அச்சலாவின் சமையல் -அவசியம்

by அச்சலா Thu Dec 06, 2012 6:46 am

சுவையான... சில்லி சப்பாத்தி
அச்சலாவின் சமையல் -அவசியம் 08-chilli-chapati

இரவில் சப்பாத்தி சுட்டதில், மிஞ்சிய சப்பாத்திகளை தூக்கிப் போடாமல், அவற்றை வைத்து காலையில் ஒரு சூப்பர் டிபனான சில்லி சப்பாத்தி செய்யலாம். அதுவும் இந்த டிபனை குழந்தைகள் மிகவும் விரும்பி சாப்பிடுவர். இப்போது அந்த சில்லி சப்பாத்தியை எப்படி செய்வதென்று பார்ப்போமா!!!

தேவையான பொருட்கள்:

சப்பாத்தி - 2
வெங்காயம் - 1
தக்காளி - 1
பச்சை மிளகாய் - 1
மிளகாய் தூள் - 1 டீஸ்பூன்
சில்லி சாஸ் - 1/2 டேபிள் ஸ்பூன்
தக்காளி சாஸ் - 1 டேபிள் ஸ்பூன்
சோயா சாஸ் - 1 டேபிள் ஸ்பூன்
கொத்தமல்லி - சிறிது
உப்பு - தேவையான அளவு
எண்ணெய் - தேவையான அளவு

செய்முறை:

முதலில் சப்பாத்தியை சிறிய துண்டுகளாக நறுக்கிக் கொள்ளவும். வெங்காயம் மற்றும் தக்காளியை பொடியாக நறுக்கிக் கொள்ளவும். பின் பச்சை மிளகாயை கீறிக் கொள்ளவும்.

பின்னர் ஒரு வாணலியை அடுப்பில் வைத்து, அதில் எண்ணெய் ஊற்றி காய்ந்ததும், நறுக்கிய வெங்காயம், தக்காளியைப் போட்டு நன்கு வதக்கவும். பின் சிறிது உப்பு மற்றும் பச்சை மிளகாயை சேர்த்து வதக்க வேண்டும்

பின் அதில் மிளகாய் தூள், சில்லி சாஸ், தக்காளி சாஸ் மற்றும் சோயா சாஸ் விட்டு கிளற வேண்டும். பிறகு அதில் நறுக்கி வைத்துள்ள சப்பாத்தி துண்டுகளைப் போட்டு நன்கு கிளறி இறக்கி விடவும்.

இப்போது சுவையான சில்லி சப்பாத்தி ரெடி!!! இதன் மேல் கொத்தமல்லியைத் தூவி பரிமாறவும்.

குறிப்பு: விருப்பமுள்ளவர்கள் இதனுடன் குடை மிளகாய், கேரட் போன்ற காய்கறிகளை சேர்த்து சில்லி சப்பாத்தியை செய்யலாம்.

சுவையான சுவையான... சில்லி சப்பாத்தி ரெடி..
நன்றி:தளம்

by அச்சலா Thu Dec 06, 2012 6:48 am

சேமியா பொங்கல்

அச்சலாவின் சமையல் -அவசியம் 23-semiya-pongal-300

தேவையான பொருட்கள்:

சேமியா - 2 கப்
பயத்தம் பருப்பு - 2 கப்
மிளகு - 1 டீஸ்பூன்
சீரகம் - 1 டீஸ்பூன்
இஞ்சி - சிறிது (துருவியது)
முந்திரிப் பருப்பு - சிறிது
கறிவேப்பிலை - சிறிது
பெருங்காயத்தூள் - சிறிது
உப்பு - தேவையான அளவு
நெய் - தேவையான அளவு

செய்முறை:

முதலில் ஒரு வாணலியை அடுப்பில் வைத்து, நெய் ஊற்றி காய்ந்ததும், சேமியாவை போட்டு பொன்னிறமாக வறுத்துக் கொள்ளவும்.

