மாதாவின் மகிமை

இறை இயேசுவின் தாயாகிய தேவமாதா குறித்த விவிலிய குறிப்பு களைவிட வேத சத்திய பாரம்பரியத்திற்கும், நம்பகத்தன்மைக்கும் உட்பட்ட மாதவின் பிறப்பு, கல்வி, மண முடிப்பு, குடும்ப வாழ்வு, மீட்பரின் பிறப்பு, மீட்பரின் பாடுகளின் பயணம் என்பவற்றில் உள்ள தவசிறப்பு நல்ல குடும்ப வாழ்விற்கும், தாய் அன்பிற்கும், கட்டியம் காண்பதாகும்.

தேவ மாதாவின் தாயார் புனித அன்னம்மாள். தந்தை புனித சுக்கீன். தேவமாதா மூன்று வயது நிரம்பியவுடன், மாதா மரபுப்படி தேவாலாயத்தில் காணிக்கையாக ஒப்புக் கொடுக்கப்படுகிறார். தேவா லாயபடிகளில் இருந்து சிமியோனம் வரவேற்கிறார். அன்னாள் உடன் இருந்து தேவ மாதாவை வணங்கி வாழ்த்துகிறார்.

தேவமாதாவை ஒப்புக்கொடுத்த தேவாலயத்தில் பதினைந்து படிகள், ஜெபமாலை தேவ ரகசியங்களை குறிக்கிறது என்பது ஐதீகம். அதற்கே அப் படிகளில் கூட ரோஜா மலர்கள் இதழ் விரித்து வரவேற்பு கூறுகிறது.

தேவ மாதா தனது குழந்தைப் பருவத்தில் தன் தாய் தந்தையை வணங்கி மகிழ்ந்ததோடு மட்டுமன்று. கல்வி கற்பதிலும் இறையருள் பெற பிரார்த்தனை செய்வதிலும், தூய வாழ்வு வாழ்வதிலும்,நிலைத்து இறைவனுக்கு தன்னை முழுமையாக ஒப்புக் கொடுக்கிறாள்.

தேவ மாதாவின் திருமணம்

இறையருள் பெற்றே திருமணங்கள் நிகழ்ந்தன. ஆலய குரு மந்திரித்த செடி கிளைகளை வாலிபர்களுக்கு வழங்குவார். அவர்கள் அதில் தங்கள் பெயரை எழுதி ஆலய பீடத்தில் வைப்பர். தேவ மாதாவின் திருமணமும் இவ்வாறே நிகழ்ந்தது.

ஆலய பெரிய குரு தாவீது குலு வாலிபர்களை அழைக்கிறார். கிளை களை கொடுத்து பெயரெழுதி பீடத்தின் மீது வைக்கிறார். சூசையின் கிளையில் லீலி மலர் பூக்கிறது.

இது பரிசுத்த கற்பின் அடையாளம். எந்தக் கிளையில் பூ பூக்கிறதோ, அந்தக் கிளையில் யார் பெயர் எழுதியுள்ளதோ, அவரே கணவர். அந்தக் கிளையில் சூசையின் பெயரெழுதிய கிளை பூத்ததால் சூசை தேவமாதாவின் கணவராக இறைவனால் தேர்ந்தெடுக்கப்படுகிறார். ஆலய பெரிய குரு தேவ அன்னை மற்றும் சூசையப்பரின் திருமணத்தை நடத்துகிறார். தேவ மாதா பரிசுத்தம் என்ற ஆடையை பூண்டவளாக, தூய கற்பு நெறியின் அடையாளமாக லீலி புஷபத்தை கையில் ஏந்தியவராகவும். இருதயத்தில் தூய ஆவியினால் நிரப்பப்பட்டவராகவும் காட்சி தருகிறார்.

அவருடைய உள்ளம் பரிசுத்த தேவ ஆலயமாகவும், ஆவியானவர் குடியிருக்கும் இடமாகவும் ஆசிர் வதிக்கபட்டது.

இறைவன் மனுக்குல மீட்பிற்காக கன்னிவழி பிறப்பு என்பது தீர்க்க தரிசனங்கள். வேத வாக்குகள். சத்திய போதனைகள்.

கபிசூரியேல தூதர் மரியாவை வாழ்த்துகிறார். அருள்மிகுப் பெற்றவரே வாழ்க. ஆண்டவர் உம்மோடு இருக்கிறார். ஆம். சுதனாகிய தேவன் இறைமகன் இயேசு முப்பது ஆண்டுகள் தேவ அன்னையின் பராமரிப்பில் கண்ணின் இமைபோல் காத்து வளர்க்கப்படுகிறார்.

தனது உறவினரான வயது முதிர்ந்த எலிசபெத் அம்மாளுக்குக் கர்ப்ப கால உதவிக்காக நீண்ட தொலைவு நடந்து செல்லும் தேவ மாதாவின் பிறருக்காக உதவும் கருணை உள்ளம் இறைவனுக்கு ஏற்புடையது.

தேவமாதா இறந்த பின் விண்ணரசியாக முடிசூடப்பட்டு இறைவனால் ஏற்றுக் கொள்ளப்பட்டார் என்பதே தேவமாதாவின் மகிமையை முழுவதும் விளக்குவதாகும்.