விவேகானந்தர் கண்காட்சி ரயில் குமரி வந்தது

**Muthumohamed** · **Muthumohamed** Thu Dec 13, 2012 2:19 pm

விவேகானந்தர் வாழ்க்கை வரலாற்றை விளக்கும் கண்காட்சி ரயில் புதன்கிழமை கன்னியாகுமரி ரயில் நிலையம் வந்தது.

சுவாமி விவேகானந்தரின் 150ஆவது பிறந்த நாளைக் கொண்டாடும் வகையில், இந்த கண்காட்சி ரயிலை, 12.1.2011-ல் மேற்கு வங்க மாநிலம் ஹெளராவில் கொடியசைத்து, தற்போதைய அம்மாநில முதல்வர் மம்தா பானர்ஜி தொடங்கி வைத்தார்.

விவேகானந்தர் விரைவு நடமாடும் ரயில் அருங்காட்சியகம் எனப் பெயரிடப்பட்ட இந்த ரயிலில் மொத்தம் 5 பெட்டிகள் உள்ளன.

இதில் 2 பெட்டிகளில் ஏ.சி. வசதியுடன் கண்காட்சி இடம் பெற்றுள்ளது.

இதில் விவேகானந்தரின் வாழ்க்கை வரலாறு, பொன்மொழிகள், அவரின் சிறந்த சொற்பொழிவுகள், பயன்படுத்திய பொருள்கள், அவர் சென்ற முக்கிய இடங்கள் குறித்த விவரங்கள் காட்சிகளாகவும், புகைப்படங்களாகவும் வைக்கப்பட்டுள்ளன.

கன்னியாகுமரி ரயில் நிலையத்தில் கண்காட்சி ரயிலை விவேகானந்த கேந்திர நிர்வாகிகள் மற்றும் கேந்திர பள்ளி மாணவர், மாணவிகள் வரவேற்றனர்.

கண்காட்சி ரயிலின் ஒருங்கிணைப்பாளரான சி.ஆர்.தாஸ் செய்தியாளர்களிடம் கூறியதாவது:

மேற்கு வங்கத்தில் தொடங்கிய இந்த கண்காட்சி ரயில் பல்வேறு மாநிலங்கள் வழியாக தமிழ்நாடு வந்துள்ளது.

இதுவரையிலும் பல லட்சம் பொதுமக்கள் மற்றும் பள்ளி, கல்லூரி மாணவர், மாணவிகள் பார்வையிட்டுள்ளனர்.

தமிழகத்தில் சென்னை, மதுரை, கோயம்புத்தூர், தருமபுரி உள்ளிட்ட முக்கிய நகரங்கள் வழியாக கன்னியாகுமரிக்கு இந்த ரயில் வந்துள்ளது.

இங்கிருந்து சனிக்கிழமை மாலை புறப்பட்டு திருவனந்தபுரம் செல்கிறது.

கன்னியாகுமரி சர்வதேச சுற்றுலாத்தலம் என்பதால் இந்த ரயிலை ஆயிரக்கணக்கானோர் கண்டுகளிக்கும் வாய்ப்பு உள்ளது என்றார் அவர்.

தினமணி

விவேகானந்தர் கண்காட்சி ரயில் குமரி வந்தது

விவேகானந்தர் கண்காட்சி ரயில் குமரி வந்தது

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக