மோசமான ஆட்டத்தால் டோனியை நீக்க வேண்டும்: அமர்நாத் வலியுறுத்தல்

அச்சலா · அச்சலா Tue Dec 11, 2012 6:09 pm

மோசமான ஆட்டத்தால் டோனியை நீக்க வேண்டும்: அமர்நாத் வலியுறுத்தல்

இங்கிலாந்துக்கு எதிரான டெஸ்ட் தொடரில் இந்திய அணி தொடர்ந்து 2 டெஸ்டில் தோற்றதால் கேப்டன் டோனி கடும் விமர்சனத்துக்கு உள்ளாகி இருக்கிறார். இந்த நிலையில் டோனி டெஸ்ட் அணிக்கு தகுதியானவர் இல்லை. அவரை நீக்க வேண்டும் என்று முன்னாள் பிரபல வீரரும், தேர்வு குழு தலைவருமான மொகீந்தர் அமர்நாத் கூறியுள்ளார்.

இதுதொடர்பாக அவர் கூறியதாவது:-

கடந்த ஒரு ஆண்டுகளாக டோனியின் ஆட்டம் சிறப்பாக இல்லை. மோசமாகவே விளையாடி வருகிறார். அவர் அணியில் எப்படி இடம் பெற்று இருக்கிறார் என்றே தெரியவில்லை. அவரது ஆட்டத்திறனை பார்க்கும்போது அவர் அணிக்கு தகுதியானவராக இல்லை. இதனால் தேர்வு குழுவினர் டோனியை நீக்க வேண்டும்.

நான் அவருக்கு எதிரானவர் இல்லை. முன்பு சிறப்பாக ஆடியதை வைத்து தற்போது ஒப்பிடக்கூடாது. தெண்டுல்கர் ஒரு சிறந்த வீரர். அவர் பல ஆண்டுகள் விளையாடிவிட்டார். தொடக்க காலங்களில் விளையாடியதுபோல் தற்போது அவரால் விளையாட முடியவில்லை. இது மாதிரியான நேரம் எல்லோருக்கும் வரும். இதனால் தெண்டுல்கர் ஓய்வு முடிவை அறிவிக்க இது சரியான நேரமே.

இந்திய அணிக்கு இளம் ரத்தம் தேவை. இளம் வீரர்களுக்கும் வாய்ப்பு கொடுத்து பார்க்கலாம். வீரர்களின் திறமையை அறிய ஐ.பி.எல். போட்டி அளவுகோல் இல்லை. ஐ.பி.எல். போட்டி கிரிக்கெட் அல்ல. அது பொழுதுபோக்கான போட்டியாகும். இந்திய அணியில் எந்த நிலைகளிலும் (டெஸ்ட், ஒருநாள் போட்டி, 20 ஓவர் போட்டி) விளையாட ஐ.பி.எல். போட்டி உதவியாக இருக்காது.

இவ்வாறு மொகீந்தர் அமர்நாத் கூறினார்.

வடக்கு மண்டல தேர்வு குழு உறுப்பினராக பணிபுரிந்த அவர் சமீபத்தில்தான் அந்த பதவியில் இருந்து நீக்கப்பட்டார். ஆஸ்திரேலியா, இங்கிலாந்து சுற்றுப்பயணத்தின் போது ஏற்பட்ட தோல்வியால் 20 ஓவர் உலக கோப்பை போட்டிக்கு டோனி கேப்டனாக நீடிக்ககூடாது என்று அப்போதைய தேர்வு குழு தலைவர் ஸ்ரீகாந்திடம் அமர்நாத் வாக்குவாதம் செய்தார் என்பது குறிப்பிடத்தக்கது.

தேர்வு குழு முன்னாள் தலைவரும், முன்னாள் கேப்டனுமான துலீப் வெங்சர்க்கார் கூறியதாவது:-

தெண்டுல்கர் இந்திய கிரிக்கெட்டுக்கு மிகவும் பங்காற்றி உள்ளார். தற்போது அவருக்கு 39 வயதாகிறது. அவர் தொடர்ந்து ரன்களை எடுக்கிறார். ஆனால் அதே வேகத்தில் ரன்களை குவிக்க முடியவில்லை. கடந்த காலங்களை போல் அவரால் ஆதிக்கம் செலுத்த முடியவில்லை. அணியில் இருந்து நீக்கப்பட்ட ஜாகீர்கான், ஹர்பஜன்சிங், யுவராஜ் ஆகியோர் மீண்டும் அணிக்கு திரும்புவார்கள்.

இவ்வாறு அவர் கூறியுள்ளார்.

-மாலைமலர்

சதாசிவம் · சதாசிவம் Wed Dec 12, 2012 4:54 am

இவர் நடித்த விளம்பரப் படங்களை பார்த்து முடிவு செய்யுங்கள். என்னமா விளாசுகிறார்?

யினியவன் · யினியவன் Wed Dec 12, 2012 4:58 am

2014 2015 வரை விளம்பரங்களுக்காக பல பல கோடிகள் ஒப்பந்தம் செய்திருக்கிறார்.

தற்பொழுது விலகினால் அவற்றை திருப்பி கொடுக்கவேண்டும் என்பதால் தான் நீடிக்கிறார் என்று எங்கேயோ படித்தேன்.

ஆகவே விளம்பரங்களில் விளாசுவார் நன்றாகவே.