பின்னர் ஒரு பாத்திரத்தை அடுப்பில் வைத்து, அதில் பயத்தம் பருப்பு மற்றும் தண்ணீர் ஊற்றி, பருப்பை முக்கால் பதம் வரை வேக வைக்கவும்.

பிறகு அதோடு வறுத்து வைத்துள்ள சேமியாவை சேர்த்து, இரண்டையும் நன்கு குழைய வேக வைக்கவும்.

பின் அத்துடன் உப்பு மற்றும் பெருங்காயத்தூள் சேர்த்து நன்கு கிளறவும்.

அதே நேரத்தில் மற்றொரு பக்கம் மற்றொரு வாணலியை வைத்து நெய் ஊற்றி, மிளகு, சீரகம், இஞ்சி, முந்திரிப்பருப்பு மற்றும் கறிவேப்பிலை சேர்த்து வறுத்து, அந்த சேமியாவில் போட்டு, ஒரு முறை கிளறி இறக்க வேண்டும்.

இப்போது அருமையான சேமியா பொங்கல் ரெடி!!! இதனை தேங்காய சட்னியுடன் சாப்பிட்டால் சுவையாக இருக்கும்.

நன்றி:தளம்

by அச்சலா Fri Dec 07, 2012 4:16 am

பீட்ஸா

தேவையானவை:

கோதுமை மா - 250 கிராம்
சீனி - 2 தேக்கரண்டி
ஈஸ்ட் - 1/4 தேக்கரண்டி (உடன் வெது வெதுப்பான நீரில் கலந்து கொள்ளவும்)
நெய் - 1 தேக்கரண்டி
பேக்கிங் பவுடர் - 1 தேக்கரண்டி
உப்பு - 1 தேக்கரண்டி

செய்முறை:

கோதுமை மாவில் கலந்துவைத்த ஈஸ்ட், பேக்கிங் பவுடர், நெய், உப்பு சேர்த்து தேவையான தண்ணீர் விட்டு பிசைந்து கொள்ளவும். பிறகு சற்று விரிவான பாத்திரம் 8 அங்குல விட்டம் 2 அங்குல உயரம் ஒன்றில் நெய் தடவி, பாத்திரம் கொள்ளும் அளவு மா அரை செ.மீ கணம் இருக்கும்படி விரித்து வைக்கவும். நெய் தடவி மாவை பேக்கிங் அடுப்பில் வைத்து 350 டிகிரியில் முக்கால் பாகம் வேகும் வரை வைத்து எடுக்கவும்.

பீட்ஸாவினுள் பரப்புவதற்கு தேவையானவை:

தக்காளி - 300 கிராம்
மிளகாய் துண்டு - 1
மிளகாய் சோஸ் - 2 தேக்கரண்டி
பூண்டு - 4 துண்டு
மிளகாய் தூள் - 1 தேக்கரண்டி
வெள்ளரிக்காய் - 1
பெரிய வெங்காயம் - 1
சிஸ் - 50 கிராம்
இஞ்சி - சிறிய துண்டு
உப்பு - தேவையான அளவு

செய்முறை:

வெங்காயம், பூண்டு, இஞ்சியை நறுக்கிக் கொள்ளவும். தக்காளிப் பழங்களை சிறு சிறு துண்டுகளாக வெட்டிக் கொள்ளவும். விணாகிரியில் ஒரு தேக்கரண்டி நெய்விட்டு வெங்காயம், பூண்டு, இஞ்சி போட்டு வதக்கி, தக்காளித்துண்டுகளை போட்டு வதக்கவும். உப்பு, மிளகாய்தூள் போடவும். சோஸ் கெட்டியானவுடன் இறக்கவும். 2 தக்காளி, வெங்காயம், வெள்ளரிக்காயை வட்டவடிவில் வெட்டி குடை மிளகாயையும் நறுக்கி, சுட்டு வைத்து இருக்கும் முக்கால் பங்கு வெந்த பீட்ஸாவின் உள்ளே வைத்து அடுக்கி, மிளகாய் சோஸ் ஊற்றி சிஸ்ஸை துருவி மேலே தூவிக்கொள்ளவும். வெண்ணெய் 2 தேக்கரண்டி மேலே விட்டு மறுபடியும் 10 நிமிடம் 350 டிகிரி சூட்டில் வேகவைத்து எடுக்கவும். இப்பொழுது சுவையான பீட்ஸா ரெடி.

