டெல்லியின் கழிவுநீர் கால்வாயாக திகழும் புனித யமுனை ஆற்றை சுத்தம் செய்ய முடியவில்லை என ஐந்து மாநில அரசுகள் கை விரித்துள்ளன. இதனால் ரூ.12 ஆயிரம் கோடி வீணானதே மிச்சம் என உச்ச நீதிமன்றம் கவலை தெரிவித்துள்ளது.

இமயத்தில் உருவாகி யமுனை ஆறாக இமாச்சலப்பிரதேசம், அரியானா, டெல்லி, உத்தரக்காண்ட், உத்தரப்பிரதேசம், ஆகிய மாநிலங்கள் வழியாக யமுனை பாய்கிறது. இந்த மாநிலங்களில் இருந்து வெளியாகும் திடக்கழிவுகள் மற்றும் கழிவுநீர் நேரடியாக ஆற்றில் கலப்பதால் யமுனை ஆறு நாசமடைந்ததாக பத்திரிக்கை செய்திகள் 1994ம் ஆண்டு வெளியாகின.

மாநிலங்களின் அக்கரையின்மையை அடுத்து இந்த விவகாரத்தை பார்த்த உச்ச நீதிமன்றம் இப்பிரச்னையை தானாக முன் வந்து விசாரணைக்கு எடுத்துக் கொண்டது. யமுனை ஆறு பாயும் இமாச்சலப்பிரதேசம், ஹரியானா, டெல்லி, உத்தரக்காண்ட், உத்தரப்பிரதேசம் ஆகிய மாநிலங்கள் சுத்திகரிப்பு நிலையங்கள் அமைக்க உத்தரவிடப்பட்டு.கழிவுநீரை சுத்திகரிக்கும் நிலையங்களும் அமைக்கப்பட்டன. யமுனை ஆற்றை சுத்தப்படுத்தும் திட்டத்திற்கு இதுவரை 12 ஆயிரம் கோடி செலவு செய்யப்பட்டுள்ளதாக உச்சநீதிமன்றத்தில் மாநில அரசுகள் சார்பில் தெரிவிக்கப்பட்டுள்ளது.

இந்த வழக்கை விசாரித்த உச்ச நீதிமன்றம் யமுனை ஆறு மாசுபடக் காரணமான எல்லா அமைப்புகளும் ஒன்றிணைந்து, ஆய்வு செய்து, மாசு ஏற்படுவதை தடுக்க எடுக்க வேண்டிய நடவடி க்கை குறித்து அறிக்கையை தாக்கல் செய்ய வேண்டும் என்ற உத்தரவின்படி, மத்திய மாசு கட்டுப் பாட்டு வாரியம் தாக்கல் செய்த ஆய்வு அறிக்கை சமர்பிக்கப்பட்டது,

அதில், டெல்லியில் முறையான கழிவுநீர் மேலா ண்மை இல்லை. கழிவுநீர், யமுனை ஆற்றில் நேரடியாகவே கலக்கிறது. இதுதான், யமுனை ஆற்றின் மாசுக்கு பெரும் காரணம். கரையில் உள்ள கழிவுநீர் சுத்திகரிப்பு நிலையங்கள் முழுமையாக செயல்படுவதில்லை என்று கூறப்பட்டது.

இந்த நிலையில் நேற்று நீதிபதிகள் ஸ்வந்தர் குமார் மற்றும் மதன் பி.லோகூர் ஆகியோர் முன்னிலையில் மீண்டும் விசாரணைக்கு வந்தது, அப்போது யமுனையை சுத்தப்படுத்த அரசுகள் மேற்கொண்ட நடவடிக்கைகள் குறித்து கண்டனம் தெரிவித்த நீதிபதிகள், யமுனையை சுத்தப்படுத்தும் முயற்சியில் அரசுகள் தோல்வி அடைந்துவிட்டன. மக்களின் பணம் வீணாக செலவிடப்பட்டுள்ளது.

டெல்லிக்கு 40 கி.மீக்கு வெளியே கழிவுநீரை சுத்திகரித்து, திடக்கழிவை அகற்ற தேவையான நிலம் அரசிடம் உள்ளது. சுத்தப்படுத்தும் முயற்சியில் ஈடுபட்டுள்ள அரசு துறைகளிடையே ஒத்துழைப்பும், கூட்டு முயற்சியும் இல்லை. இதேபோன்று செயல்பட்டால் யமுனை சுத்தமடையாது. எனவே இந்த திட்டத்தை எப்படி செயல்படுத்துவது குறித்து டெல்லி ஐஐடி, ரூர்கி பல்கலைக்கழக இயக்குனர்கள் அடுத்த விசாரணையின்போது ஆஜராக வேண்டும் என்று உத்தரவிட்டனர்.

நன்றி:வெப்தூனியா..

காலம் தாழ்ந்த செயல் எனினும் இப்பொழுதாவது தோன்றியதே.யமுனையிலும் மட்டுமல்ல இந்தியாவின் பல நதிகளில் இந்நிலை தான் .இந்துக்களின் மிக புனிதமாக கருதப்படும் கங்கை ஆறு கேட்கவே வேண்டாம்.இன்னும் கொடுமை .ஒரு புனிதமாக பலவாறு போற்றப்படும் ஆறு இப்படி கிடக்கிறது. இனியாவது அரசு செயலாற்றுமா நாட்டின் நீர் ஆதாரங்கள் மீது ?

நன்றி கரூர் கவியன்பன் அவர்களே!!