நெற்பயிரை காக்க குடிதண்ணீரை விலைக்கு வாங்கும் விவசாயிகள் : ஒருமுறை பாய்ச்ச ஏக்கருக்கு ரூ.4000 செலவு



நரிக்குடி :விருதுநகர் மாவட்டம் நரிக்குடி பகுதியில், மழையில்லாததால், நெற்பயிரை காக்க, விவசாயிகள் டிராக்டரில் குடிதண்ணீரை விலைக்கு வாங்கி, பயிர்களை காப்பாற்றுகின்றனர்.

இங்குள்ள கண்டுகொண்டான் மாணிக்கத்தில், 110 ஏக்கரில் விவசாயிகள் நெல் பயிரிட்டுள்ளனர். மழை இல்லாமல், கதிர் பரியும் நிலையில் இருந்த நாற்றுகள் நீரின்றி கருகி வருகின்றன. ஏக்கருக்கு 10 ஆயிரம் ரூபாய் வரை செலவழித்தும், பயிர்கள் வாடி வருவதால், விவசாயிகள் ஏக்கத்தில் உள்ளனர். தண்ணீர் இன்றி கருகி, வீணாகிவிட்ட 105 ஏக்கர் நெற்பயிர்கள், கால்நடைகளுக்கு தீவனமாகி விட்டன. ஒரு சில விவசாயிகள் மட்டும், பயிர்களை காப்பாற்ற, டேங்கர் லாரியில் குடிதண்ணீரை விலைக்கு வாங்கி வந்து, பயிர்களுக்கு பாய்ச்சுகின்றனர். ஒரு லாரி தண்ணீருக்கு 400 ரூபாய் செலவாகிறது. இதை ஒரு ஏக்கரில் பாய்ச்ச, 10 லாரி தண்ணீர் தேவை. இதற்காக, ஏக்கருக்கு 4000 ரூபாய் செலவிடுகின்றனர். இவ்வாறு நான்கு நாட்களுக்கு ஒரு முறை, தண்ணீர் பாய்ச்சி வருகின்றனர். இதனால், விவசாயிகள் பெரும் நஷ்டத்தை சந்திக்கின்றனர்.

விவசாயி கோவிந்தன்,"" தொடர்ந்து மழை இல்லாததால், கண்மாயில் தண்ணீர் இன்றி, பயிர்கள் அனைத்தும் கருகிவிட்டன. சாப்பாட்டிற்கு இந்த ஆண்டு நெல் இல்லை. அடுத்த முறை விதை நெல் தேவை என்பதால், ஒரு சில வயலுக்கு மட்டும், டிராக்டர் தண்ணீரை, விலைக்கு வாங்கி பாய்ச்சுகிறோம். இது வரை தண்ணீருக்கு மட்டும், ஏக்கருக்கு பத்தாயிரம் ரூபாய் வரை செலவழித்து விட்டேன். இன்னும், தண்ணீர் தேவைபடுகிறது. நஷ்டம் என்றாலும், வேறு வழியில்லை. என்ன செய்வது,'' என்றார்.

-தினமலர்

இதைவிட வேறென்ன வேண்டும் உலகம் அழியும் நிலை அடைய ?.

கொடுமை!

நம்ம அரசியல்வாதிகளின்