எண்ணப்பறவைகள்

sasith aarthi · sasith aarthi Tue 18 Dec 2012 - 3:10

பௌர்ணமி நிலவு பூமியை வலம் வர
நட்சத்திர கூட்டங்கள் அடிக்கடி கண் சிமிட்ட

எங்கிருந்தோ வந்த தென்றல்
என்னை மயில் இறகால் வருட

சுற்றியும் இருள் சூழ்ந்திருந்தும்
மனம் முழுக்க ஆயிரம் விளக்குகள்
ஒளி வீசுவது போல் ஒரு வெளிச்சம்

மனதில் எந்தவொரு கவலையும் இல்லாமல் கண்களில் மட்டும் ஆயிரம் ஆயிரம் கனவுகளுடன்

இரவிலும் என் எண்ணப் பறவைகள்
சிறகு விரித்து கொண்டு

வானில் பறந்து விண்மீன்களுடன் போட்டி போட்டுகொண்டு

ஒளிர்ந்து கொண்டிருப்பதை ரசித்து கொண்டிருக்கிறேன்
என் எண்ணங்களும் இவ்வளவு தூரம்
உயருமா என்று ..............

யினியவன் · யினியவன் Tue 18 Dec 2012 - 11:50

எண்ணங்களும் உயரனும்
எண்ணத்திற்கேற்ற செயலிலும் உயரனும்
கனவுகளில் சிறந்தது நனவிலும் சிறக்கணும்

நன்று ஆர்த்தி - இனி சரியான தலைப்பின் கீழ் பதியவும் - கவிதைப் பகுதிக்கு மாற்றுகிறேன்