உடலை விட்டு பிரியும் உயிர் எங்கே போகிறது?

by அச்சலா Fri Dec 14, 2012 11:56 pm

உடலை விட்டு பிரியும் உயிர் எங்கே போகிறது?

உயிர்களுக்குப் பல பிறவிகள் உண்டு. ஒவ்வொரு பிறவியிலும் பாவ, புண்ணியத்திற்கு தகுந்தாற்போல புல், புழு முதலாக மனிதன் வரையில் உடல் நமக்கு கிடைக்கிறது. பாவச் சுமை குறைந்தால் தான் மனிதப்பிறவி கிடைக்கும். அரிதான மனிதப்பிறவி கிடைத்தும் புண்ணியத்தைத் தேடாமல் பாவச் சுமையை அதிகரித்தால் மீண்டும் பூமியில் பிறப்பு உண்டாகும். பாவம் முற்றிலும் நீங்கிவிட்டால் இறைவன் திருவடியில் பேரின்பவாழ்வு பெற்று மகிழலாம். உடலிற்கு மட்டுமே அழிவு உண்டு ஆத்மாவிற்கு அழிவில்லை.

-தினமலர்

by **அகிலன்** Sat Dec 15, 2012 4:38 am

எல்லா படைப்பினங்களிலும் கடவுளின் ஆவியே உயிராக ஓடிக்கொண்டு உள்ளது !
அதனாலேயே கடவுளை உள்ளே தேடு என ஞானிகள் சொன்னார்கள் !

உயிரை என் உயிர் என்று யாரும் சொந்தம் கொண்டாட முடியாது அது என்னுள்ளே இருந்தாலும் என்னால் மாசுபடுவதில்லை தனித்தது தூய்மையானது அதில் கவனத்தை குவித்தால் என்னாலும் தூய்மையடைய முடியும் என்பதை ஒருவர் புரிந்து கொண்டால் போதுமானது

உயிர் பிரிந்தால் உடல் அழியும் ஆனால் நானாகிய ஆத்துமா அழிவதில்லை அது சேர்த்துக்கொண்ட பாவ புண்ணியத்திற்கு ஏற்ப இன்னொரு உடலை பெரும் அது இயங்க கடவுள் ஆவியை உயிராக அருளுவார்