எழுத்தாளர் ஹாய் மதனுக்காக ஒரு பிரார்த்தனை

DERAR BABU · DERAR BABU Thu Dec 20, 2012 4:22 pm

பல்லாண்டு காலமாக தமிழர்களின் வாழ்வோடு இணைந்து விட்டவர் எழுத்தாளர் மதன். ஹாய் மதன் என்றால் சட்டென்று புரிந்து கொள்வீர்கள்.

ஆனந்த விகடன் இதழில் பொறுப்பாசிரியராக பணியாற்றிய மதன், அந்த இதழை விட்டு வெளியே வந்த பின்பு தொலைக்காட்சி நிகழ்ச்சிகளில் பங்கேற்க துவங்கினார்.

ஒரு நடமாடும் என்சைக்ளோ பீடியா என்றழைக்கப்பட்ட மதன், அற்புதமான சினிமா விமர்சகர் என்பதை தொலைக்காட்சி நிகழ்ச்சிகளும் நிரூபித்து வந்தார்.

அண்மைக்காலமாக எந்தவொரு ஊடகத்திலும் அவரை காணாமல் திகைத்த அவரது ரசிகர்களுக்கு ஒரு அதிர்ச்சி செய்தி. மதன் கேன்சர் நோயால் பாதிக்கப்பட்டிருக்கிறார். இருந்தாலும் தன்னம்பிக்கையால் எதையும் வெல்லும் ஆற்றல் கொண்ட அவர் ஒரு மேஜர் ஆபரேஷனுக்கு பிறகு மீண்டு வந்திருக்கிறார்.

வயிற்றின் ஒரு பகுதியில் பாதிப்பை ஏற்படுத்தியிருந்த இந்த கேன்சர் நோயை வேரோடு அகற்றிவிட்டார்களாம் கைதேர்ந்த மருத்துவர்கள். அவர் பூரண நலம் பெற்றுத் திகழ வேண்டும், மீண்டும் மதன் அதே உற்சாகத்தோடு தொலைக்காட்சியில் தோன்ற வேண்டும் என்பதே உலகெல்லாம் நிரம்பியிருக்கிறஅவரது ரசிகர்களது விருப்பமும் பிரார்த்தனையும் ஆகும்..

தமிழ் மீடியா ..........