கொல்கத்தா டெஸ்ட்: அஸ்வின் ஆட்டத்தால் இன்னிங்ஸ் தோல்வியை தவிர்த்தது இந்தியா

**Powenraj** · **Powenraj** Sat Dec 08, 2012 5:31 pm

இந்தியா- இங்கிலாந்து அணிகள் மோதும் 3-வது டெஸ்ட் கிரிக்கெட் போட்டி கொல்கத்தா ஈடன் கார்டன் மைதானத்தில் நடைபெற்று வருகிறது.

B-)
இந்திய அணி முதல் இன்னிங்சில் 316 ரன்எடுத்தது. பின்னர் முதல் இன்னிங்சை ஆடிய இங்கிலாந்து அணி நேற்றைய 3-வது நாள் ஆட்டத்தின் முடிவில் 6 விக்கெட் இழப்புக்கு 509 ரன் குவித்து இருந்தது. கேப்டன் குக் 190 ரன்னும், டிராட் 87 ரன்னும் எடுத்தனர். பிரையர் 40 ரன்னும், சுவான் 21 ரன்னும் எடுத்து ஆட்டம் இழக்காமல் இருந்தனர்.

B-)
இன்று 4-வது நாள் ஆட்டம் நடந்தது. இங்கிலாந்து அணி தொடர்ந்து ஆடியது. அந்த அணி மேலும் 14 ரன் எடுப்பதற்குள் எஞ்சிய 4 விக்கெட்டையும் இழந்தது. இங்கிலாந்து 167.3 ஓவர்களில் 523 ரன் குவித்து ஆல்அவுட் ஆனது. இது இந்தியாவின் ஸ்கோரைவிட 207 ரன் கூடுதலாகும்.

B-)
ஒஜா 4 வக்கெட்டும், அஸ்வின் 3 விக்கெட்டும், ஜாகீர்கான், இஷாந்த் சர்மாதலா ஒரு விக்கெட்டும் கைப்பற்றினார்கள். 207 ரன்கள் பின் தங்கிய நிலையில் இந்திய அணி 2-வதுஇன்னிங்சை ஆடியது. ஷேவாக்கும், காம்பீரும் தொடக்க வீரர்களாக களம் இறங்கினார்கள்.

B-)
இந்திய அணியின் தொடக்கம் சிறப்பாகவே இருந்தது. ஸ்கோர் 86 ஆக இருந்தபோது ஷேவாக் 49 ரன்னில் ஆட்டம் இழந்தார். அவர் ஆட்டம் இழந்த பின்னர் இந்தியா விக்கெட்டுகள் சரிய ஆரம்பித்தது. புஜாரா 8 ரன்னிலும், காம்பீர் 40 ரன்னிலும், தெண்டுல்கர் 5 ரன்னிலும், யுவராஜ் சிங் 11 ரன்னிலும், தோனி ரன் ஏதும் எடுக்காமலும் ஆட்டம் இழந்தனர்.

B-)
இந்தியா அணி 6 விக்கெட்டுகளை இழந்து பரிதாப நிலையில் இருந்தது.7 - வது விக்கெட்டுக்கு களம் வந்த வீராட் கோலியும், அஸ்வின் பொறுப்புடன் விளையாடி வந்தனர். இருந்த போதிலும் கோலி 20 ரன்னில் விக்கெட்டை பறிகொடுத்தார்.அடுத்த வந்த ஜாகீர்கான் ரன் எதுவும் எடுக்காமல் பெவுலியன் திரும்பினார்.

B-)
பின்னர் களம் இறங்கிய இஷாந் சர்மா, அஸ்வினுடன் ஜோடி சேர்ந்து ஒரளவுக்கு தாக்குப்பிடித்து விளையாடி வந்தார். சர்மா 10 ரன் எடுத்திருந்த போது பனேசர் பந்து வீச்சில் போல்டு ஆனார். அடுத்து கடைசி விக்கெட்டுக்கு களம் வந்த ஒஜா, அஸ்வினுடன் இணைந்து விளையாடினார்.

B-)
ஒருபக்கம் விக்கெட்டுகள் விழுந்தாலும் அஸ்வின் பொறுப்புடன் விளையாடி ரன் சேர்த்தார்.
இறுதியில் இந்திய அணி 4- வது நாள் ஆட்ட நேர முடிவில் 9 விக்கெட்டுகளை இழந்து 239 ரன்கள் சேர்த்தது. அஸ்வின் 83 ரன்களுடனும், ஒஜா 3 ரன்களுடனும் களத்தில் இருந்தனர். இந்திய அணி கூடுதலாக 32 ரன்கள் எடுத்துள்ளது.

B-)நன்றி மாலை மலர்

யினியவன் · யினியவன் Sat Dec 08, 2012 5:38 pm

அஸ்வின் அபார ஆட்டம்

**T.N.Balasubramanian** · **T.N.Balasubramanian** Sat Dec 08, 2012 5:50 pm

ஓஜா , அஸ்வினுக்கு நல்ல ஒத்துழைப்பை கொடுத்து 100 மேல் run எடுக்க உதவினால் , நல்லது.
தோற்பு நிச்சயமாயினும், ஒரு வீரர், 100 எடுத்தால் சந்தோஷம். அதுவும் எங்கள் தெரு த(அ)ம்பி, எடுத்தால் டபுள் சந்தோஷம்.
ரமணியன்