ஒரு காற்றின் முகவரிதேடி.....!

சுவாசம் அறிந்த மானுட கரங்கள்
காற்றின் கரங்களைப் பிடித்து
துருத்தியில் அடைத்தது!
தணல்கொண்டு இருப்பினை
உருக்கியது!
உள்வாங்கிய காற்றை
உதடுகளால் வெளியேற்றி
புல்லாங்குழலில் பிரசவித்தது
இனிய இசையை.....!
காற்றடைத்த பந்துகளால்
கால் பந்தாடாம் போட்டது!
உருளைகளில் காற்றடித்து
உல்லாசப்பயணம் கொண்டது..!
காற்றாலை செய்வித்து
மின்சார விளக்கேற்றியது!
இனிய தென்றல், புயல், சூறாவெளி
என பெயர்கொன்டாலும்
வேலி இன்றி பயணிக்கும்...!
காற்றினால் பதர் தூற்றி
நெல்மணிகள் நேர்த்தியானது!
வேற்றுகிரக பயணத்தில்
பிராணவாயுக் காற்றுடன்
வெற்றிடம் தேவைப்படுகிறது!
ஆம்......இந்த ஊனுடலும்
உயிர் எனும் பிராண(ன்)வாயு
பிரிந்தபின்.......வெற்று உடலாகி
செயலற்ற கரங்களுடன்
மண்ணுலகடைகிறது!
ஆன்மா மட்டும் அலைந்தபடி
ஒரு காற்றின் முகவரிதேடி.....!

.....கா.ந.கல்யாணசுந்தரம்.