பஞ்சாப் மாநிலம் அமிர்தசரஸ் புறநகர் போலீஸ் நிலையத்தில் உதவி
சப்-இன்ஸ்பெக்டராக இருந்தவர் ரவீந்தர்பால்சிங். இவரது மகள் தினமும் டியூசனுக்கு சென்று வருவார். அப்போது காரில் வரும் இளைஞர்கள் அவரை தினமும் கேலி கிண்டல் செய்து வந்தனர்.

இதுபற்றி தந்தையிடம் அவர் புகார் செய்து இருந்தார். நேற்று மீண்டும் இளைஞர்கள் காரில் வந்து ஈவ்டீசிங் செய்தனர். உடனே செல்போனில் தந்தைக்கு தகவல் கொடுத்தார். அவர் விரைந்து வந்து இளைஞர்களை தட்டிக்கேட்டார்.

அப்போது வாக்கு வாதம் ஏற்பட்டது. தகராறு முற்றியதால் சப்-இன்ஸ்பெக்டர் ரவீந்தர்பால்சிங் வானத்தை நோக்கி துப்பாக்கியால் சுட்டு எச்சரிக்கை விடுத்தார். இதனால் தப்பி ஓடிய அந்த கும்பல் சில நிமிடங்களில் துப்பாக்கிகளுடன் மேலும் சிலரை அழைத்துக் கொண்டு அங்கு வந்தனர்.

சப்-இன்ஸ்பெக்டரையும் அவரது மகளையும் துப்பாக்கியால் சுட்டனர். இதில் சப்-இன்ஸ்பெக்டர் ரவீந்தர்பால்சிங் அதே இடத்தில் குண்டு பாய்ந்து பலியானார். அவரது மகள் லேசான காயத்துடன் தப்பினார். உடனே போலீசார் விரைந்து வந்து விசாரணை நடத்தினார்கள். மாணவியை மீட்டு ஆஸ்பத்திரியில் சேர்த்தனர்.

சப்-இன்ஸ்பெக்டரை சுட்ட கும்பலில் ஒருவர் உள்ளூர் அகாலி தள தலைவர் என தெரிய வந்தது. அவர் உள்பட 3 பேரை போலீசார் தேடி வருகிறார்கள். சுட்டுக் கொல்லப்பட்ட போது சப்-இன்ஸ்பெக்டர் போலீஸ் சீருடையில் இருந்தார்.

அவருக்கும் கும்பலுக்கும் மோதல் நடந்த போது பொது மக்கள் இதுபற்றி அருகில் உள்ள போலீஸ் நிலையத்துக்கு தகவல் தெரிவித்தனர். அவர்கள் உடனே வந்திருந் தால் சப்-இன்ஸ்பெக்டர் உயிரை காப்பாற்றி இருக்கலாம் என்று பொது மக்கள் கூறினார்கள்...................

மாலைமலர்

இந்த சமூகத்திடமும் மனித அமைப்புகளிடமும் நான் வைக்கும் கண்டனம் மிகுந்த கேள்வி இது .

சமூகத்தில் நல்லோர் உள்ள பலரை மிருகவாதிகள் சுட்டும், கொடூரமாகவும் கொலை செய்யும் போது எங்கோ மூலையில் ஒளிந்துக்கொள்ளும் நீங்கள் அதே நேரத்தில் பல மோசமான ரவுடிகளை என்கவுண்டர் என காவல் செய்யும்போது மட்டும் வாரி வரிந்துகட்டிக் கொண்டு எங்கிருந்து தான் வருகிறீர்கள் ?

நீங்கள் மனிதத்திற்கு காவலாளிகளா அல்லது மிருகவாதிகளுக்கு காவலாளிகளா ?

கரூர் கவியன்பன் wrote:இந்த சமூகத்திடமும் மனித அமைப்புகளிடமும் நான் வைக்கும் கண்டனம் மிகுந்த கேள்வி இது .

சமூகத்தில் நல்லோர் உள்ள பலரை மிருகவாதிகள் சுட்டும், கொடூரமாகவும் கொலை செய்யும் போது எங்கோ மூலையில் ஒளிந்துக்கொள்ளும் நீங்கள் அதே நேரத்தில் பல மோசமான ரவுடிகளை என்கவுண்டர் என காவல் செய்யும்போது மட்டும் வாரி வரிந்துகட்டிக் கொண்டு எங்கிருந்து தான் வருகிறீர்கள் ?

நீங்கள் மனிதத்திற்கு காவலாளிகளா அல்லது மிருகவாதிகளுக்கு காவலாளிகளா ?

எனது கேள்வியும் இதுதான் கவி நண்பரே!? கசாப்புக்கு ஆதரவாகவும் நிறைய பேர் பேசியதை இன்னும் மறக்க இயலாது.