கசாப்பை தூக்கில் போட்டதால் நாசவேலைக்கு தீவிரவாதிகள் சதி: கிரிக்கெட் ரசிகர்களாக ஊடுருவல்?

மும்பையில் 2008-ம் ஆண்டு பாகிஸ்தான் தீவிரவாதிகள் நடத்திய தாக்குதல் சம்பவத்தை தொடர்ந்து அந்நாட்டுடனான கிரிக்கெட்உறவை மத்திய அரசு துண்டித்தது. இந்த நிலையில் பாகிஸ்தான் கிரிக்கெட் அணி இந்தியா வந்து விளையாட மத்திய அரசுசில மாதங்களுக்கு முன்பு அனுமதி வழங்கியது.
:-
அதன்படிபாகிஸ்தான் அணி இந்த மாதம்இந்தியா வந்து இரண்டு 20 ஓவர் போட்டி மற்றும் 3 ஒருநாள் போட்டிகளில் விளையாடுகிறது.
:-
முதலாவது 20 ஓவர் போட்டி வருகிற 25-ந்தேதி பெங்களூரிலும், 2-வது ஆட்டம் 27-ந்தேதி அகமதா பாத்திலும் நடக்கிறது.
:-
இந்தியா- பாகிஸ்தான் மோதும் முதல் ஒருநாள் போட்டி சென்னையில் 30-ந்தேதி நடக்கிறது. 2-வது போட்டி கொல்கத்தாவில் ஜனவரி 3-ந்தேதியும், 3-வது போட்டி டெல்லியில் 6-ந்தேதியும் நடக்கிறது.
இந்தியாவில் நடைபெறும் கிரிக்கெட் போட்டியை பார்க்க பாகிஸ்தான் ரசிகர்கள் ஆர்வமுடன் உள்ளனர். 3 ஆயிரம் ரசிகர்களுக்கும், 300 வி.ஐ.பி.களுக்கும் மத்திய அரசு விசா வழங்க ஒப்புதல் அளித்து விடடது. விசா வழங்குவதில் கடும் கட்டுப்பாடுகள் விதிக்கப்பட்டுள்ளன.
:-
பாகிஸ்தான் ரசிகர்களுக்குஇந்தியாவில் யாராவது உத்தரவாதம் அளித்தால் மட்டுமே விசா வழங்கப்படும் என்று மத்திய அரசு ஏற்கனவே அறிவித்து உள்ளது.
இந்த நிலையில் பாகிஸ்தான் கிரிக்கெட் ரசிகர்கள் போர்வையில் அந்நாட்டு தீவிரவாதிகள் இந்தியாவில்ஊடுருவ திட்டமிட்டு இருப்பதாக மத்திய உள்துறை அமைச்சகத்தை உளவுத்துறை எச்சரித்துள்ளது.
:-
மும்பை தாக்குதல் சம்பவத்தில் தொடர்புடைய தீவிரவாதி அஜ்மல் கசாப் சமீபத்தில் தூக்கிலிடப்பட்டான். இதற்கு பதிலடி கொடுக்க பாகிஸ்தான் தீவிரவாத இயக்கம் முடிவு செய்து உள்ளது.
:-
தீவிரவாதிகளை கிரிக்கெட் ரசிகர்கள் போர்வையில் இந்தியாவுக்கு அனுப்பி நாசவேலைக்கு திட்டமிட்டு இருப்பதாக உள்துறை அமைச்சகத்துக்கு உளவு துறை கடிதம் எழுதி உள்ளது. அதில் கூறப்பட்டு இருப்பதாவது:-
:-
கசாப்பின் மரணத்துக்கு பழிவாங்க தீவிரவாத இயக்கங்கள் வாய்ப்பை எதிர் பார்த்து காத்திருக்கிறனர். இதனால் கிரிக்கெட் போட்டியை மையமாக வைத்து தீவிரவாதிகளை ரசிகர்கள் போர்வையில் அனுப்பி வைக்க திட்ட மிட்டுள்ளனர்.
பாதுகாப்பு பலமடங்கு இருந்தாலும் ரசிகர்கள் மாயமாகி விட வாய்ப்பு உள்ளது.
இவ்வாறு அதில் கூறப்பட்டுள்ளது.
:-
2007-ம் ஆணடு கிரிக்கெட் போட்டி நடந்தபோது பாகிஸ்தானில் இருந்து ஏராளமானோர் இந்தியா வந்தனர். அவர்களில் 12 பேர் மாயமாகி விட்டனர். அவர்களை இன்று வரை கண்டுபிடிக்கவில்லை.
:-
மேலும் அமெரிக்காவில் கைது செய்யப்பட்ட பாகிஸ்தான் தீவிரவாதி டேவிட் ஹெட்லியிடம் நடந்த விசாரணையின்போது 2007-ம் ஆண்டில் கிரிக்கெட் ரசிகர்கள் என்ற போர்வையில் விசா பெற்று இந்தியாவில் நுழைந்தது தெரிய வந்தது.
இதை கருத்தில் கொண்டு கடும் சோதனைக்கு பிறகு விசா வழங்கப்படுகிறது.
:-
தற்போது உளவு துறையின் எச்சரிக்கை காரணமாக பலத்த பாதுகாப்பு ஏற்பாடுகள் செய்யப்பட்டுள்ளது. இதுதொடர்பாக உள்துறை அமைச்சக அதிகாரி ஒருவர் கூறும்போது, இந்தியா- பாகிஸ்தான் தொடரில் பாதுகாப்பு என்பது மிகவும் சவாலானது. உளவுத்துறை எச்சரிக்கை காரணமாக முக்கிய அதிகாரிகள் பாதுகாப்பு ஏற்பாடுகள் தொடர்பாக மறுஆய்வு செய்வார்கள் என்றார்.

:-நன்றி மாலை மலர்

நல்ல தகவல் விழிப்புடன் இருக்கட்டும் நமது காவல் துறை

ஆக்குவதற்கு ஒரு கும்பல், அதேபோல் அழிப்பதற்கும் ஒரு கும்பல்.
இறைவன் உலகத்தின் சமநிலையை இப்படியும் பேணுகிறானோ என்னவோ?