திரைப்பட விழாவுக்கு முதல்வர் நிதி!

சென்னையில் நடைபெறவுள்ள 10-வது சென்னை சர்வதேசத் திரைப்பட விழாவிற்காக தமிழக அரசின் சார்பில் 50 லட்சம் ரூபாய்க்கான காசோலையினை இந்திய திரைப்படத் திறனாய்வுக் கழகத்தின் பொதுச் செயலாளர் தங்கராஜிடம் வழங்கினார்.

:-)
இதுகுறித்து அரசு வெளியிட்டுள்ள செய்திக் குறிப்பில்:

:-)
இந்திய திரைப்படத் திறனாய்வுக் கழகம் சார்பில் 10-வது சென்னை சர்வதேசத் திரைப்பட விழா 12.12.2012 முதல் 20.12.2012வரை நடைபெறவுள்ளது. இந்த திரைப்பட விழாவில் 54 நாடுகளில் தயாரிக்கப்பட்ட172 திரைப்படங்கள், 8 நாட்களில் 8 திரையரங்குகளில் திரையிடப்படும்.

:-)
10-வது சென்னை சர்வதேச திரைப்பட விழாவிற்கு கடந்த ஆண்டைப் போன்றே வழிகாட்டுதலும், ஆதரவும், நிதியுதவியும் அளித்திடுமாறு இந்திய திரைப்படத் திறனாய்வுக் கழகத்தின் பொதுச் செயலாளர் முதல்வரிடம் கோரிக்கை விடுத்திருந்தார்.

:-)
அந்தக் கோரிக்கையை பரிசீலித்த முதல்வர், இந்தஆண்டு சென்னையில் நடைபெறவுள்ள 10-வது சென்னை சர்வதேச திரைப்பட விழாவிற்காக தமிழக அரசின் சார்பில் 50 லட்சம் ரூபாய்அனுமதித்து ஆணையிட்டிருந்தார். இந்தத்தொகைக்கான காசோலையை இன்றுதலைமைச் செயலகத்தில் இந்திய திரைப்படத் திறனாய்வுக் கழகத்தின் பொதுச் செயலாளர் தங்கராஜிடம் முதல்வர் வழங்கினார்.

:-)
இந்நிகழ்வில் தென்னிந்தியநடிகர் சங்கத்தின் தலைவரும், திரைப்பட நடிகருமான ஆர். சரத்குமார், எம்.எல்.ஏ., திரைப்பட நடிகை சுஹாசினி மணிரத்னம், இந்திய திரைப்படத் திறனாய்வுக் கழகத்தின் பொதுச் செயலாளர் நு. தங்கராஜ் ஆகியோர் கலந்து கொண்டார்கள்.

:-)
அவர்கள் முதல்வரை 10-வது சென்னை சர்வதேசத் திரைப்பட விழாவினை தலைமையேற்று நடத்தித் தர கேட்டுக் கொண்டு, இத்திரைப்பட விழாவிற்கு கடந்த ஆண்டைவிட இந்த ஆண்டு இருமடங்கு நிதியுதவி வழங்கியமைக்காக நன்றியையும் தெரிவித்துக்கொண்டார்கள்.
இவ்வாறு அந்த செய்திக் குறிப்பில் கூறப்பட்டுள்ளது.

:-)நன்றி இந்நேரம்.காம்

ஆனாலும் திரைப்படத் துறையினருக்காவது அனுமதி இலவசமா தருவாங்களா?...ம்ஹூம்...அது மட்டும் நடக்கவே நடக்காது...அப்புறம் நிதி வாங்கி என்ன செய்வாங்களோ?...