நன்றி :சாளரம்

by அச்சலா Tue Dec 11, 2012 1:16 am

பாகற்காய் சூப்

அச்சலாவின் சமையல் -அவசியம் C91e1f43-90c8-4e5f-bc48-d2388cbd5ef0_S_secvpf

தேவையான பொருட்கள்...

பெரிய பாகற்காய் - 1
எலுமிச்சம்பழம் - பாதி
காய்ச்சிய பால் - 1/2 கப்
எண்ணெய்‍ - 1 தேக்க‌ர‌ண்டி
பெரிய வெங்காயம் - 1
தக்காளி - 1
பச்சை மிளகாய் - 1
மிளகு தூள் - 1 ஸ்பூன்

தாளிக்க...

சோம்பு - 1/4 தேக்க‌ர‌ண்டி
உளுத்தம்பருப்பு - 1/2 தேக்க‌ர‌ண்டி
பட்டை - 1
கறிவேப்பிலை, கொத்தமல்லி - சிறிது
உப்பு - தேவையான அளவு

செய்முறை....

• பாகற்காயை பொடியாக நறுக்கி தண்ணீரில் அலசி சிறிது மஞ்சள் பொடி சேர்த்து குக்கரில் 2 விசில் விட்டு வேக விட வேண்டும்.

• வாணலியை அடுப்பில் வைத்து எண்ணெய் விட்டு சோம்பு, உளுத்தம் பருப்பு, பட்டை, கறிவேப்பிலை போட்டு தாளிக்க வேண்டும். அத்துடன் வெங்காயம், தக்காளி, பச்சை மிளகாய் சேர்த்து வதக்க வேண்டும். இத்துடன் வெந்த பாகற்காய் போட்டு கிளறி தண்ணீர் சேர்த்து குக்கரில் வைத்து ஒரு விசில் விட்டு இறக்க வேண்டும்.

• அதனுடன் உப்பு, மிளகு தூள் சேர்த்து, எலுமிச்சம்பழம் பிழிய வேண்டும்.

• கடைசியாக பால் சேர்த்து கொத்துமல்லி தூவி பரிமாற வேண்டும்.

மாலை மலர்..

by Guest Tue Dec 11, 2012 9:28 am

அருமை அச்சு தொடருங்கள்

by அச்சலா Tue Dec 11, 2012 10:39 am

புரட்சி wrote: அருமை அச்சு தொடருங்கள்

நன்றி மதன் ...
சூப் எப்படி.....

by **ஜாஹீதாபானு** Tue Dec 11, 2012 12:17 pm

அச்சலாவின் சமையல்னு படிச்சதும் உங்க சமையல் நு நினைச்சு வந்தேன்

பகிர்வுக்கு நன்றி அச்சலா

by அச்சலா Tue Dec 11, 2012 12:31 pm

ஜாஹீதாபானு wrote:அச்சலாவின் சமையல்னு படிச்சதும் உங்க சமையல் நு நினைச்சு வந்தேன்

பகிர்வுக்கு நன்றி அச்சலா

அப்படியா,,சமைக்க தெரியும் நல்ல....
சமைத்ததை இங்கு பகிர உதவின இந்த தளங்கள்..

by **ஜாஹீதாபானு** Tue Dec 11, 2012 12:47 pm

அச்சலா wrote:
ஜாஹீதாபானு wrote:அச்சலாவின் சமையல்னு படிச்சதும் உங்க சமையல் நு நினைச்சு வந்தேன்

பகிர்வுக்கு நன்றி அச்சலா
அப்படியா,,சமைக்க தெரியும் நல்ல....
சமைத்ததை இங்கு பகிர உதவின இந்த தளங்கள்..

உங்க சமையல போடுங்க அச்சலா