அதிர வைக்கும் வன்கொடுமைகள்: கேள்விக்குறியாகும் குழந்தைகள் பாதுகாப்பு

**Powenraj** · **Powenraj** Fri Dec 21, 2012 1:24 pm

டெல்லியில் ஓடும் பஸ்சில் மாணவி பாலியல் பலாத்காரம், தூத்துக்குடியில் 13 வயது சிறுமி பலாத்காரம் செய்யப்பட்டு கொலை, மத்திய பிரதேசத்தில் 13 வயது சிறுமி கடத்தி கற்பழிப்பு. இவை தான் இன்று நாட்டையே உலுக்கிக் கொண்டிருக்கும் செய்திகள்.
:-
வெளியில் தெரிந்த சம்பவங்கள் இவை, தெரியாமல் இன்னும் எத்னையோ? பெண்களுக்கு எதிராக தொடரும்வன்கொடுமைகள், பெண்கள் பாதுகாப்பு குறித்து ஒரு பெரிய கேள்விக்குறியை முன்னிறுத்துகிறது.
:-
மத்திய பிரதேசத்தில் 13 வயது சிறுமியை, கும்பல் ஒன்று கடத்திச் சென்று, பாலியல் பலாத்காரம் செய்துள்ளது. மத்திய பிரதேசத்தின் காட்னி மாவட்டத்தில் ஆறாம் வகுப்புபடித்து வரும் பழங்குடியின சிறுமியை, அவரது வீட்டின் அருகே வைத்து, சங்கர் பேடியோ, பராதி கவுல் ஆகியோர் கடந்த திங்கள்கிழமைகடத்திச் சென்றுள்ளனர். அருகில் உள்ள வனப்பகுதிக்குசிறுமியை கொண்டு சென்ற இவர்கள், அங்கு வைத்து மூன்று நாட்களாக சிறுமியை பாலியல் பலாத்காரம் செய்துள்ளனர். அவர்களிடம் இருந்து தப்பி வந்த சிறுமி, தனது உறவினர்களிடம், தனக்குநேர்ந்த கொடுமை பற்றி விவரித்துள்ளார். இதையடுத்து, போலீசாரிடம் புகார் செய்யப்பட்டது. போலீசார் வழக்குப்பதிவு செய்து, குற்றவாளிகளை தேடி வருகின்றனர்.
:-
சிறுமியின் சடலம் கண்டெடுப்பு : தூத்துக்குடிஅருகே, புதரில் 13 வயது சிறுமியின் உடல் கண்டெடுக்கப்பட்டுள்ளது. தமிழகத்தையே அதிர வைத்துள்ளஇந்த சம்பவம் தொடர்பாக போலீசார் விசாரணையை தொடங்கிஉள்ளனர்.
:-
புதரில் இருந்து கண்டெடுக்கப்பட்ட சிறுமியின் உடல், ஸ்ரீ வைகுண்டம் வட்டம் தாதன்குளத்தைச் சேர்ந்த புனிதா என்பவரது உடல் என்பது உறுதி செய்யப்பட்டுள்ளது. இன்று காலை தாதன்குளம் ரயில் நிலையத்துக்கு அருகே உள்ள ஒரு முட்புதரில் புனிதாவின்சடலம் கண்டெடுக்கப் பட்டது. அதன் பின்னர் பிரேதப் பரிசோதனைக்காக புனிதாவின் உடல் நெல்லை அரசு மருத்துவமனைக்கு அனுப்பி வைக்கப் பட்டுள்ளது. புனிதாவுக்கு என்ன நேர்ந்தது என்பது குறித்த விவரங்களை தெரிவிக்க போலீசார் மறுப்பதாக அவரது உறவினர்கள் புகார் தெரிவித்துள்ளனர். தாதன்குளத்தை சேர்ந்த புனிதா, பக்கத்து ஊரான செய்துங்கநல்லூரில் 7-ம் வகுப்பு படித்து வந்தார். புனிதாவும் அவருடன் படிக்கும் வேறு நான்கு சிறுமிகளும் எப்போதும் ஒன்றாகவே நடந்து பள்ளிக்கு செல்வது வழக்கம். இந்நிலையில் நேற்று பள்ளிக்கு சென்ற புனிதா, வீடு திரும்பாததால் புனிதாவின் பெற்றோர் அவளது தோழிகளிடம் விசாரித்தனர். தான் ரயில்வே கிராசிங் வழியாக வருவதாகக் கூறி புனிதா தங்களை போகச் சொல்லிவிட்டதாக தோழிகள் தெரிவித்தனர். இதனையடுத்து செய்துங்க நல்லூர் காவல் நிலையத்தில் புனிதாவின் பெற்றோர் புகார் தெரிவித்திருந்தனர்.
:-
இன்று நீதிமன்றத்தில் அறிக்கை தாக்கல்: இதற்கிடையில் நாட்டையே உலுக்கிய டெல்லி பாலியல் வன்கொடுமை சம்பவத்தில் மேலும் ஒருவர் கைது செய்யப்பட்டுள்ளார். டெல்லியில் கடந்த ஞாயிற்றுக் கிழமை இரவு, ஓடும் பேருந்தில் கல்லூரி மாணவி கொடூரமாக தாக்கப்பட்டு பாலியல் வன்கொடுமை செய்யப்பட்டார். இந்த வழக்கில், பேருந்து ஓட்டுநர், அவரது சகோதரர் மற்றும் கூட்டாளிகள் இருவர்ஏற்கனவே கைது செய்யப்பட்டனர். இந்நிலையில் குற்றச்சம்பவத்தில் தொடர்புடையதாக கருதப்படும் மேலும் ஒருவர் டெல்லி காவல்துறையினரிடம் பிடிபட்டுள்ளார். இந்த வழக்கில் ஐந்தாவதாக சிக்கியுள்ள இவரை உத்தரபிரதேசத்தில் வைத்து காவல்துறையினர் கைது செய்துள்ளனர். அவரை தனியிடத்தில் வைத்து விசாரித்துவரும் காவல்துறையினர், பிடிபட்டவர் குறித்த விவரங்களை வெளியிட மறுத்துவிட்டனர். இதனிடையே மாணவி பாலியல் வன்கொடுமை வழக்கு தொடர்பான அறிக்கையை டெல்லி உயர்நீதிமன்றத்தில் காவல்துறையினர் இன்று தாக்கல் செய்கின்றனர்.
:-
புதிய தலைமுறை