ரிச் இந்தியா இலவச ஐஏஎஸ்,ஐபிஎஸ் அகாடமி

ஆசிரியர் குரல் வலைதளத்திலிருந்து ......

கோவையில் துவங்கப்பட்டுள்ள ரிச் இந்தியா இலவச ஐஏஎஸ்,ஐபிஎஸ் அகாடமி
கோவை,டிச.07(டி.என்.எஸ்) ரிச் இந்தியா சாரிடபிள் டிரஸ்ட்டின் மூலம் கோவையில் ரிச் இந்தியா இலவச ஐ.ஏ.எஸ், ஐ.பி.எஸ்(IAS,IPS) பயிற்சி மையம் ஆரம்பிக்கப்பட்டுள்ளது.

திறமையான இளைஞர்கள் சிவில் சர்வீஸ் தேர்வு எழுதி வெற்றி பெற முழுமையாக வழிகாட்டுவது இதன் நோக்கமாகும். ரிச் இந்தியா சிவில் சர்வீஸ் அகடாமியின் நுழைவுத் தேர்வில் வெற்றி பெற்று தேர்வாகும் மாணவ, மாணவியருக்கு உணவு, உடை, உறைவிடம் என அடிப்படை வசதிகளைத் தருவதுடன் தரமான குளிர்சாதன வகுப்பறை, அதிநவீன 24 மணி நேர நூலகம், 24 மணி நேர கம்ப்யூட்டர் மையம் ஆகிய வசதியுடன், தரமான ஆசிரியர்களின் பயிற்சியும் இலவசமாக அளிக்கப்படுகிறது.

...
முனைவர் பெரியார்தாசன் (முன்னாள் மத்திய தேர்வாணைய குழு உறுப்பினர்) மற்றும் அவரது குழுவினர் பயிற்சி கொடுப்பார்கள். மேலும் முசெளரியில் பயிற்சி அதிகாரியாக இருப்பவர்களிடன் நேரடியாக மாணவர்கள் உரையாடி அறிவுரைப் பெறவம் வசதி செய்யப்பட்டுள்ளது.

திறமைவாய்ந்த இளைஞர்களை நாளைய சமுதாயத்திற்கு ஏற்றவர்களாக உருவாக்குவதற்காக ரிச் இந்தியா ஆரம்பித்திருக்கும், ரிச் இந்தியா சிவில் சர்வீசஸ் அகாடமியின் துவக்க விழா சமீபத்தில் கோவையில் நடைபெற்றது.

சென்னை உயர்நீதிமன்ற லோக் அதாலத் நீதிபதி டாக்டர்.நீதியரசர் ஏ.என்.வள்ளிநாயகம், சிறப்பு விருந்தினராக கலந்துகொண்டு அகாடமியைத் திறந்து வைத்தார். திருமதி.அருணா அருளானந்து குத்து விளக்கேற்றினார். முனைவர் பெரியார்தாசன், சிறப்புரையாற்றினார். இந்த நிகழ்ச்சிக்கு ரிச் இந்தியா சார்பில், அதன் நிறுவனர் டாக்டர்.அருளானந்து தலைமை தாங்கினார்.

ரிச் இந்தியா சிவீல் சர்வீசஸ் அகடாமி அமைந்துள்ள இடம்
58/59 ஜி.கே.டி. நகர், பாப்பாநாயக்கன்பாளையன், கோயம்புத்தூர்

மேலும் தொடர்புக்கு ஸ்ருதி-9500192508, விஜயகுமார்-9865917575 ஆகியோரின் கைபேசி எண்ணில் தொடர்பு கொள்ளலாம்.

அருமையான பகிர்வு கோபி.

மாணவர்கள் பயன்படுத்தி நாடு பயன்பெற சேர்ந்து இங்கே சிறக்கட்டும்.

நல்ல பதிவு

நன்றி இனியவன் அவர்களே .