பவர் மிகவும் மரியாதைக்குரியவர். பள்ளிக்கூடம் இல்லையேல் சகலமும் இல்லை என்ற நினைப்பு உள்ளது . ஆகையால் பெற்றோர், மாணவர்கள் கேள்வி கேட்க மாட்டார்கள் என்ற தைரியம் இங்குள்ள ஆசியர்களுக்கு உண்டு. மேலும் தன் வேலையை செய்யாமல் இருக்க சிறப்பாக படிக்கும் மாணவர்கள் இவர்களுக்கு தேவை. அடியாத மாடு படியாது என்ற அடிமாட்டுச் சிந்தனை பெரும்பாலான ஆசிரியர் மனதில் உள்ளது. பெற்றோரும் பள்ளியை, ஆசிரியரை எதிர்த்தால் பிள்ளையின் எதிர்காலம் பாதிக்கப்படும் என்ற பயத்தில் அமைதியாகச் சென்று விடுகின்றனர். இது இவர்களுக்கு கொண்டாட்டமாகப் போய்விடுகிறது.

மருத்துவர்கள் ஒரு காலத்தில் மக்கள் மத்தியில் இறைவனைப் போன்ற மதிப்பில் இருந்தவர்கள், ஆனால் இன்று நுகர்வோர் கேள்விக்கு பதில் சொல்ல வேண்டிய கட்டாயம் அவர்களுக்கு விதிக்கப்பட்டுள்ளது.

பள்ளிகள் வியாபாரத் தலமாக மாறும் இக்காலத்தில், மாணவனும் , பெற்றோரும் நுகர்வர்களாக கருத்தப்படவேண்டும். பெரும் பணம் கொடுத்து (கொட்டி) பள்ளியில் படிக்கும் மாணவன் நாளை IQ , பொதுஅறிவு, கணிதம், அறிவியல், ஆங்கிலம், சமுதாய ஒழுக்கம் என்று பள்ளியில் சொல்லிக்கொடுக்கப்பட்டதில் எதில் தவறு செய்தால் அந்த பள்ளிக்கும், ஆசிரியருக்கும் நோட்டீஸ் அனுப்பி பெற்றவர்கள் நஷ்டஈடு வாங்கும் வகை செய்ய வேண்டும்.

இது ஆசிரியரின் தகுதியின்மையை காட்டுகிறது.ஒரு ஆசிரியர் பள்ளிக்கு வரும் மாணவர்களுக்கு,ஒரு தாயை போன்றவர் .அன்பு கொண்டு மாணவர்களிடம் நடந்து கொண்டால் மட்டுமே ,அவர்களுக்கு கல்வியை முழுமையாக புகட்டமுடியும் .ஆசிரியர் தன்னை பக்குவப்படுத்திக்கொள்ள வேண்டும்.
கோவப்படுவதால் யாருக்குமே நன்மை இல்லை.