சூர்யாவின் இடத்தை நிரப்புவாரா பிரகாஷ்ராஜ்??

by **Powenraj** Sun Dec 09, 2012 7:51 pm

காஃபி, செல்ஃபோன், முறுக்கு கம்பி என பல விளம்பரங்களில் நடித்த சூர்யா, விஜய் தொலைக்காட்சியில் நடந்த ‘நீங்களும் வெல்லலாம் ஒரு கோடி’ என்ற நிகழ்ச்சியை தொகுத்து வழங்கினார்.
:-
நீங்களும் வெல்லலாம் ஒரு கோடி நிகழ்ச்சி முடிந்ததும் மாற்றான் படம் வெளியானது. படம் நினைத்த அளவு வெற்றி பெறவில்லை என்றவுடன் சூர்யா அதிகமாக தொலைக்காட்சியில் தோன்றுகிறார் என அனைவரும் குறை கூற ஆரம்பித்தனர்.
:-
மாற்றான் வெளியான பின்பு சிங்கம்-2 படத்தில் நடிக்கஆரம்பித்துவிட்டார்.. இந்நிலையில் நீங்களும் வெல்லலாம் ஒரு கோடி நிகழ்ச்சியின் அடுத்த பாகம் எடுக்க முடிவெடுத்து அதற்கான ஏற்பாடுகளை தொடங்கியது விஜய் தொலைக்காட்சி. நீங்களும் வெல்லலாம் ஒரு கோடி நிகழ்ச்சியின் இரண்டாவது பகுதியையும் சூர்யாவே தொகுத்து வழங்குவார் என்ற நம்பிக்கையில் இருந்த விஜய் தொலைக்காட்சியிடம் தன்னால் இந்த முறை தொகுத்துவழங்க முடியாது என சூர்யா கையை விரித்துவிட்டார்.
:-
இதனால் தமிழ், தெலுங்கு, கன்னடம், மலையாளம் திரையுலகில் பிரபலமாக உள்ள ஒரு முகத்தை தேடியவர்களுக்கு கிடைத்திருப்பது பிரகாஷ்ராஜ். அனைத்து மொழிகளிலும் தெரிந்தவராக இருக்கும் பிரகாஷ்ராஜ் தான் நீங்களும் வெல்லலாம் ஒரு கோடி நிகழ்ச்சியின் இரண்டாவது பகுதியை தொகுத்து வழங்குகிறார்.
:-
நீங்களும் வெல்லலாம் ஒரு கோடி நிகழ்ச்சி சூர்யா வழங்கியதால் பட்டி தொட்டி எல்லாம் பிரபலமாகி விட்டது.அவரின் இடத்தை நிரப்புவாரா பிரகாஷ்ராஜ் என நிகழ்ச்சி வந்தபின் தான் தெரியும்.
:-
நன்றி மையூர்.காம்

by **ரா.ரா3275** Sun Dec 09, 2012 8:26 pm

கண்டிப்பாக சந்தேகமே?... சோகம்

by யினியவன் Sun Dec 09, 2012 8:41 pm

டேய் டேய் டேய் ஒரு கோடி நீ ஜெயிச்சிடுவியா
அப்படியே ஜெயிச்சாலும் கொண்டு போயிடுவியா

அப்படீன்னு மிரட்டுவாறோ!!!

by ச. சந்திரசேகரன் Sun Dec 09, 2012 9:05 pm

பிரகாஷ் ராஜ் ஒரு சிறந்த குணச்சித்திர நடிகர்.
கட்டாயம் மின்னுவார்.

by **ரா.ரா3275** Sun Dec 09, 2012 9:14 pm

ச. சந்திரசேகரன் wrote:பிரகாஷ் ராஜ் ஒரு சிறந்த குணச்சித்திர நடிகர்.
கட்டாயம் மின்னுவார்.

உங்கள் நம்பிக்கை மெய்யாகட்டும்...

by **ரா.ரமேஷ்குமார்** Sun Dec 09, 2012 9:19 pm

அருமையாக நிகழ்ச்சியினை தொகுத்து வழங்குவார் என்பது நிச்சயம்...ஆனால் சூர்யாவிற்காகவே நிகழ்ச்சியை பார்க்க ஒரு கூட்டம்(நானும் ஒருவன்) இருந்தது அது போல் பிரகாஷ்ராஜ் அவர்களுக்கும் இருக்கும் என்பது சந்தேகமே...

by றினா Mon Dec 10, 2012 10:18 am

பிரகாஷ்ராஜ் சிறந்த ஒரு கலைஞன். கலக்குவார் என்ற நம்பிக்கை எனக்கு இருக்கிறது.

by DERAR BABU Mon Dec 10, 2012 10:48 am

சூர்யாவை விட பிரகாஷ்ராஜ் பெட்டர் . ஷோ கலை கட்டும் .

by Arunjk Mon Dec 10, 2012 1:10 pm

அப்பாடி இனி நிம்மதியா "ஒரு கோடி " நிகழ்ச்சி பாக்கலாம்

by **பார்த்திபன்** Mon Dec 10, 2012 2:51 pm

நடிக்கவும் தெரிந்து நிறைய படங்களில் நடித்துக்கொண்டு பிசியாகவும் இருக்கும் ஒருவரை ஏன் தொந்தரவு செய்ய வேண்டும்? நடிக்கத் தெரியாமல் ஒரு காலத்தில் ஓஹோ என்று இருந்து தற்போது வாய்ப்புகள் இல்லாமல் இருக்கும் அண்ணன் பிரசாந்த், மாதிரி நபர்களுக்கு வாய்ப்புக் கொடுத்தால் சம்பளமும் அதிகம் கேட்கமாட்டார்கள். அவர்களுக்கும் பிழைப்பு நடக்கும். (நிறையப் பேர் பல்லைக் கடிக்கும் சத்தம் கேட்கிறது)