பெ‌ண் கொசுவை அ‌‌ழி‌க்க கள‌த்‌தி‌‌ல் இற‌ங்கு‌ம் ஆ‌ண் கொசு - மாநகராட்சி‌யி‌ன் ஐடியா

பெண் கொசுக்கள் தான் மனிதர்களின் ரத்தத்தை குடித்து உயிர்கொல்லி நோய்களை பரப்புவதா‌ல், மலட்டுதன்மையுடைய ஆண் கொசுக்களை, பெ‌ண் கொசு‌க்க‌ள் அ‌திகமாக இரு‌க்கு‌ம் இட‌த்த‌ி‌ல் விட செ‌ன்னை மாநகரா‌ட்‌சி பு‌திய ஐடியாவை கையாள உ‌ள்ளது.

நாளுக்கு நாள் அதிகரித்து வரும் கொசுத்தொல்லையை கட்டுக்குள் கொண்டுவர சென்னை மாநகராட்சி புதிய முயற்சியை கையாள முடிவு செய்துள்ளது.

"முள்ளை முள்ளால்தான் எடுக்கமுடியும்" என்பது போல, சென்னை வாசிகளுக்கு பெரும் தொல்லையாக இருக்கும் கொசுக்களை கொசுக்களின் மூலமாகவே கட்டுக்குள் கொண்டுவரும் ஒரு புது விதமான முயற்சியை நடைமுறைப்படுத்தும் நடவடிக்கைகளை சென்னை மாநகராட்சி எடுத்து வருகிறது.

இந்த முறைப்படி கொசுக்களை ஒரு குறிப்பிட்ட சூழலில் இனப்பெருக்கம் செய்து, புதிதாக வளர்க்கப்பட்ட கொசுக்களின் உதவியோடு அதிகரித்துவரும் கொசுத்தொல்லை முடக்கப்படும்.

இதற்கான முழுமையான செய்முறையை படிப்படியாக பார்க்கலாம்:

1. பிரத்யேகமாக வடிவமைக்கப்பட்ட கண்ணாடி அறையில் கொசுக்கள் வளர்க்கப்படும். இவ்வகையான கண்ணாடி அறைகளில் 1,00,000 கொசுக்கள் உற்பத்தியானால் அவற்றில் 40 சதவிகிதம் ஆண் கொசுக்களாக இருக்கும்.

2. பெண் கொசுக்கள் தான் மனிதர்களின் ரத்தத்தை குடித்து உயிர்கொல்லி நோய்களை பரப்பும் என்பதால், மீதமிருக்கும் 60 சதவிகித பெண் கொசுக்கள் பாலினக்கவர்ச்சிகள் மூலம் பிரிக்கப்பட்டு கொல்லப்படும்.

3. மீதமிருக்கும் ஆண் கொசுக்கள் காமா கதிர்வீச்சிக்கு உட்படுத்தபடும். இதனால் ஆண் கொசுக்கள் மலட்டுதன்மையடையும்.

4. மலட்டுதன்மையுடைய ஆண் கொசுக்கள், கொசுத்தொல்லை அதிகமாக இருக்கும் பகுதிகளில் விடுவிக்கப்படும்

5. பெண் கொசுக்கள் கருவற்ற முட்டைகளிட்டு இறக்கும். இதனால் கொசுக்களின் உற்பத்தி விகிதம் கணிசமாக குறையும்.

6. இம்முறையை தொடர்ந்து பயன்படு‌‌த்‌தினால் சென்னையில் இருக்கும் கொசுத்தொல்லையை விரைவில் ஒழிக்க இயலும்.

இம்முறை தலையை சுற்றி மூக்கை தொடுவது போல் இருந்தாலும் சுற்றுப்புற சூழலுக்கு எந்த பாதிப்பும் வராமல் கொசுத்தொல்லையை ஒழிக்க இதுதான் சிறந்த வழி என தெரிவிக்கப்பட்டுள்ளது.....................

வெப்துனியா

என்னங்க இது உண்மைல செய்தியா ...நான் நகைச்சுவை நு நினைச்சு படிச்சுகிட்டு இருக்கேன் ..

புரட்சி wrote:என்னங்க இது உண்மைல செய்தியா ...நான் நகைச்சுவை நு நினைச்சு படிச்சுகிட்டு இருக்கேன் ..

இது விஞ்ஞானிகளின் கண்டுபிடிப்பா அல்லது
அம்மாவின் அமைச்சரவை அஞ்ஞானிகளின் கண்டுபிடிப்பா?

4. மலட்டுதன்மையுடைய ஆண் கொசுக்கள், கொசுத்தொல்லை அதிகமாக இருக்கும் பகுதிகளில் விடுவிக்கப்படும்

கொசுவ எதுல பிடிப்பிங்க .....

புரட்சி wrote:கொசுவ எதுல பிடிப்பிங்க .....

எதிரி கட்சிகளுக்கு இந்த காண்டிராக்ட் வழங்கப்படுமாம் - சற்று முன் கிடைத்த செய்தி.

பாமக, தேமுதிக, திமுக, காங்கிரஸ், பிஜேபி கட்சிகளுக்கிடையே ஏலம் எடுப்பதில் கடுத்த போட்டியாம்.

ஒரு செய்தியைச் சொன்னா நம்புங்கப்பா...

அது சரி கொசு ஆன் கொசு ரெண்டையும் பிரிக்கும் போது யாரவது தப்பு பண்ணிட்ட

இது கொசு அழிப்புக் கிடையாது, கொசு உற்பத்தி. யாரோ கொசுக்கிட்ட லஞ்சம் வாங்கிகிட்டு இதெல்லாம் பண்றாங்கப்பா...?

ரொம்ப காமெடி செய்தியாக இருக்கே !