பயனற்றது...

உணரப்படாத இடத்தில்
செலுத்தப்படும் அன்பு...

கடைபிடிக்கப்படாத இடத்தில்
கூறப்படும் அறிவுரை..

ஏற்கப்படாத இடத்தில்
பகிரப்படும் ஆலோசனை...

வார்த்தைகளின் வலிமை(வாசம்) அறியாதவர்களிடம்
பேசப்படும் வார்த்தைகள்...

உழைப்பின் உன்னதம் அறியா இடத்தில்
சிந்தப்படும் வியர்வைத்துளிகள்..

விளையா நிலத்தில்
பாய்ச்சப்படும் நீர்...

ரசிக்கத்தெரியாதவர்களிடம்
கூறப்படும் கவிதை..

சுவைக்கத்தெரியாதவர்களுக்குப்
பரிமாறப்படும் அறுசுவை உணவு..
பயனற்றுப் போனாலும்..

பயனுள்ளவைகளின் பயன் அறிந்து
பயன்...
பயனுள்ளதாகும் என்றநம்பிக்கையில்
பகிர்வுகள் தொடர்கின்றன... புன்னகை

ரசிக்கத்தெரியாதவர்களிடம்
கூறப்படும் கவிதை..

.........உண்மைதான்.

தங்களின் பதிவு மிகவும் பயனுள்ளது. அருமையிருக்கு

by யினியவன் Mon Dec 17, 2012 11:31 am

நல்ல வரிகள் காயத்ரி.

சிலவற்றை நாம் செய்யும்பொழுது அதற்கான விளைவுகளை பிறரிடம் எல்லா சமயத்திலும் காணமுடியாது. ஆனால் நாம் செய்வது சரியானது எனில் மற்றும் அதை செய்வதால் நமக்கு திருப்தியும் மகிழ்ச்சியும் ஏற்பட்டால் அதே சமயம் அடுத்தவரை அது பாதிக்காதவரை நாம் அதை தொடரத்தான் வேண்டும்.