நாக்பூர் டெஸ்ட்: இந்தியா அபார பந்துவீச்சு: இங்கிலாந்து: 199/5

by அச்சலா Thu Dec 13, 2012 10:42 pm

நாக்பூர் டெஸ்ட்: இந்தியா அபார பந்துவீச்சு: இங்கிலாந்து: 199/5

நாக்பூர்: நாக்பூர் டெஸ்டில் இந்திய பவுலர்கள் துல்லியமாக பந்துவீச, ரன் சேர்க்க முடியாமல் இங்கிலாந்து பேட்ஸ்மேன்கள் திணறினர்.
இந்தியா வந்துள்ள இங்கிலாந்து அணி நான்கு போட்டிகள் கொண்ட டெஸ்ட் தொடரில் பங்கேற்கிறது. மூன்று டெஸ்ட் போட்டிகளில் முடிவில் இந்திய அணி 1-2 என பின்தங்கி உள்ளது. நான்காவது மற்றும் கடைசி டெஸ்ட் நாக்பூரில் உள்ள விதர்பா கிரிக்கெட் சங்க மைதானத்தில் இன்று துவங்கியது. "டாஸ் வென்ற இங்கிலாந்து கேப்டன் அலெஸ்டர் குக், பேட்டிங் தேர்வு செய்தார்.
ஜடேஜா வாய்ப்பு: இந்திய லெவன் அணியில் ரவிந்திர ஜடேஜா, பியுஸ் சாவ்லா இடம் பிடித்தனர். இங்கிலாந்து லெவன் அணியில் ஸ்டீவன் பின், சமித் படேல் நீக்கப்பட்டு டிம் பிரஸ்னன், அறிமுக வீரர் ஜோ ரூட் தேர்வு செய்யப்பட்டனர்.
பீட்டர்சன் அரைசதம்: முதல் இன்னிங்சை துவக்கிய இங்கிலாந்து பேட்ஸ்மேன்கள், இஷாந்த் சர்மா வேகத்தில் திணறினர். இவரது அபார பந்துவீச்சில் காம்ப்டன் (3), கேப்டன் அலெஸ்டர் குக் (1) அவுட்டானார்கள். பின் இணைந்த கெவின் பீட்டர்சன், ஜோனாதன் டிராட் ஜோடி ஆட்டத்தை கையில் எடுத்துக் கொண்டது. பொறுப்பாக ஆடிய பீட்டர்சன் அரைசதம் அடித்தார். 3வது விக்கெட்டுக்கு 86 ரன் சேர்த்த போது டிராட் (44) அவுட்டானார். அடுத்து வந்த இயான் பெல் (1) ஏமாற்றினார். பொறுப்பாக ஆடிய பீட்டர்சன் 73 ரன்களுக்கு வெளியேறினார்.
முதல் நாள் ஆட்டநேர முடிவில், முதல் இன்னிங்சில் இங்கிலாந்து அணி 5 விக்கெட்டுக்கு 199 ரன்கள் மட்டுமே எடுத்திருந்தது. ரூட் (31), பிரையர் (34) அவுட்டாகாமல் இருந்தனர். இந்தியா சார்பில் இஷாந்த், ஜடேஜா தலா 2, சாவ்லா ஒரு விக்கெட் வீழ்த்தினர்.

-தினமலர்

by **ரா.ரமேஷ்குமார்** Thu Dec 13, 2012 10:53 pm

இன்று ஒரே நாளில் 97 ஓவர்கள் பந்து வீசியும் அவர்கள் இவ்வளவு ரன்கள் தான் எடுத்துள்ளார்கள் என்றால் ஒரு முடிவுடன் தான் களம் இறங்கியிருக்கிறார்கள்.வெற்றி அவர்களுக்கு இந்த ஆட்டத்தில் தேவை இல்லை என்பதை அவர்களின் ஆட்டதிலே தெரிந்து விட்டது.இந்த போட்டியை டிரா செய்யும் நோக்கில் தான் தடுப்பாட்டத்தில் ஈடுபட்டு இருக்கிறார்கள் தொடரை வென்று சாதனை படைக்க...

by யினியவன் Fri Dec 14, 2012 10:54 am

250/7 - டிரா செய்வதுதான் அவர்களின் முதல் இலக்கு.

இந்தியா வெல்ல நன்றாக விளையாட வேண்டும்.

by யினியவன் Fri Dec 14, 2012 3:56 pm

330 இங்கிலாந்து ஆல் அவுட்

71/4 - இந்தியா பரிதாப நிலை

by பாலாஜி Fri Dec 14, 2012 3:59 pm

யினியவன் wrote:330 இங்கிலாந்து ஆல் அவுட்

71/4 - இந்தியா பரிதாப நிலை

டெண்டுல்கர் - 2 ரன்கள் மட்டுமே (வாழ்க விளம்பர நிறுவனத்தினர் )

by யினியவன் Fri Dec 14, 2012 4:01 pm

பாலாஜி wrote:டெண்டுல்கர் - 2 ரன்கள் மட்டுமே (வாழ்க விளம்பர நிறுவனத்தினர் )

ஆனாலும் ஒய்வு என்ற பேச்சுக்கே இடமில்லை என்பார்

by பாலாஜி Fri Dec 14, 2012 4:02 pm

யினியவன் wrote:
பாலாஜி wrote:டெண்டுல்கர் - 2 ரன்கள் மட்டுமே (வாழ்க விளம்பர நிறுவனத்தினர் )
ஆனாலும் ஒய்வு என்ற பேச்சுக்கே இடமில்லை என்பார்

2013 வரை விளம்பர ஒப்பந்தம் உள்ளதே

by யினியவன் Fri Dec 14, 2012 4:05 pm

2014 வரை பார்லிமெண்ட்ல இடம் குடுத்திருக்கோமே - அங்க பொழுதை கழிக்கலாமே

by பாலாஜி Fri Dec 14, 2012 4:09 pm

யினியவன் wrote:2014 வரை பார்லிமெண்ட்ல இடம் குடுத்திருக்கோமே - அங்க பொழுதை கழிக்கலாமே

அதை விட இதில் வருமானம் அதிகம் ..

பாவம் சாதனைகள் சோதனைகளாக மாறுவது அவருக்கு தெரியவில்லையா என்ன ...?

by பாலாஜி Fri Dec 14, 2012 4:22 pm

ரா.ரமேஷ்குமார் wrote:இன்று ஒரே நாளில் 97 ஓவர்கள் பந்து வீசியும் அவர்கள் இவ்வளவு ரன்கள் தான் எடுத்துள்ளார்கள் என்றால் ஒரு முடிவுடன் தான் களம் இறங்கியிருக்கிறார்கள்.வெற்றி அவர்களுக்கு இந்த ஆட்டத்தில் தேவை இல்லை என்பதை அவர்களின் ஆட்டதிலே தெரிந்து விட்டது.இந்த போட்டியை டிரா செய்யும் நோக்கில் தான் தடுப்பாட்டத்தில் ஈடுபட்டு இருக்கிறார்கள் தொடரை வென்று சாதனை படைக்க...

28 ஆண்டுகளுக்கு பிறகு இந்திய மண்ணில் தொடரை வென்று சாதனை படைக்க வேண்டும் என்பதே அவர்களின் நோக்கம்