மோட்டார் சைக்கிள் நிறுவனமான Royal Enfield நிறுவனம் அடிக்கடித் தொலைதூரப் பயணம், அதிகம் பேர் ஒரே பைக்கில் பயணிப்பது உள்ளிட்ட நிகழ்ச்சிகளை நடத்தித் தன்னுடைய வாடிக்கையாளர்களைச் சாதனையாளர்களாக காட்டுவதில் பேரார்வம் காட்டுவது உண்டு. ராயல் என்ஃபீல்டின் புல்லட் பைக்கினை ஓட்டுவதே பெரும் சாதனையாகப் பலர் கருதுவது உண்டு என்றால் அது மிகையல்ல.
:-சரி..விஷயத்திற்குவருவோம். சமீபத்தில் ராயல் என்ஃபீல்ட் நிறுவனமே எதிர்பாராத ஒரு சம்பவம் நடந்தேறியது.
அறிமுக இயக்குனராக எல்லோருடைய கவனத்தை கவர்ந்த ‘ மௌன குரு ‘ சாந்த குமார் சென்னையில் இருந்து கோவாவுக்கு தன்னுடைய Royal Enfield மோட்டார் சைக்கிளிலேசென்று வந்துள்ளார் . 2,600 கிலோ மீட்டர் தூர பயணத்தை 26 மணி நேர பயணத்திலும் இரண்டு இரவு ஓய்விலும் கடந்திருக்கிறார்.
:-
எப்படி இந்த மன உறுதியுடன் கூடிய சாதனைகள் சாத்தியம் என்று கேட்டால், “எனது பள்ளிப்பருவத்திலேயே அந்த உறுதி என்னுள் விதைக்கப்பட்டு விட்டது. நல்ல ஆசிரயிர்களின் கீழே மட்டுமே பயில வேண்டும் என்ற என் பெற்றோர்களின் விருப்பத்துக்கேற்ப குக்கிராமம் முதல் சென்னை வரை ஆறு பள்ளிகளில் நல்ல ஆசிரியர்களாகத் தேடிச்சென்று பள்ளி பாடத்தை பயின்றேன்…அந்த ஆசிரியர்களிடமிருந்து பாடங்களை மட்டுமல்ல, எந்த செயலையையும் மன உறுதியுடன் திட்டமிட்டுச் சாதிக்க வேண்டும் என்பதையும் நான் கற்றுக் கொண்டேன்…அதன் விளைவுதான் இந்தப் பயணம்..” என்றார் சாந்தமாக.
:-
அவரது அடக்கம் அமரருள் உய்க்கும் என்பத்ற்கிணங்க, விலங்கியலில் பட்டப்படிப்பை முடித்தவர் இன்று கலைத் துறையில் இயக்குனராக உயர்ந்துள்ளார் .
:-
சாதிப்பதிலும் சாகசத்திலும சாந்தமானவனில்லை என நிரூபித்து உள்ள சாந்த குமார் தன்னுடைய அடுத்த படைப்புக்கு நீண்ட நாட்கள் எடுத்துக் கொள்வது பற்றி கூறும் போது , “நான் கதை எழுத எடுத்துக் கொள்ளும் நேரம் அதிகமே தவிர படப்பிடிப்பை திட்டமிட்ட குறிப்பிட்ட காலத்தில் முடிப்பதில் மிகுந்த கவனம்செலுத்துவேன் ‘ என கூறினார்.
:-
ரசிகர்களுக்குப் புதிதாக எதையும் சொல்ல விழையும் இவரைத் தயாரிப்பளர்களின் இயக்குனர் என்று சொன்னாலும் அது சாலப்பொருந்தும் தானே!
:-
Mysixer தளம்

சாதிப்பதிலும் சாகசத்திலும சாந்தமானவனில்லை என நிரூபித்து உள்ள சாந்த குமார் தன்னுடைய அடுத்த படைப்புக்கு நீண்ட நாட்கள் எடுத்துக் கொள்வது பற்றி கூறும் போது , “நான் கதை எழுத எடுத்துக் கொள்ளும் நேரம் அதிகமே தவிர படப்பிடிப்பை திட்டமிட்ட குறிப்பிட்ட காலத்தில் முடிப்பதில் மிகுந்த கவனம்செலுத்துவேன் ‘ என கூறினார்.