10வது சர்வதேச திரைப்பட விழா தொடங்கியது

இண்டோ சினி அப்ரிசேஷன் நடத்தும் 10வது சர்வதேச திரைப்பட விழா தொடங்கியது. வரும் 20ம் தேதி வரை நடைபெறும் இந்த விழாவில் 57 நாடுகளைச் சேர்ந்த 160 படங்கள் திரையிடப்படுகிறது. துவக்க விழா துளிகள் ...
*இசைப்புயல் ஏ.ஆர்.ரகுமானின் இசைப் பள்ளி மாணவர்களின் இசை நிகழ்ச்சியுடன் தொடங்கியது. ரகுமானின் மகன் பியானோ இசை அரங்கை கைதட்டலால் நிரப்பியது.
*நடிகை வரலட்சுமி சரத்குமார் குத்துவிளக்கேற்றி தொடங்கி வைத்தார். பட்டுச்சேலை பளபளக்க முதுகு, கைகளில் விதவிதமான டாட்டுகளுடன் வந்து அசத்தினார்.
*செய்தி மற்றும் விளம்பரத்துறை அமைச்சார் ராஜேந்திர பாலாஜி முறைப்படி படவிழாவை துவக்கி வைத்து தமிழக அரசு சினிமாவுக்கு வழங்கி வரும் சலுகைகளை பட்டியலிட்டார்.
*வழக்கம்போல அமீர் குண்டு வீசினார் "எந்த நாட்டில் சர்வதேச படவிழா நடந்தாலும் அந்த நாட்டின் கலாச்சாரத்தை விளக்கும் நிகழ்ச்சிகள்தான் நடக்கும். இங்கு தமிழ்தாய் வாழ்த்துக்கூட பாடாமல் நிகழ்ச்சி தொடங்கியது வருத்தமாக இருக்கிறது" என்றார்.
*சரத்குமார் பேச வந்தபோது அமீரின் கோரிக்கையை ஏற்று அவரே தமிழ்த்தாய் வாழ்த்துப்பாட அரங்கம் மகிழ்ந்தது.
* சிறந்த தமிழ் படங்களை தேர்வு செய்யும் நடுவர்களாக நடிகர் சிவகுமார், ஒளிப்பதிவாளர் பி.ஆர்.விஜயலட்சுமி, இயக்குனர் சற்குணம் அறிவிக்கப்பட்டனர்
* இண்டோ சினி அப்ரிஷேசன் செயலாளர் தங்கராஜ். படவிழா தலைவர் சுஹாசினி ஆகியோர் அனைவராலும் பாராட்டப்பட்டனர்.
*இந்த பட விழாவுக்கு தமிழக முதல்வர் 50 லட்சம் ரூபாய் நிதி உதவி செய்ததை அனைவரும் நெகிழ்ச்சியோடு குறிப்பிட்டனர்.
*அரங்கம் நிறைந்த மக்களுடன் நடந்த விழா இனிதே நிறைவடைந்தது.
50 லட்சம் மக்கள் பணம் பார்த்து செலவு பண்ணுங்கப்பு...

-தினமலர்

சினிமாவிற்கு நல்ல செய்திதான்.
ஆனால் இறுதில் ஒன்று சொல்லியிருக்கே அதுதான் இடிக்குது.
இங்கே மின்சார வெட்டு அங்கு மின்சாரத்தில் கூத்து.